профили – Kurir.mk

ФОТО: Црна позадина, избришани фотографии – Што се случува со Џенифер Лопез?

Ивона Петрова — Wed, 23 Nov 2022 06:03:40 +0000

Црни фотографии на местото на профилните слики осамнаа утрово на профилите на социјалните мрежи на Џенифер Лопез. Профилите на Фејсбук и Инстаграм се со црни фотографии, а според коментарите голем број објавени слики на нејзиниот профил на Инстаграм се избришани. Додека едни обожавателите се обидуваат да дознаат што се случило, други веќе и изразуваат сочувство, додека трети се уверени дека се работи за хакерски напад врз профилите на популарната пејачка и актерка. Засега нема официјална информација.

Facebook ќе им плати на корисниците привремено да ги исклучат профили

Ристе Здравков — Tue, 08 Sep 2020 09:46:09 +0000

Facebook ќе соработува со 17 надворешни академски истражувачи на научна студија која има за цел подобро да го разбере влијанието на социјалните платформи Facebook и Instagram врз политичките ставови и однесување на корисниците. Се очекува во истражувањето да бидат вклучени од 200.000 до 400.000 корисници. Ќе се анализираат промените во искуствата на корисниците со социјалните мрежи, а од нив ќе се бара и да престанат да ги користат мрежите на одреден период. Медиумите пренесуваат дека некои корисници веќе добиле прашање од компанијата за сумата што би ја прифатиле за да го деактивираат профилот од една до шест недели, почнувајќи од овој месец. Биле понудени три опции: 10 долари неделно, 20 долари неделно и 30 долари неделно. Резултатите од истражувањето се очекуваат во средината на 2021.

Фејсбук наоѓа профили само со помош на снимка од нечие лице

Ивона Петрова — Tue, 26 Nov 2019 09:58:25 +0000

Фејсбук има програма која ги препознава луѓето на основа на црти на лицето и го насочува корисникот на профилот на тоа лице. Апликацијата не е достапна за јавноста, а според „Форбс“, ја користат само вработени во компанијата. Податоците говорат дека е доволно само на секунда камерата да се сврти кон личноста и на екранот веднаш ќе се појават нејзиното име, презиме на профилот и профилната слика од Фејсбук. Тоа, според многумина, е сериозно нарушување на приватноста. Компанијата ја негира незаконската употреба на оваа апликација. Од Фејсбук посочуваат дека почнале да ја развиваат програмата во 2015. и 2016 година и ја тестирале, пред сè, на вработените во компанијата и нивни пријатели, но не и на други луѓе. Според други извори пак, корисници забележуваат дека кога некој друг ќе објави слика од некого, тие самите добиваат известување и понуда да се означат себеси на туѓата објава.

Фејсбук брише лажни профили од Македонија

Ивана Ефремовски — Tue, 26 Mar 2019 12:04:35 +0000

Компанијата Фејсбук соопштила дека избришала неколку лажни профили од Македонија, Косово, Иран и Русија. Станува збор за профили, за кои е наведено дека е забележано "координирано неавтентично однесување". "Reuters" пренесува дека оваа компанија објавила дека "вкупно 2.632 страни, групи и профили биле отстранети од Фејсбук и Инстаграм поради операции поврзани со споменатите земји". Се наведува дека "513 од тие профили биле поврзани со Иран, додека 1.907 биле поврзани со Русија". "Профилите поврзани со Русија во најголема мера се отстранети како "спам", а мал дел бил ангажиран во координирано неавтентично однесување", пишува во соопштението. Компанијата навела дека страните и профилите се "отстранети поради однесувањето, а не поради содржината".

Малолетници ја тероризираат српската естрада: Лепа Брена преживеала агонија, на екс сопругата на Аца Лукас и барале пари

Ивона Петрова — Tue, 18 Sep 2018 15:55:00 +0000

Социјалните мрежи ги преплавува нов вид криминал, а малолетници кои се во средношколските клупи свесно или не почнуваат да се занимаваат со сајбер криминал, јавуваат српските медиуми. Бројни јавни личности од српската естрада останаа без своите профили на социјалната мрежа Инстаграм, поради група малолетници. Овие млади лица секојдневно хакираат профил на некоја позната личност, а последниот случај во кој и беше „нападнат“ профилот на водителката Сања Маринковиќ резултираше со апсење наколку малолетници. Како што јавуваат српските медиуми, првиот случај бил забележан пред неколку месеци кога бил хакнат профилот на Лепа Брена, при што било сменето името. Пејачката успеала да го врати својот профил по речиси две недели, а во јавноста не сакаше да се огласува во врска со овој случај. Нејзината блиска пријателка Соња Вуксановиќ, поранешната сопруга на Аца Лукас, се најде на истиот удар. Сајбер криминалците за да и го вратат профилот барале огромен износ на пари. -Тоа е сајбер криминал во кој се вклучени момци од Белград и околината. Прва година средно се. Ми влегоа во профилот и се променија, потоа почнаа да им се обраќаат на луѓето во мое име. Продолжија да ми бараат пари за да ми го вратат профилот назад, но ми помогнаа пријатели, вели Соња за српски „Блиц“ Случна непријатост доживеал и пејачот Слободан Радановиќ кој вели дека лицата лажно се претставуваат преку мејл. -Влегуваат на профил и ги менуваат сите шифри. Се ми избришаа. Профилот буквално ми остана празен. Две недели немав профил, но среќа успеав да го вратам назад. Сето ова го прават некои деца, но треба родителите да гледаат што децата им прават додека се дома, објаснува Радановиќ. Најлошо искуство со хакерите имале водителките Сања Маринковиќ и Ксенија Бујишиќ кои некогаш не успеале да ги повратат своите профили.