Зеќири останува во Шутка, притворот му е продолжен за уште 30 дена

Тале Кристо — Tue, 07 Jun 2022 14:34:46 +0000

Поранешниот генерален секретар на Владата, Мухамед Зеќири останува во притвор, откако денеска Основниот Кривичниот суд – Скопје му одреди нови 30 дена, потврдија извори од Судот за МИА. Ова е второ продолжување на мерката притвор за 30 дена на Зеќири, кого ОЈО-ГОКК го сомничи за злоупотреба на службената положба и овластувања. Првата мерка притвор од 30 дена му беше изречена на 9 април, а првото продолжување на 5 мај. За двете одлуки Зеќири поднесе жалби, кои беа одбиени. Обвинителството го товари Зеќири дека во периодот од април 2021 до јануари 2022 година во својство на генерален секретар на Владата, без да спроведе јавна набавка, склучил договори за консултантски услуги со фирма којшто договор бил во вкупна вредност од околу 941 985 евра што е за околу 147 000 евра повеќе од 795 000 евра, износ што бил договорен за консултантските услуги.

Учениците во Албанија ќе имаат продолжен празничен одмор

Тале Кристо — Tue, 22 Dec 2020 12:31:12 +0000

Учениците од основното и средното образование во Албанија ќе имаат продолжиме празничен одмор, одлучи Комитетот на експерти за справување со пандемијата со Ковид-19. -Празничниот одмор за над 430.000 основци и средношколци почнува на 24 декември, а учениците на настава треба да се јават на 11 јануари, наместо, како вообичаено на 4 јануари. Епидемиолошката состојба во земјата ќе биде редовно аналзирана, од што ќе зависи дали ќе има други измени, информираше Комитетот. Во Албанија учебната 2020/2021 година почна на 15 септември со физичко присуство на учениците. Поради влошената епидемиолошка состојба по оценка на Комитетот наставата во основното и средното образовение во Албанија, од први декември се одвива комбинирано, онлајн и со физичко присуство на учениците. Учениците од прво до петто одделение во основните училишта,како и матурантите, следат настава со физичко присуство, останатите онлајн. Наставата во приватните училишта и во селските населени места каде има помал број ученици наставата се одвива со физичко присуство. Со одлука на Комитетот од 24 декември се зголемува и времетраењето на полицискиот час.Наместо од 22 до 6 часот, што беше воведено на 11 минатиот месец, ограниченото движење од 24 декември до 4 јануари ќе трае од 20:30 часот до 6 часот, по што од наредниот ден се враќа претходната одлука за времетраењето на полицискиот час.

продолжен – Kurir.mk

Зеќири останува во Шутка, притворот му е продолжен за уште 30 дена

Учениците во Албанија ќе имаат продолжен празничен одмор