Проф.д-р Гордана Силјановска Давкова – Kurir.mk

ВМРО-ДПМНЕ: СДС и ДУИ водат попустлива надворешна политика, Македонија се условува со работи кои не се барани од останатите земји кога пристапувале кон ЕУ

Ивана Ефремовски — Thu, 05 Oct 2023 07:13:12 +0000

Надворешната политика на власта на СДС и ДУИ е попуслива, нема основен принцип да го заштити националниот интерес и оди по пристапот „се што ќе побараат ќе удоволиме“ и така дека ќе бидеме добри и успешни. Но министерот за надворешни работи Османи чија политичка партија поголем приоритет им се игрите на среќа отколку државниот интерес, самиот го потврди тоа што ВМРО-ДПМНЕ го кажуваше, дека ова нема да биде последно барање од Бугарија. Затоа ВМРО-ДПМНЕ вели дека мора стратешки да се поставиме кон сите овие прашања, кажа Тимчо Муцунски, потпретседател на ВМРО-ДПМНЕ на вчерашната дебата во Кочани насловена „И Европа и Македонија, интеграција и идентитет“ во рамки на кампањата „Важно е! Од тебе зависат промените“. Покрај Муцунски свое обраќање пред присутните имаше и професорката и пратеник од редовите на ВМРО-ДПМНЕ, Гордана Силјановска Давкова, која кажа: „Овие конфузни луѓе кои себеси си противречат ден за ден, како што гледаат граѓаните, не може да бидат државници. И тие не знаат што е национален интерес. А, Уставот ги изразува и ги штити националните интереси“. По што нагласи : „Можеме да влеземе во Европа со она различното што го имаме за да и го дадеме. Бидејќи ЕУ е единство на различности“, порача пратеничката. Силјановска Давкова потенцира дека власта никој не ја овластил да менува Устав, за тоа треба да се праша народот. Согласувајќи се со Муцински и Силјановска Давкова, професорот Александар Спасеновски меѓу другото констатираше: -Од нас како што можеме да видиме, за жал, тоа е предмет и на истражување и на примери во учебници, многу често се барале, а за жал и денес се бараат исполнување на критериуми, завршување на определени работи, реализирање на определени обврски кој што не се дел од основните обврски кои што беа исправени пред други држави членки на Европската Унија и тоа, за жал, е една тажна реалност во која што живееме и која што постојано ја повторуваме. Во таа смисла, сметам дека ова кое што сега како тема е исправено пред нашата држава, не е воопшто добро, не е воопшто вообичаено и е нешто кое што, навистина, може да има сериозни последици врз самата држава“.

Силјановска Давкова: Камбаните бијат за Македонија, опозицијата единствена против уставни измени под бугарски диктат

Дарко Андоновски — Fri, 18 Aug 2023 12:03:35 +0000

„Денеска ќе ги презентирам ставовите на пратеничката група, кои се ставови не само на партијата ВМРО-ДПМНЕ, туку и на Социјалистичката партија, Демократската партија на Србите, но се разбира јас нема да ја заборавам мојата професионална локација и ќе ги презентирам и моите лични ставови низ призма на националното уставно право, компоративното уставно право, но и европското право“, истакна Гордана Силјановска Давкова, пратеник од редовите на ВМРО-ДПМНЕ на собраниската седница. Силјановска Давкова додаде амандманот 35 вели дека Републиката ќе го почитува суверенитетот, територијалниот интегритет и политичката независност на соседните држави. „Но, обратното последниве триесет години и се случува на Македонија. И ова јас го нарекувам уставен садомазохизам“, нагласи пратеничката. „Моето основно прашање денеска е што би рекол господинот Бадентер, некогашниот претседател на ЕК која ги оценуваше Уставите вклучувајќи го и македонскиот, кога препорача веднаш да усвоиме еден амандман на Уставот во кој ќе напишеме дека немаме територијални претензии кон соседите и да го смениме знамето и дека портите на Европската заедница за нас ќе бидат отворени. И така како во 101 приказна“, рече Силјановска Давкова. „Рацете ги искршија пратениците различни во овој парламент менувајќи го уставот, и ако промената на Уставот била евроинтегративен фактор ние денеска ќе претседававме со ЕУ, ама се уште не е така“, рече Силјановска Давкова. Таа потсети дека наметнатите уставни измени не одат рака под рака со европската демократија, ЕУ за да биде заедница мора да ги почитува европските вредности. „Лажна е тезата за дилемата за запад или исток, дилемата е дали Македонија ќе биде се што имаме или се што немаме, дали ќе бидеме пристојна мала држава или ќе бидеме протекторат. Никогаш и никаде преамбулата не била гаранција или место за промоција на етнички идентитети, туку е филозофијата на Уставот. Устав не се менува во последна година од мандат. Сега од еден ренесансен министер слушаме дека процесот можел да заврши до крајот на мандатот, до последниот пратенички крик. Прашањето е од кого ни извира легитимитетот, од ЕУ или од граѓаните? Што велат граѓаните? Каде е мандатот за оваа измена? Член 2 став 2 од Уставот вели дека суверенитет извира и им припаѓа на граѓаните. Треба ли да ги прашаме граѓаните“, прашува Силјановска Давкова. Таа ги прашува тие од владата кои ги прифатија овие измени со преговарачка рамка преку протокол, дали заборавија дека не се законодавен орган и не може да преземаат обврски на Собранието. „Заборавија дека се за влез во ЕУ еден можен ден се одлучува со двотретинско мнозинство по кое е потребен референдум во кој треба да гласаат 50% од запишаните гласачи. Денеска е тестот за ова. Зошто не ја ставивте преговарачката рамка на гласање, туку некакви заклучоци, бујрум отворете го процесот, не можете“, изјави таа. Силјановска Давкова нагласи дека она што се бара од нас е спротивно на европските вредности. „Во ниту еден годишен извештај досега нема забелешка за отсуството на Бугарите од Уставот, Бугарија и кога не признаваше немаше забелешка за ова. Не е преамбулата од таква важност, туку нормативниот текст“, истакна таа. „Не сме против ЕУ, не сме против Бугарија, меѓутоа членот 8 од Лисабонскиот договор повикува на реципроцитет во меѓународните договори. Бугарија е потписник и ја ратификуваше Рамковната конвенција за заштита на правата на малцинствата. Бугарија има Совет за малцинства, а таму ги нема Македонците. Значи мора да ги има!“, нагласи пратеничката. Таа рече дека таа има забелешка на сите три амандмани. Лаички е пристапот. Дури и насловот е погрешен. Образложението е катастрофа. „Не може именик да правиме од Преамбулата! Важна е суштината. Ама најважни се Копенхагеншките критериуми да ги примениме. Не смее патот за Брисел да води преку Софија“, укажа Силјановска Давкова. Таа истакна дека пратениците како претставници на граѓаните ќе гласаат по сопствено убедување и нема да ги поддржат уставните измени. „Камбаните овој пат бијат за Македонија и крајно време е да покажеме дека сме пристојна европска држава која сака на патот кон ЕУ да оди исто како сите сегашни членки. Не смее да има посебни критериуми и преседани за нас. Затоа мислам дека овој предлог не треба да се поддржи, туку треба да се прашаат граѓаните на избори, бидејќи оваа власт е целосно делегитимирана“, заклучи Силјановска Давкова.

Силјановска Давкова до Ковачевски: Вие не формирате Совет за унапредување на образованието, туку Совет за уназадување на образованието, не ја научивте заевата лекција

Магдалена Андонова — Thu, 27 Oct 2022 12:32:58 +0000

Првото прашање е за премиерот, на предлог на МОН, Владата формира Совет за унапредување на образованието со кој ќе претседава премиерот, а во него ќе влезат министрите Шаќири, Груби, Битиќи и Фатмир Бесими. Мене не ми е јасно како може да се објави ваква вест, а понатаму да пишува дека покрај нив индивидуално во Советот ќе влезат и претставници на сите релевантни образовни тела. По составот мене ова не ми личи на Совет за унапредување на образованието, туку на Совет за уназадување на образованието, зошто не може во ваков Совет да седат министри што воопшто немаат никаква врска со образованиот процес, ниту пак ако ги видиме се разбира нивните референци тие не би требало да седат таму. Но, моето прашање до Вас е зарем не ја научивте заевата лекција, европска лекција дадена од господинот Макрон и госпоѓата Меркел дека во тела за реформи како што се судски реформи или други, не е добро да седат министри, ниту премиери“, запраша Гордана Силјановска Давкова, пратеник од редовите на ВМРО-ДПМНЕ и Коалицијата на денешната седница за пратенички прашања. Силјановска Давкова додаде дека Ковачевски наместо скок во место или Совет за уназадување, навистина би требало да направи Совет за унапредување на образованието бидејќи образовниот систем е во катастрофална состојба. - Второто прашање е за иницијаторот на оваа иницијатива, министерот за образование и наука. Сведоци сме на сериозни обвиненија, за опасна фамилијаризација да не речам непотизам на многу универзитети. Ќе се согласите дека фамилијарните односи не се добар амбиент за натпревар и дека навистина треба да се проучи овој проблем. Имено, во Законот за високо образование во членот 125 став 6 се забранува сродство во права линија до било кој степен, и во странична до 4-ти степен. Го слушам премиерот како довикува, нека го прочита Законот за високо образование. Како ќе се справите со овој проблем, го запраша пратеничката министерот за образование и наука. Таа посочи дека нејзиното трето прашање се однесува за министерот за животна средина. - Минатиот пат прашав, што стана со Законот за климатска акција кој што беше резултат на сериозна меѓународна студија. Меѓутоа не го видовме. Сега претпоставувам сите знаете дека од 6-ти до 18-ти ноември во Египет ќе се одржи Самитот за климатски промени, мене ме интересира кој ќе биде главниот адут на нашето министерство во поглед на исполнувањето на задачите врзани за климатската акција, запраша Силјановска Давкова.

Силјановска Давкова: Во извештајот на ЕК пишува дека ниту една од препораките не е реализирана и не се донесени клучни закони, погрешни луѓе се во министерствата

Дарко Андоновски — Thu, 20 Oct 2022 17:39:06 +0000

Тие кои повикуваат на обединување го поларизираа општеството. Костур на државата е администрацијата, клучниот субјект во европските реформи е администрацијата. Имаме министерство кое не може да погоди знаме или химна на друга држава, не може да упати пристојно сочувство до починатата кралица, не знам дали тоа е европски профил на министерство, изјави во „Само интервју“ на Канал 5, пратеничката од редовите на ВМРО-ДПМНЕ, Гордана Силјановска Давкова. Таа истакна дека во извештајот на ЕК пишува дека ниту една од препораките не е реализирана, дека нашата администрација страда и дека погрешни луѓе на погрешно место, дека не се донесени клучни закони како закон за висока одговорна служба, нема измени на закон за реформи во администрацијата. - Ако стручноста и компетентноста не се клучни, ние ќе стоиме во место. Не помагаат рамковни договори тоа се само пароли. Ако не направиме департизација, ако не ги отвориме конкурсите за сите регулаторни, струни тела, агенции за цела јавна администрација ние умните луѓе ќе ги отстапиме на други држави, тука најпогрешните луѓе се на највисоки функции во сите министерства, тргнете од евроинтеграции, некогаш во тоа имаше умни луѓе заминаа надвор и сите си заминаа. Нас ни требаат такви реформи, истакна Силјановска Давкова. Во однос на повиците на министерот Османи, дека ни треба рамковен договор за ЕУ, таа потенцираше дека не може на тој начин да обезбедат двотретинско мнозинство и дека Османи е познат по пароли со бројки, да измислува договори, рамки и тоа е недостиг на вистински концепт, вистински став, тоа се повици зад кои не стојат државници, иако така сами сакаат да се нарекуваат. Ова е уште една потрошена парола. Бујар Османи досега најмалку се занимавал со тоа што му е надлежност, со надворешна политика. Тој е министер, тоа е функција, не е мисионер, а мисијата треба да му биде правна, нагласи Силјановска Давкова. Дали може да има единство околу законот за здруженија и фондации, Силјановска Давкова посочи дека тука нема да има ништо, затоа уште сега се гледа негодување кај власта. - Нема да биде тука ништо, сигурна сум дека ќе стигне закон од владата, веќе слушаме дека не можело законот да има ретроактивно дејство. Уште во моментов има уставен и законски однос да се поништи регистрацијата на здруженијата и сите правници им го кажуваат тоа, изјави Силјановска Давкова.

Силјановска: Реториката на Арсовска е бесмислена за тоа дека Мицкоски е шпицен градоначалник, само таа може да биде шпицна сама на себе

Магдалена Андонова — Thu, 20 Oct 2022 17:35:14 +0000

Реакцијата во ЈСП е брза затоа што кризата е предлабока, поинаку реагираат луѓето кога има пристоен живот, а сега се работи за преживување, рече професорката Гордана Силјановска Давкова, која е есперт од областа на локалната самоуправа, а која е и пратеник од редовите на ВМРО-ДПМНЕ на гостувањето во емисијата Само интервју на телевизија Канал 5. - Имам разбирање и за оние кои протестираат, но и граѓаните кои живеат далеку од центарот. Не сум подлабоко упатена во проблемот само велам дека генезата на проблемот е од поодамна, но решенијата требало да бидат преземени посебно во ваква криза, рече Силјановска.

Коментирајќи го барањето на ВМРО-ДПМНЕ за оставка на градоначалничката Данела Арсовска, Силјановска вели „веројатно мислат на тоа дека главната одговорност е нејзина таа ја има главната одлука или последниот збор за поставување на лица на функциите“. Коментирајќи за тоа дека Арсовска постојано гонавредува лидерот на ВМРО-ДПМНЕ, Христијан Мицкоски, Силјановска вели „многу е бесмислено, да не речам многу глупаво да се користи шпицен градоначалник, шпицен значи за некој што е на врвот на листата“. - Кај претседателсаката и градоначалничката функција тоа се индивидуални функции, нема тука шпицен. Само градоначалничката може да биде шпицна сама на себе. Тоа шпицен градоначалник не значи ништо, нешто пред да се употреби треба добро да се размисли, вели Силјановска.

Силјановска Давкова: До каде стигнавме по 31 година самостојност, стигнавме до идиократија!

Дарко Андоновски — Thu, 08 Sep 2022 15:42:44 +0000

Професорката и пратеничка од редовите на ВМРО-ДПМНЕ, Гордана Силјановска Давкова преку статус на Фејсбук пишува дека по 31 година самостојност, стигнавме до идиократија. „Стигнавме до Софија, наместо до Копенхаген, со повеќе уставни амандмани од години на „независност“, до државичка со енормно моќни биснис политичари и слаби институции, ПАРТИСКА држава, заразена со клиентелизам и корупција, олигархиска држава, киднапирана од неука, примитивна, провинцијална „елита“, со луксузен животен стил, без дигнитет и интегритет, поданичка кон „меѓународната заедница“, арогантна кон граѓаните. Стигнавме до нарушено начело на поделба на власта до степен на непрепознавање, до неодговорна влада, влада која не креира политики, туку дистрибуира функции и работни места на подржувачи, го политизира и контролира судството, го крши костурот на државата – администрацијата! Стигнавме до политичари - БОГОВИ, што е погубен модел за младите луѓе, со убиени надежи, визии и соништа дека ќе биде вреднувано доброто образование, диплома и знаење! Стигнавме до идиократија. Споредете ги првите луѓе на државата со оние од 90—тите и ќе видите дали чекориме напред, или назад! Ние сме трагична приказна со најсреќна власт! На 8-ми септември 1991 година, се качивме на транзицискиот брод „Република МАКЕДОНИЈА“ и запловивме кон Брисел низ разбурканиот трет бран на демократијата, што ја заплисна Централна и Источна Европа. Некои држави, по подолго или покусо патување, се закотвија во Брисел, други, уште патуваат, качени на чамци за спасување, или оставени на милост и немилост на бурите! НИЕ, осамени и без Одисеј, се соочивме со невидени сцили и харибди, обидувајќи се да избегаме од Кирка и Полифем и да останеме ОНИЕ ШТО СМЕ БИЛЕ низ вековите. Ама, неуката и поданичка (не)македонска посада, со лажен капетан и неспособни офицери, потклекна без отпор и направи НЕВОЗМОЖНИ ОТСТАПКИ пред „добрососедските“ и бриселски притисоци. Ненародно ја прекрсти Македонија во „Северна“, заборавајќи дека NOMEN EST OMEN и отвори простор за релативизирање до бришење на ИСТОРИСКАТА врска меѓу името, нацијата и идентитетот. Но, 8-ми септември не се заборава. Го помните ли филмот „Побуната на бродот Баунти“? Јас, да, но ние сме качени на „Титаник“!“, стои во нејзиниот пост на Фејсбук.

Силјановска Давкова: Македонија ја нарекуваат партиска држава бидејќи власта сака да ги окупира институциите и функциите

Тале Кристо — Wed, 02 Mar 2022 15:49:02 +0000

Има разлика меѓу партија и држава. Државата не ја води само партијата или партите на власт, туку сите оние кои што учествуваат во парламентот бидејќи секоја влада е влада на сите, а не само на оние кои што гласале за неа и во парламентот седи опозицијата, порача пратеничката од ВМРО-ДПМНЕ Гордана Силјановска Давкова на денешната собраниска седница. Силјановска Давкова истакна дека главна забелешка за предлог член на комисијата за избори и именување прво се дискутира во комисијата, а не на пленарна седница во собранието, укажувајќи дека изјавите на претседателот на собранието се контрадикторни бидејќи едно изјавил во емисија, а утре дента се потпишал на предлогот, што според неа претседателите во парламентите треба да се крајно воздржани и да докажат дека се лица на парламентот вклучително и опозицијата. Значи потенцирам овде главната забелешка е на постапката. Не може постапката да почне на парламентарна расправа, овде на пленарна седница, туку треба да почне во телото чии член е оној кој што се разрешува или кога ќе го бираме оној кој што треба да стане член, рече Силјановска Давкова. Претседателите во парламентите обично се крајно воздржани и докажуваат постојано дека се луѓе на парламентот што значи и на опозицијата. Е сега вечерва да тврдите едно во емисија, а утре четири минути пред седница прв да се потпишете на предлогот значи дека нешто во меѓувреме големо се случило. Значи споредете го говорот, споредете ја снимката ќе видите дека клучот е таму, потенцираше таа. Во однос на изборот на уставни судии, Силјановска Давкова вели дека Македонија е единствена држава во светот кој што нема закон за Уставен суд, како и дека основната цел на власта е окупација на институциите, и токму поради тоа како што рече државата ја нарекуваат партиска држава. Ние сме единствена држава во светот која што нема закон за Уставен суд, значи да си подразмислиме ние дали не е основната цел на власта окупација на сите функции, на сите институции. Затоа нашата држава ја нарекуваат партиска држава, затоа што нема сериозни критериуми за влез во овие институции, нагласи Силјановска Давкова.

Силјановска Давкова: Малцинството во Бугарија е реалност, токму тоа малцинство има покренато постапки пред судот во Стразбур

Магдалена Андонова — Sun, 30 Jan 2022 18:55:46 +0000

Никој на планетава нема Устав кој што забранува да се грижите за некого. Не, тоа е спротивно на рамковната конвенција за заштита на правата на малцинствата. Она што е чудно кај нас е дека ние сами велиме нема да се мешаме во внатрешните работи на другите луѓе, и велиме дека немаме теруиторијални претензии. Што значи кога некој посилен од вас плус и со вас во НАТО бара вие во Уставот да му гарантирате дека немате територијални претензии. Тоа значи дека има некоја причина внтаре и тоа е Фројдовска потсвест. Тоа значи дека признава посредно дека има Македонци во Бугарија, дека има Македонци во Грција, иначе кому би му текнало да се меша или да има територијални претензии кон некоја држава ако таму нема некој субјект. Или ако таму нема нешто што е спорно. Далеку од умот дека ние би се мешале во внатрешнните работи меѓутоа ние цело време сме објект на мешање во внатрешни работи, истакна Гордана Силјановска Давкова, пратеник од редовите на ВМРО-ДПМНЕ и Коалицијата „За обнова на Македонија во централниот дневник на Сител телевизија. Силјановска Давкова додаде дека мешање значи вие да диктирате, вие да кажувате решенија. - Многу е непријатно да пратеник на граѓаните да дознае од медиуми дека испратила Бугарија нота, па ние сме одговориле итн. Гледајте што прави Петков, не оди никаде без претходно да разговара. Во Парламентот може и да се разговара и со затворени врати. Во Парламенто има луѓе со безбедносни сертификати. Но кај нас основното начело на поделбата на власта не се почитува. На нас министерот ни вели па дојдете кај мене да ги видите документите. Има ли такво нешто на планетава? Зар пратеник да оди кај министер? Обратно треба да е,министрите доаѓаат во Парламентот за да ги запознаат пратениците и разговараат со нив во рамите на документот што се вика Резолуција. И така се креираат стратегија, излезни решенија, алтернативни решенија, појасни Силјановска Давкова. Силјановска Давкова рече дека политиката не е музика. - Малцинството е реалност. Малцинството во Бугарија постои. Малцинството покренало низа постапки пред судот во Стразбур, нагласи Силјановска Давкова.

Силјановска Давкова: Време е да се намали бројот на пратеници и да се воведе една изборна единица

Магдалена Андонова — Sun, 30 Jan 2022 18:49:11 +0000

Ако има Словенија функционален систем, можеме да имаме и ние. Инаку, да во партијата сме разговарале, ми го соопшти ова претседатело. Ние во науката велиме дека обично бројот на пратениците треба да биде кубен корен од бројот на гласачите. Ние имаме голем Парламент. Секоја реформа треба да почнува од себе. Значи штедењето треба да почне од нас. Така што мислам дека сосема во ред е да се намали бројот на пратениците, истакна Гордана Силјановска Давкова, пратеник од редовите на ВМРО-ДПМНЕ и Коалицијата „За обнова на Македонија во централниот дневник на Сител телевизија. Силјановска Давкова додаде дека ВМРО-ДПМНЕ ќе поддржи и една изборна единица. - Обично една изборна единица проверив бидејќи неколку пати сум рекла дека има две и ги споменувам Србија и Холандија, ама по проверката видов дека има една изборна единица и плус отворени листи има и Словачка. А, една изборна единица има и Црна Гора. Значи четири држави и тоа мали држави. Кај едната изборна единица идејата е да дојде до изграз националниот интерес. Ние имаме проблем со нацинаоналниот интерес кога го градиме и во поглед на регионалните разлики ама и во поглед на етничките разлики. Но, кај пропоционалниот систем со една изборна единица ќе биде најголема проополционалноста, рече Силјановска Давкова. Силјановска Давкова посочи дека во една изборна единица шансите на помалите партии се поголеми.

Силјановска Давкова: Да си член на БЕСА и да си ја отповикаш Бесата е невидено и нечуено

Ивона Петрова — Thu, 11 Nov 2021 12:27:12 +0000

Професорката Гордана Силјановска Давкова се огласи на социјалните мрежи. -Земја на чудата: отповиклива оставка, одложена оставка на неопределено време, отповиклив потпис...ама да си член на Беса и да си ја отповикаш Бесата е невидено и нечуено. Освен ако...????, пишува Силјановска Давкова.