профит – Kurir.mk

Адидас пријави пад на профитот од речиси 40 отсто: Што всушност се случува?

Магдалена Андонова — Mon, 09 May 2022 14:48:58 +0000

Германскиот гигант за спортска облека објави нето добивка од 310 милиони евра во првите три месеци од 2022 година, што е за 38 отсто помалку од истиот период минатата година. Компанијата соопшти дека падот е предизвикан од „предизвикувачкото пазарно опкружување“ во Кина, каде што продажбата паднала за 35 отсто, како и прекините на синџирот на снабдување. Со оглед на тоа што стратегијата на кинескиот претседател Си Џинпинг се наѕира, изгледите за бизнисот на Адидас во Кина, кој сочинуваше околу 20 отсто од продажбата на компанијата минатата година, се мрачни. Неодамнешната блокада принуди голем број продавници да затворат. Адидас, исто така, забележа остар пад во делови од земјата кои не се директно погодени од ограничувањата. - Приходите во Кина се очекува значително да паднат во 2022 година, се вели во соопштението на Адидас. Кинеските власти воведоа драконско затворање во Шангај, кинескиот финансиски центар, кон крајот на март по порастот на случаите на коронавирус. Иако властите почнаа да укинуваат некои ограничувања минатиот месец, на повеќе од 8 милиони жители сè уште им е забрането да ги напуштаат своите домови. Ограничувањата во главниот град Пекинг, исто така, се заострија во последните денови и веројатно ќе нанесат уште поголема болка на западните брендови во време кога кинеската економија веќе е во пад. Адидас забележа силна продажба на западните пазари во првиот квартал и рече дека сега очекува вкупниот раст оваа година да биде на долниот дел од опсегот од 11% -13% што беше претходно прогнозирана. Ривалот Најк објави пад на приходите од 5% во Кина во периодот од декември до февруари.

Ербас пријави пораст на приходите и профитот

Дарко Андоновски — Thu, 05 May 2022 15:40:39 +0000

Европскиот производител на авиони Ербас пријави голем пораст на приходите и профитот во првиот квартал благодарение на закрепнувањето на побарувачката од кризата со коронавирусот и најави зголемување на производството што до крајот на годината треба да ги надмине нивоата пред пандемијата. Приходите на најголемиот светски производител на авиони се зголемија за 15 отсто во првите три месеци од оваа година на 12 милијарди евра. Санкциите против Русија, сепак, го зедоа својот данок, во износ од околу 200 милиони евра, додаваат од компанијата. Нето добивката се зголеми за повеќе од три пати во првиот квартал, на 1,2 милијарди евра. – Резултатите од првиот квартал одразуваат солидни перформанси во нашиот бизнис со комерцијални авиони, хеликоптери и одбранбени авиони, изјави извршниот директор Гијом Фаури во извештајот објавен вчера. Компанијата во периодот од јануари до март испорача 142 комерцијални авиони, а бруто нарачките се зголемија од 39 минатата година на 253 нарачани авиони. Кога ќе се исклучат откажаните зделки, нарачани се 83.

Профитот на „Фајзер“ зголемен за 59 проценти во вториот квартал

Ивона Петрова — Thu, 29 Jul 2021 06:04:13 +0000

Силната продажба на вакцината против Ковид-19 и други лекови му помогна на „Фајзер“ да го удвои приходот во вториот квартал од годината и да го зголеми профитот за импресивни 59 проценти. Вакцината против Ковид-19 на американската фармацевтска компанија Фајзер и нејзиниот германски партнер Бионтех им донесе приходи од директна продажба 7,84 милијарди долари. Компанијата со седиште во Њујорк очекува приходите од вакцини оваа година да достигнат 33,5 милијарди американски долари за 2,1 милијарди дози што договори да ги испорача до крајот на годината. Профитот во вториот квартал изнесуваше 5,56 милијарди долари, што е за 59 отсто повеќе од заработените 3,49 милијарди долари во истиот период минатата година. Исто така, ги надминува очекувањата на пазарот во однос на приходите, кои изнесуваат 18,98 милијарди, речиси двојно повеќе од 9,86 милијарди во вториот квартал од 2020 година. Во вчерашниот извештај на Фајзер се нагласува дека трета доза на вакцината против коронавирусот може да ја зголеми заштитата од Делта сојот на вирусот до 100 пати.

Нема квалитетно здравство, ама има добар профит

Магдалена Андонова — Mon, 15 Mar 2021 15:40:21 +0000

Министерот за здравство, Венко Филипче во гостување на телевизија Телма ги отфрли обвинувањата за незаконско работење со офшор посредниците за набавување вакцини од Кина, и истакна дека им смета тоа што добро работат. „Им смета тоа што добро работиме“, рече Венко Филипче. На народот им смета тоа што власта лаже секојдевно излегуваат на површина мноштво скандали а дополнително на тоа и се обидува постојано и да ги релативизира скандалите. Од премногу „добра“ работа во изминатиот период бевме први во светот по бројот на почити лица на милион жители и први по тоа што немаме вакцини. Први сме во светот по се што почнува со зборот „нема“. Хронологија на најдобрата работа на Филипче започнува со зборот „НЕМА“. На почетокот немаше заштитни маски, нема заштитна опрема, нема ракавици, визери, нема ПЦР тестови, нема датум за тестирање, нема кислород, нема болнички кревети, нема здравствен кадар, нема повисока плата за медицинскиот кадар, нема вакцини за здравствените работници, нема вакцини за населението, нема бесплатно здравство, нема здравствена грижа ако немаш близок, ама има добро сработена работа во делот на тоа на „П“: Провизии, Парцели и Профит.

„Тесла“ оствари профит од вртоглава сума од вложување во биткоин

Магдалена Андонова — Mon, 22 Feb 2021 11:13:23 +0000

Американскиот производител на електрични автомобили „Тесла“ оствари речиси една милијарда долари од вложувања во биткоини, изјави аналитичарот Даниел Ив. Според него, „компанијата би можела од вложувањата во биткоини да заработи повеќе отколку од продажбата на своите електрични возила во цела 2020 година“. На почетокот на овој месец „Тесла“ во поднесокот доставен до Комисијата за хартии од вредност открил дека купил биткоини во вредност од 1,5 милијарди долари за да го направи „пофлексибилен за натамошно диверзифицирање и максимизирање на поврат на готовина“. Тргувањето е објавено минатиот месец, но компанијата не открива точно кога и по која цена. Засега не се знае дали „Тесла“ продал некои од купените биткоини. Најголемата светска дигитална валута забележа невиден раст оваа година, достигнувајќи постојано нови рекордни нивоа. Даниел Ив не објаснува како дошол до пресметувањето на заработката на „Тесла“ од биткоинот. Според податоците на КоинДеск, цената на оваа криптовалута на 31 јануари била на дневен максимум од 34.793,45 долари, а на 20 февруари, кога Ив ја објавил својата белешка, изнесувала 57.487,03 долари. Тоа претставува раст од околу 65 проценти, што значи дека профитот на „Тесла“ од вложување на 1,5 милијарди долари во биткоин во тој временски период би изнесувал околу 975 милиони долари. Бидејќи биткоинот достигна денеска нов историски рекорд од 58.332,36 американски долари, профитот на Тесла надминува една милијарда долари. (МИА)

Кризата предизвикана од Ковид-19 го намали профитот на Дасо Авијација за 87 отсто

Магдалена Андонова — Fri, 24 Jul 2020 08:53:04 +0000

Со економската криза предизвикана од коронавирусот и нефункционирањето на воздушниот сообраќај, нарачките на летала се намалија за францускиот производител на воени и деловни авиони Дасо Авијација, јави дописникот на МИА. Дасо Авијација соопшти дека неговата нето-добивка е намалена за 87 отсто, достигнувајќи 32 милиони евра, поради кризата предизвикана од епидемијата на Ковид-19. – Некои наши клиенти го одложија датумот на испорака на авионите, но, исто така, нема ниту нарачки на авиони, изјави извршниот директор Ерик Трапие. Економските последици од здравствената криза се „тешки“ и „имаат големо влијание“ врз пазарот на деловната авијација, нагласува Дасо Авијација. Во првата половина од годината, производителот на авиони им испорача седум борбени авиони „Рафал“ на Индија и Катар и 16 деловни од типот „Фалкон“. Поради економските последици од епидемијата и намалената активност на воздушниот сообраќај, Дасо Авијација планира да испорача 30 авиони „Фалкон“ во 2020 година, што е една четвртина помалку од претходната. (МИА)

„Тојота“ очекува пад на годишниот профит од 79,5 проценти поради пандемија

Ивона Петрова — Tue, 12 May 2020 05:33:28 +0000

Корпоративниот оперативен профит на „Тојота Мотор“ за тековната финансиска година ќе биде помал за 79,5 отсто и ќе изнесува 500 милијарди јени (4,66 милијарди долари), а тоа е резултат на пандемијата на коронавирусот, се вели во соопштението на компанијата, пренесено од ДПА. Производителот на хибридните возила „Приус“ и луксузните „Лексус“, исто така, очекува неговите приходи од продажбата до март 2021 година да паднат за 19,8 отсто во однос на претходната финансиска година, на 24 трилиони јени, а притоа да ги задржат очкувањата за нето заработка заради ефектите од пандемијата, додаваат од компанијата. За периодот јануари-март „Тојота“ забележа нето-профит од 86,3 отсто, или 63,2 милијарди јени, а оперативната добивка опадна за 27,5 отсто, на 384,1 милијарди јени. Продажбата во првиот квартал е намалена за 8,4 отсто, на 7,1 трилион јени, пренесува ДПА.

Драстичен пад на профитот на „Ербас“

Дарко Андоновски — Tue, 30 Apr 2019 10:04:26 +0000

Европскиот авиопроизводител „Ербас“ соопшти дека во првиот квартал од годинава остварил пад на нето профитот на годишно ниво од 86 проценти на 40 милиони евра.

Причина за падот на профитот е замрзнувањето на лиценците за извоз за потребите на одбраната на Саудиска Арабија, поради што „Ербас“ загубил 190 милиони евра, како и прекин на програмата за производство на моделот А380, што компанијата ја чинело 61 милион евра.

На 14 февруари „Ербас“ објави дека го прекинува производството на најголемиот патнички авион на светот А380, поради тоа што големите компании не пројавија интерес за овој модел, претпочитајќи да набавуваат помали и поекономични летала.

Авионите А380 имаат четири мотори и капацитет од меѓу 500 и 800 патници. Овој модел влезе во употреба во 2007 година и чини околу 500 милиони долари.

Дојче банк пријави профит од 1,3 милијарди евра, првпат од 2014 година

Ристе Здравков — Fri, 01 Feb 2019 07:50:00 +0000

Најголемиот германски кредитор Дојче банк денеска објави профит во износ од 1,3 милијарди евра, пред оданочувањето за 2018 година. Ова е првпат од 2014 година германската банка да пријави профит. Нето приходот изнесува 341 милиони евра. – Нашето враќање кон профитабилност покажува дека Дојче банк е на вистинскиот пат. Сега, наш приоритет е да го направиме следниот чекор. Во 2019 година наша цел е не само да ги намалиме трошоците, туку и да направиме инвестиции во развојот, изјави извршниот директор Кристијан Шивинг.

Ѕвездите се на ваша страна- овие хороскопски знаци утре ќе остварат неочекуван профит

Дарко Андоновски — Tue, 05 Jun 2018 20:52:13 +0000

Вага Денот ќе биде корисен во многу односи. Периодот е добар за колективна работа, учење на нови јазици, креативност или научни активности. Ѕвездите ви се наклонети, се менува финансиската положба. Можно е денес да имате профит од лотарија или да добиете неочекувани средства. Бик Ова е добар ден за средување на финансиски прашања. Изгледа дека вашите кредитни картици сте ги испразниле до крај, но како да не сте свесни за ситуацијата. Размислете каде можете да заработите дополнителни пари, а планетите ќе ви го покажат начинот. Само полека, средете ги сметките пред се, за да можете во иднина да работите во мир.