прогноза – Kurir.mk

Времето сончево и топло, следуваат тропски температури

Ристе Здравков — Sun, 09 Jul 2023 07:45:13 +0000

Претежно сончево со умерен, а долж Повардарието и во источните делови повремено засилен ветер од северен правец. УВ индексот ќе се искачи до 9. Во Скопје сончево со слаб до умерен, повремено засилен северен ветер. Температурата ќе се движи меѓу 25 и 33 степени. Претежно сончево и топло со слаб до умерен ветер од северен правец. УВ индексот ќе биде 9. Во Скопје сончево со слаб до умерен ветер од северен правец. Температурата ќе се движи од 26 до 35 степени.

Хендбол планет со прогноза за Светското, на Македонија и предвидуваат катастрофален пласман

Ристе Здравков — Thu, 12 Jan 2023 13:08:08 +0000

Најпознатиот сајт за ракомет не ја респектира многу подмладената репрезентација на Македонија, ниту нашата ракометна традиција, потврдена со пласман во топ 11 во светот и тоа два пати. Handball-Planet.com го состави конечното рангирање на 32-те земји учеснички на Светското првенство во Шведска и Полска кое се игра од 11 до 29 јануари. Според нивната прогноза, Данска трет пат по ред ќе го зграпчи златото, среброто ќе го освои Франција, а бронзата ќе оди кај Шведска. Понатаму, четвртата селекција која ќе стигне до полуфинале ќе биде Шпанија, а Исланд, Хрватска и Германија ќе бидат репрезентациите кои ќе се пласираат на олимпискиот квалификациски турнир. Блиску до четвртфиналните битки ќе бидат Египет, Србија, Португалија и Словенија. На Македонија која инаку на СП 2009 заврши 11-та, а шест години подоцна во Катар стигна до најдобриот пласман како 9-та во свет и ја предвидуваат позицијата број 25 и утешниот „Президентс куп“ во кој продолжуваат сите елиминирани селекции од првата фаза. Да се надеваме дека ќе излезат како многу лоши пргнозери, барем што се однесува на тимот на Кире. 1. Данска 2. Франција 3. Шведска 4. Шпанија 5. Исланд 6. Хрватска 7. Норвешка 8. Германија 9. Египет 10. Србија 11. Португалија 12. Словенија 13. Унгарија 14. Бахреин 15. Полска 16. Аргентина 17. Црна Гора 18. Холандија 19. Бразил 20. Тунис 21. Катар 22. Иран 23. Зеленортски Острови 24. Мароко 25. Македонија 26. Белгија 27. Алжир 28. Јужна Кореа 29. Саудиска Арабија 30. Чиле 31. САД 32. Уругвај

Научник од Оксфорд пресмета кој ќе биде светски шампион, никој не предвиде ваков епилог до сега

Ристе Здравков — Mon, 21 Nov 2022 09:44:27 +0000

Репрезентацијата на Бразил ќе го освои престојното Светско првенство во Катар. Ова го покажа математичкиот модел на научникот од Оксфорд, Џошуа Бул во специјално испитување пред почетокот на Мундијалот. Британскиот математичар направи уште интересни прогнози како: -Белгија за прв пат во историјата ќе стигне до финалето на Светското првенство. -Германија повторно ќе има разочарувачко издание и ќе биде елиминирана од Белгија во осминафиналето. -Англија ќе загуби во четвртфиналето од Франција -Бразил во полуфиналето во израмнет меч ќе ја елиминира Аргентина. За да стигне до овај резултат, математичкиот модел користеше податоци за сите репрезентации и ги симулираше натпреварите 1 милион пати, па ги зеде во предвид најчесто среќаваните резултати.

NEW: Oxford mathematical model predicts route to the men's @FIFAWorldCup ⚽️🏆

The model - created by @OxUniMaths' @JoshuaABull - forecasts:

🏴󠁧󠁢󠁥󠁮󠁧󠁿 England to lose in the quarter-final
🇦🇷 Argentina vs Brazil in the semi-final
🇧🇷 Brazil to beat Belgium in the final#WorldCup pic.twitter.com/gm0IdIt8K6
— University of Oxford (@UniofOxford) November 18, 2022

УХМР со временска прогноза која нема да ви се допадне – невреме и дожд во следниве денови

Ивана Ефремовски — Fri, 02 Sep 2022 17:05:01 +0000

До крајот на денот времето ќе биде променливо облачно со локален пороен дожд и засилување на ветерот, како и ретка појава на грмежи. Во Скопската Котлина со повремен дожд и умерен до засилен ветер. Во текот на ноќта атмосферата постепено ќе се стабилизира. Температурата денеска беше највисока во Гевгелија – 27 степени, во Скопје-Зајчев Рид и во Скопје-Петровец и во Демир Капија – 26, Тетово, Охрид, Прилеп, Битола и Штип – 25, Струмица и Претор 24, Берово, Крива Паланка и Виница – 23, Маврово – 19, Крушево – 18 и Попова Шапка 13 степени. Најмногу дожд наврна во Гевгелија 15 л/м2, во Штип шест, во Берово четири, во Попова Шапка два и еден /м2 во Скопје – Зајчев Рид, Крива Паланка, Пожаране, Битола и Струмица. Времето утре ќе биде сончево со мала до умерена облачност. Ќе дува умерен ветер од северозападен правец, особено долж Повардарието, каде на места ќе засилува. Минималната температура ќе биде во интервал од 13 до 19, а максималната ќе се движи од 22 до 29 степени. УВ индексот ќе изнесува шест. Во Скопје времето ќе биде сончево со умерена облачност и со умерен северозападен ветер. Минималната температура ќе биде околу 16, а максималната ќе достигне 26 степени. Од УХМР најавуваат дека утре ќе има стабилизирање на времето, а во недела кон крајот на денот и во текот на ноќта кон понеделник ќе биде нестабилно со локален пороен дожд, грмежи и засилен ветер. Во југоисточните делови процесите ќе бидат поинтензивни во форма на краткотрајно невреме. Во понеделник претпладне се уште ќе има локален дожд, а потоа времето ќе биде претежно стабилно со постепен пораст на дневната температура. (МИА)

IHME прогнозира: Околу 400 смртни случаи месечно од коронавирус до ноември во Македонија

Ивона Петрова — Mon, 20 Jul 2020 07:37:14 +0000

Околу 400 смртни случаи месечно од коронавирус се предвидувањата за Македонија за следниот период. Според прогнозите на страната Institute for health metrics and evaluation за Македонија, до 1 ноември бројот на смртни случаи од Ковид-19 во земјава ќе изнесува 1.629. Ваквите податоци се добиени по анализа на досегашните случувања со коронавирусот во земјава и дневниот биланс на заболени и починати лица. Од почеток на епидемијата со Ковид-19 во земјава починати се вкупно 422 лица. Бројот на заболени надмина 9.000 лица, со што прогнозите на министерот за здравство Венко Филипче дека во земјава бројот на случаи позитивни на вирусот нема да биде поголем од 2000-2.5000, се покажаа погрешни. Ваквите анализи и прогнози покажуваат дека Македонија во следниот период ќе се соочи со зголемен број на смртни случаи, односно на месечно ниво се прогнозираат смртни случаи од вирусот колку што досега, за период од 5 месеци, има во земјава. Во октомври, на дневна основа се прогнозираат во просек над 20 смртни случаи. Рапидно зголемен број на починати и заболени лица од коронавирус ќе има во Македонија доколку продолжи oлабавувањето на рестриктивните мерки со што бројката ќе достигне до 1.800 починати пациенти. Ова е едно од трите сценарија кое го подготвија експерите од Институтот за здравствени мерења и проценки од Универзитетот Вашингтон во Сиетл кое е објавено пред речиси една недела.

Лагард: Европската централна банка ја намали прогнозата за раст за 2020 година

Тале Кристо — Thu, 12 Dec 2019 17:02:15 +0000

Европската централна банка (ЕЦБ) ја спушти на 1,1 процент прогнозата за раст за 2020 година, очекувајќи дека економскиот раст ќе достигне до 1,4 проценти во 2022 година, изјави претседателката на банката Кристин Лагард. Инфлацијата ќе се искачи на 1,6 проценти во 2022 година, по 1,1 процент од очекувањата во 2020 година, но ќе остане под целта на таа институција, од околу два процента. За 2021 година, ЕЦБ очекува инфлацијата да биде 1,4 проценти малку пониска отколку во последните проценки објавени во септември, додека прогнозата за раст за 2021 година останува непроменета од септемвриските предвидувања и изнесува 1,4 проценти. Кристин Лагард ги посочи првите знаци на стабилизација во еврозоната, користејќи формулација која го отсликува претпазливиот оптимизам. На нејзината прва прес-конференција за монетарната политика, Лагард оцени дека европската економија сè уште е под голем број ризици, наведувајќи ги, меѓу другото, протекционистичките тензии.

Тотална утка која стана хит на интернет: Англиски медиум во 1998 прогнозираше како ќе изгледа Бекам во 2020 година! (ФОТО)

Дарко Андоновски — Tue, 23 Apr 2019 07:58:39 +0000

Фудбалскиот весник „FourFourTwo“ во 1998 година предвиде како ќе изгледа Дејвид Бекам во 2020 година, но нивното предвидување е целосна утка! Покрај фотографијата тие напишаа и текст.

View this post on Instagram

Talking all things grooming with @intothegloss and @house99. #House99 #HomeToYourNextLook

A post shared by David Beckham (@davidbeckham) on Dec 6, 2018 at 8:52am PST

„Работите тргнаа во надолна линија за ѕвездата на Јунајтед откако остана без првенството во 1998 година и го изгуби целото свое богатство во 2005 година. Во своите четириесетти години настапува за ветеранската репрезентација на Англија и тажно се потсетува на своите славни денови“, напишаа во духовит тон. Прогнозата и тоа како е промашена. Бекам во 2015 година беше прогласен за најзгоден маж во светот ги има сите заби и на сметката има повеќе од 390 милиони евра, пишуваат Англичаните.

View this post on Instagram

Less is more! ? @house99 #House99 #HomeToYourNextLook

A post shared by David Beckham (@davidbeckham) on Jan 22, 2019 at 5:32am PST

View this post on Instagram

Good Morning and Happy Christmas Eve.. Can you tell I’m slightly excited ? chestnuts roasting on an open fire and all that ?

A post shared by David Beckham (@davidbeckham) on Dec 23, 2018 at 4:42pm PST

Какво време не очекува од понеделник?

Ристе Здравков — Sun, 09 Dec 2018 11:31:24 +0000

Времето денеска во утринските часови ќе биде облачно со локален дожд, на повисоките места со дожд и снег, а на планините со снег. Во текот на денот ќе има разведрување, во текот на ноќта кон понеделник ќе има нови врнежи кои поради спуштање на постуден воздух од север на планините и на повисоките места ќе бидат од снег, а на некои пониски места од дожд и снег. Ќе дува слаб до умерен ветер од западен и северозападен правец. Утринската температура ќе се движи во интервалот од минус еден степен до 3 степени целзиусови, а дневната од шест до 13 степени Целзиусови. Во Скопје слично време. Утринската темература ќе се спушти до еден степен Целзиусов, а дневната ќе достигне девет степени. Во вторник ќе има и понатаму услови за сосема слабо и локално провејување на снег, температурите на воздухот значително ќе опаднат и од вторник минималните ќе се спуштаат во интервалот од -9 до 0 додека максималните ќе се искачуваат во интервалот од -2 до 7 степени. Да напоменеме дека следните денови на повисоките места и на планините ќе се формира снежна покривка која ќе изнесува од 10 до 20 цм, на планинските места и над 20 цм, локално и над 30 цм, таму пак каде што ќе има врнежи од дожд се очекува воден талог локално и над 20 л/м2.Исто така во некои од котлините има услови и за појава на замрзнат дожд.

ФОТО: Временска прогноза до крајот на месецот

Ристе Здравков — Sat, 17 Nov 2018 08:42:26 +0000

Времето денеска ќе биде променливо облачно со повремени врнежи од дожд, а на повисоките места и на планините од снег. Врнежите ќе бидат со слаб, на места умерен интензитет. На планините во западните делови ќе се формира снежна покривка. Утринската температура ќе биде во интервал од минус четири до пет степени, а дневната од нула до десет степени. Викендов времето ќе биде студено со повремени врнежи од дожд, а на повисоките места и на планините од снег. Нов влажен бран со пообилни врнежи, претежно од дожд, се очекува во вторник. Ова е временската за до крајот на месецот.

ММФ ги намали прогнозите за светската економија на раст од 3,7 отсто

Дарко Андоновски — Tue, 09 Oct 2018 06:23:00 +0000

Меѓународниот монетарен фонд (ММФ) ги намали своите прогнози за светската економија поради зголемувањето на каматните стапки и интензивирањето на тензиите во трговијата. Според прогнозите на ММФ, светската економија ќе забележи раст од 3,7 отсто оваа година, исто како и претходната. Сепак, тоа е помалку од предвидувањата на ММФ објавени во јули. Финансиската институција ги намали прогнозите за 19-те земји кои го користат еврото, како и за Латинска Америка, Блискиот Исток и Субсахарска Африка. ММФ очекува економијата на САД годинава да забележи раст од 2,9 отсто, но да забави до раст од 2,5 отсто следната година, поради намалувањето на ефектот од неодамнешните намалувања на даноците и трговската војна со Кина. ММФ ја намали прогнозата за еврозоната до раст од два проценти, наместо очекуваните 2,2 отсто, поради трговските тензии со САД и загриженоста во врска со Брегзит. Финансиската институција го намали проектираниот раст по вторпат оваа година. Во април, ММФ очекуваше раст од 2,4 отсто во еврозоната. Прогнозата за Јужна Кореја е раст од 2,8 отсто, наместо досегашните три проценти раст на БДП во четвртата светска економија.