продолжение – Kurir.mk

ПРОДОЛЖЕНИЕ НА „ОЧАЈНИ ДОМАЌИНКИ“: 20 години по првото емитување, познатите дами се враќаат на ТВ екраните

Магдалена Андонова — Wed, 05 Jan 2022 15:20:00 +0000

Дваесет години по премиерата на првата епизода од популарната серија „Очајни домаќинки“, се чини дека 2022 година би можела да биде годината во која на екраните ќе се вратат новите авантури на навидум совршеното соседство – Вистерија Лејн. Иако долго време се зборуваше за можно продолжение, на новогодишната ноќ официјалниот Твитер профил на серијата со симболична објава ги потврди шпекулациите. Очајно ја чекаме 2022 година, напишаа со фотографија од главната актерска екипа. Ева Лонгорија, која ја играше Габриела Солис, уште во октомври изјави дека е планирано повторно прикажување на серијата и дека таа ќе биде првата што ќе се пријави за учество во новите епизоди. Инаку, оваа серија имаше осум сезони, а ги следеше навидум здодевните, а всушност многу возбудливи животи на група жени кои живеат во навидум „совршена“ населба која крие многу тајни, злосторства, романси и семејни конфликти. - Иако приказната за серијата се раскажува според планираното до самиот крај, ние сè уште разговараме за можностите кои ни се нудат. Мислиме дека имаме уште многу да направиме и да кажеме. Затоа, сигурен сум дека ова е само нов почеток за „Очајни домаќинки“, рече Лонгорија.

*Desperately* waiting for 2022. pic.twitter.com/Io6cN99giO
— Desperate Housewives (@DesperateABC) December 31, 2021

Најавени трите последни продолженија на „Брзи и бесни“

Дарко Андоновски — Wed, 21 Oct 2020 12:32:45 +0000

Сагата „Брзи и бесни“ ќе доживее уште три свои продолженија и конечно – приказната ќе заврши, соопштија продуцентите. Деветтиот дел, под наслов „Ф-9“ е во постпродукција и е најавен за 28 мај 2021 година. Тој е во режија на Џастин Лин и во него ќе глумат Вин Дизел, Шарлиз Терон, Џон Сена и речиси цела актерска екипа од претходно. Лин ќе ги режира и последните два филма. Серијалот лани доживеа и тн. „спин-оф“ на приказната – „Хобс и Шо“, со Двејн Џонсон и Џејсон Стејтам во главните улоги. Тој филм заработи речиси 760 милиони долари, па не се исклучени и други слични „одграноци“ на приказната.

Најавено продолжение на филмот „П.С. Те сакам“

Ивона Петрова — Wed, 12 Feb 2020 11:39:51 +0000

Продукциската компанија Алкон ентертејнмент ги обезбеди филмските права за романот „Постскриптум“ (Postscript) на писателката Сесилија Ахерн, што е продолжение на бестселерот „П.С. Те сакам“ (P.S. I Love You) од 2004 година. И првата книга на ирската писателка, исто така, беше филмувана, во 2014 година, со Хилари Свонк, Џерард Батлер, Лиза Кудроу Кети Бејтс… „Постскриптум“ беше пуштена во продажба прво во Велика Британија, лани во септември, а вчера е објавена и во САД.

Најавено продолжение на филмот „Веном“

Ивона Петрова — Tue, 08 Jan 2019 11:57:42 +0000

Продукциската куќа „Сони Пикчрс“ го најави вториот дел од приказната за антихеројот на Марвел, Веном, со речиси истиот тим. Насловната улога повторно ќе ја толкува Том Харди, а се очекува нему да му се придружи и Мишел Вилијамс. Познато е и дека сценаристката Кели Расел ќе го работи и сценариото и ќе го продуцира вториот дел. Датумот на премиерата сѐ уште не е утврден. „Веном“, чија премиера беше лани, досега во светот заработи 885 милиони долари. МИА

Ќе се снима филм продолжение на „Breaking Bad“

Ивона Петрова — Thu, 08 Nov 2018 08:15:48 +0000

Авторот на хит серијата „Breaking Bad“, Винс Гилиган планира филм продолжение на сагата, речиси пет години откако беше прикажана последната епизода од петтата сезона од шоуто, објави „Варајети“. Имено, неименуван извор тврди дека се работи за проектот со работен наслов „Greenbrier“ на Њу Мексико Филм Офис, којшто е во претпродукција, и чие снимање почнува во февруари. Во филмот би требало да се појави и Арон Пол, повторно во улога на Џеси. Од продукциската куќа сѐ уште ниту ги потврдуваат, ниту ги одрекуваат овие наводи. МИА