профил – Kurir.mk

Преку лажен профил испраќал фотографии од девојка од Тетово

Ивана Ефремовски — Thu, 17 Aug 2023 15:36:51 +0000

СВР Тетово поднесе кривична пријава против Б.Ш.(26) од Тетово, поради постоење основи на сомнение за сторено кривично дело „злоупотреба на лични податоци“. На почетокот на мај 2023 година, пријавениот на социјалната мрежа Инстаграм креирал лажен профил од кој испраќал фотографии од девојка од Тетово на друго лице.

Илон Маск призна дека има таен профил на Инстаграм: Ми служи само за една работа

Ристе Здравков — Fri, 12 Aug 2022 11:03:12 +0000

Најбогатиот човек на светот откри дека има таен профил на Инстаграм, а го отворил само поради сексуалната жед. Основачот на „Тесла“ Илон Маск беше гостин во поткастот на популарните јутјубери Нелк бојс, а во интервјуто ги откри своите сознанија за вонземјаните, го предизвика Путин на УФЦ борба и ја предвиде третата светска војна. Меѓу другото, тој се осврна и на темата социјални мрежи, вклучувајќи ја актуелната сага со „Твитер“ и проблемот со слободата на говорот на социјалните мрежи. Маск, кој неодамна се најде во центарот на брачна афера, откри дека има таен профил на Инстаграм кој служи како „стапица за жед“, алудирајќи на објавување или пребарување содржини со сексуално привлечни конотации. Станува збор за терминот „замка за жед“, кој се однесува на еден вид објава на социјалните мрежи наменета за сексуално привлекување на корисници. „Жедта“ на гледачот претставува сексуална фрустрација. Замката се поставува со намерно објавување на провокативна содржина која ја мами реакција на другата, заинтересирана страна. Откако епрвпат ќе реагира, личноста паѓа во стапицата и ја признава својата „жед“, односно својата потреба за вас. Маск призна дека го отворил профилот за да може да кликне на различни линкови, но искуството не му се допаднало. „Направив многу селфиња и различни с*ања и си реков: ‘Што е ова, човече? Зошто го правам ова?’. Се работеше за тоа како да добијам повеќе лајкови“, призна милијардерот. Поткаст-епизодата со Маск беше објавена на „Јутјуб“ на 5 август и собра речиси седум и пол милиони прегледи.

Што се случува? Многу од луѓето во светот останаа без своите Фејсбук профили – без никакво предупредување

Ристе Здравков — Fri, 15 Apr 2022 14:06:45 +0000

Корисниците на Фејсбук ширум светот открија дека пристапот до нивните профили е заклучен – без очигледна причина. „Вашиот Фејсбук профил е оневозможен затоа што не ги почитувате стандардите на нашата заедница. Оваа одлука не може да се поништи“, тоа е пораката која ги дочекала многу од корисниците на Фејсбук кога се обиделе да се најават на своите кориснички профили. Еден корисник за „BBC News“ изјавил дека не добил никакво претходно предупредување или објаснување. Од „Meta“ велат дека истражуваат за што станува збор. „Свесни сме дека некои од корисниците имаат проблем со пристапот до своите Фејсбук профили и работиме на тоа да го решиме проблемот колку што е можно побрзо“, напишал Енди Стоун од „Meta“ во објава на Твитер. Сепак, тој не кажал колку корисниците се погодени од проблемот ниту пак за што всушност станува збор. Консултантката за односи со јавноста, Џен Робертс, била една од ние кои го изгубила својот Фејсбук профил, а не објавила ништо на таа социјална мрежа одредено време. „Веќе одредено време ништо не сум објавила ниту пак коментирала, така што малку веројатно е дека сум направила било што, што би можело да биде навредливо“, изјавила таа за „BBC News“. Но, без оглед на тоа не била страна корисничка на најпопуларната социјална мрежа на светот, сепак заклучувањето на нејзиниот профил за неа било проблем. „Сите фотографии од моите факултетски години и семејните собири беа на Фејсбук. Нема веќе да имам пристап до тие содржини постари од 15 години, што искрено е тажно. Исто така прилично стресно е што не знаете во што е проблемот и немате начин да го решите. Изненадувачка е недоследноста, а потоа и начинот на пристап до сопствените податоци“, изјавила на крај Робертс.

ВИДЕО: На затвореник му го избришале профилот на ТикТок, откако неговите снимки станале хит

Ристе Здравков — Tue, 01 Feb 2022 06:43:46 +0000

Затвореник стана сензација на TikTok откако почна да објавува видеа од него како готви во ќелијата. Подготвил пилешка чорба, кари, палачинки и шпагети болоњезе, а едно од тие видеа собрало 1,2 милиони прегледи пред да му биде отстранета сметката. Според порталот indy100, затвореникот го користел мобилниот телефон и интернетот за да снима и прикачува видеа за готвење, што е забрането во затвор. Се верува дека затворските службеници го предупредиле TikTok, од каде што потоа му ја деактивирале сметката на затвореникот. Некои снимки од неговиот TikTok се објавени на YouTube. Едната покажува човек кој готви шпагети болоњезе. Прво ги сварил шпагетите, а потоа го направил сосот со помош на конзерва од домати што ја отворил со ножички за нокти. На друга плотна ставил кромид исечкан на коцки и исечкани домати, а потоа додал мелено месо и зачини. Кога го подготвил јадењето, го послужил во чинија и напишал „Добар апетит“. На второто видео се гледа како затвореникот подготвува палачинки на три рингли и без проблем ги превртува.

Проверете го вашиот профил – доколку ви е вклучена оваа опција, постои можност од хакирање на вашиот телефон

Ристе Здравков — Sat, 13 Jun 2020 16:00:15 +0000

Во текот на притиснувањето на копчето „Click to chat“, вашиот број ќе биде проследен во URL стрингот. Компанијата „Google“ повеќе пати беше критикувана поради издавање на приватни податоци од корисниците, а сега почна и индексирање на броевите од телефонот преку кои сте ги направиле профилите на „WhatsApp“. Тоа значи дека доколку една опција е активирана на вашиот профил, сите броеви од вашиот телефон можат ненадејно да се пријават на „Google“. Имено, опцијата „Click to chat“ која апликацијата „WhatsApp“ ја воведе за полесно да ги пронајдете контактите, всушност открива дека нашиот број од телефонот е достапен во пребарувањата на „Google“. Оваа опција со помош на линк може да воспостави „WhatsApp“ размена на пораки со било кој, а доколку вие комуницирате со некоја таква личност тогаш сте во еднаква опасност и вашиот број од телефонот ќе им стане достапен на сите на „Google“. Бидејќи моментално не постои закон или пак одредба со која што „Google“ не смее да ги купува информациите од метаподатоците, вашиот телефонски број исто така дополнително може да се најде на „Google“ пребарувачот.

Правеле лажни профили на Фејсбук: Две девојки кривично ќе одговараат

Ивана Ефремовски — Thu, 14 Mar 2019 14:13:28 +0000

Секторот за внатрешни работи Охрид поднесе кривична пријава против две девојки за лоупотреба на лични податоци. Во првиот случај, Л.Б.(29) од Вевчани во текот на јануари оваа година неовластено презела и обработувала фотографии на две лица, по што ги објавила на нејзиниот лажен „Фејсбук“ профил и постирала коментари со недолични содржини. А.В.(29) од Охрид, пак, во периодот од октомври 2018 до 12 февруари годинава, креирала профили со лични податоци од С.Д. од Охрид, на „Фејсбук“ и „Инстаграм“, без претходна согласност од него, по што од тие профили комуницирала со негови пријатели и роднини.

Андрија Милошевиќ на мета на хакери

Ивона Петрова — Mon, 19 Feb 2018 19:25:38 +0000

Српскиот актер Андрија Милошевиќ ја Инстаграм објави дека профилот му е хакиран. Тој како и многу други познати личности се најде на мета на хакерите, но успеа да напиша порака и да ги извести обожавателите. -Профилот вчера беше хакиран. Се обидуваме да ја поправиме штетата, па да продолжиме весело понатаму. Голем поздрав до сите кои праќаат пораки со поддршка. Со насмевка низ животот, напиша актерот.