промена на име – Kurir.mk

Фолксваген станува Фолтсваген: Автомобилската легенда го менува името по 83 години?

Магдалена Андонова — Tue, 30 Mar 2021 11:03:56 +0000

Од одделот за односи со медиуми на американскиот огранок на Фолксваген, на Интернет протекоа информации, кои многумина од луѓето до кои се огласи ги опишаа како првоаприлска шега! И, како не, кога вестите звучат сосема неверојатно! Имено, објавата што се појави во понеделникот открива дека американскиот огранок на германската компанија има намера да воведе ново име што ќе се користи за гамата на електрични возила, со цел да се разликува од другите модели на VW. Испораките на електричните лични карти на американскиот пазар започнаа во март, а судејќи според оваа информација, тие треба да се продаваат под нова марка - Волтсваген. Промената на името ќе ги опфати „сите американски операции на тој производител“, но новата компанија Волтсваген Америка сепак ќе биде филијала (оперативна единица) на матичната компанија Volkswagen Group of America. Како што објави телевизијата CNBC во понеделникот, протечената изјава датира од 29 април 2021 година и во неа се вели дека „Волтсваген е повеќе од промена на името, бидејќи претставува јавно ветување за идните инвестиции на компанијата во електрична мобилност“.

АНКЕТА: Дури 72,8% од Македонците сметаат дека промената на името НЕ ВРЕДЕЛА, две третини бараат да се врати името

Магдалена Андонова — Sat, 27 Feb 2021 10:24:18 +0000

Агенцијата Маркет винж спроведе истражување за МКД.мк од 10 до 16 февруари на 1.200 испитаници. Се заклучува дека повеќе македонски граѓани сметаат дека не вредеше промената на името на Република Македонија за членство во НАТО. Од добиените резултати дури 72,8% од Македонците стојат зад тој став. Македонците на прашањето „Дали според вас треба да го вратиме името по цена на“: Губење на членство на НАТО или губење на можноста за членство во ЕУ, 63,5 отсто одговориле „по цена на губење членство во НАТО“ а 65,3 отсто одговориле „губење на можноста за членство во ЕУ“. Според сите добиени резултати и конечни заклучоци, Македонците не се задоволни од исходот на промена на името, и по секоја цена би го вратиле. Анкетирањето било спроведено со употреба на CATI метода ‐ телефонско анкетирање со помош на компјутер, на примерок од 1.200 испитаници . Примерокот е репрезентативен на ниво на Македонија според: регион, пол и возраст во однос на проценките за населението од Државниот завод за статистика од 2019 година.

Горгиев: Манипулираа со мене, клекнати на земја викаа дека не постои човек кој ќе го промени името на државата

Тале Кристо — Tue, 07 Jul 2020 08:11:06 +0000

Клечеше да се слика, ми викаше Благој какво менување на име, една држава имаме, име и е Македонија, не постои роден човек да го промени името, а и ако има таков ние заедно пак ке му станеме на протести, го покрив со МАКЕДОНСКОТО знаме во знак дека навистина ке ја штити Македонија и Македонскиот Народ, а Татко ми стоеше до мене држејки ги Македонските Знаменца...НО ЗА ЖАЛ СЕ БИЛО СОБИРАЊЕ ПОЛИТИЧКИ ПОЕНИ, извини ТАТО, извинете Македонски Народе, ПРОСТЕТЕ МИ ако можете, бидејки мене ме манипулираа, а преку мене изманипулираа многумина граѓани!!!, пишува на својот Фејсбук профил разочараниот Благојчо Георгиев кој што беше дел од Шарената револуција.

За портпаролот на СДСМ менувањето на името буди убави спомени и силни емоции

Тале Кристо — Wed, 17 Jun 2020 19:52:40 +0000

На портпаролот на СДСМ и пратеник Костадин Костадинов на денот на потпишувањето на Преспанскиот договор му се пробудиле силни емоции и убаво спомени. -Ден кој буди силни емоции и убави спомени. Со мудрост, храброст и многу енергија решивме огромно прашање за иднината на овие и на идните генерации! Од водите на Преспа, до Европското семејство!, пишува во својата Фејсбук објава Костадинов.

Пендаровски: Очекуваме одлука, дури и името го сменивме, ниту една земја-кандидат го нема направено ова

Ивона Петрова — Tue, 15 Oct 2019 08:54:04 +0000

Претседателот Стево Пендаровски во интервју за австрискиот весник Die Presse вели дека не се надева на сигнал, туку очекува одлука за отворање на претпристапните преговори на ЕУ. -Не се надеваме на сигнал, туку очекуваме одлука. Во изминатите година и пол испорачавме сè што требаше. Дури го сменивме и нашето име по историскиот договор со Грција. Ниту една земја-кандидат го нема направено ова порано. Штом ЕУ вели дека процесот на зачленување се заснова на резултати, тогаш не очекуваме ни повеќе ни помалку од она што сме го постигнале. Мојата порака е: Дајте ни шанса и дозволете ни да покажеме дека сме подготвени, вели Пендаровски за Die Presse. Пендаровски истакнува дека власта била особено разочарана во јуни години. За тоа како народот гледа на овие случува, тој вели дека очекуваат земјава да стане членка на НАТО во идните месеци. -Но, доколку се пролонгираат преговорите за зачленување во ЕУ тогаш Унијата ќе изгуби многу од својот кредибилитет. Ентузијазмот за ЕУ во нашата земја ќе падне значително. Луѓето прашуваа, зошто треба да го смениме името на земјата? Ние им рековме за да можеме да станеме дел од ЕУ. Ние исполнивме сè. Сега народот нè прашува – зошто има повторно одложување?, вели Пендаровски во дел од интервјуто за австрискиот весник.

Ни шумите веќе не се македонски, туку национални: Прекрстено и ЈП Македонски шуми (ФОТО)

Дарко Андоновски — Wed, 06 Mar 2019 15:34:08 +0000

Со промената на името, владата ги задолжи и сите институции да извршат промена на досегашните имињата соодветна замена која ќе го содржи новото име Република Северна Македонија. Дел од таа промена ја направи и Јавното претпријатие за стопанисување со државните шуми „Македонски шуми“ и го промени своето име со ново кое гласи „Национални шуми“, со што целосно се брише зборот „македонски“ од оваа институција. Но, освен „Македонски шуми“, своето име го промени и Акционерското друштво „Македонска информативна агенција“ во државна сопственост- Скопје, со ново име кое исто така се брише терминот „македонска“. Новото име сега е Акционерско друштво „Национална информативна агенција“ во државна сопственост- Скопје. Освен овие институции, владата задолжи вкупно 136 јавни институции кои во рок од 7 дена треба да го променат своето име.

ФОТО: Сменето името на официјалната веб страница на Владата

Дарко Андоновски — Tue, 12 Feb 2019 18:41:22 +0000

Веб сајтот на Владата е со новото име. Горе пишува Влада на Република Северна Македонија. Новото име веќе почна да се појавува во сите државни институции откако вечерва од Грција пристигна Вербалната нота. Се очекува истото да го сторат и сите други институции во текот на овие денови.

Студентите до Фрчковски: Колку пари му понуди на Глигоров за промена на името?

Ивона Петрова — Fri, 30 Nov 2018 11:53:35 +0000

Студентите на Правниот факултет денес преку транспарент го поздравија професорот Љубомир Фрчковски прашувајќи го „Колку пари му понудил на Глигоров за промена на името?“ Ваквиот транспарент доаѓа по најавите дека денес со почеток во 13 часот во аулата на Правниот факултет ќе биде одржана дискусија на тема Преспанскиот договор, а на која гостин е токму Фрчковски. Поранешниот претседател на Република Македонија Киро Глигоров во својата книга „Македонија е се што имаме“, мемоарски записи, напишани во 2000 година, а објавени во 2001 година за прв пат се осврнува на случајот на обид да биде корумпиран, со милион долари за промена на името во Славомакедонија Во неа за случајот напишал: „Имаше, тоа првпат ќе го кажам, еден навистина незамислив обид преку грчките специјални служби да се влијае и врз мене, и тоа на извонредно груб начин, да ја прифатам грчката солуција, да направам нешто за да се откажам од името Македонија.... Еден ден министерот за внатрешни работи, Фрчковски ми предложи да примам некои соработници од Службата за да ме известат лично за нешто од нивната работа. Ги примив, а тие ми кажаа дека имале некоја средба со нивни „колеги“ од Грција дека тие официјално им рекле да ми пренесат лично мене дека доколку попуштам околу името, готови се да ми префрлат, на која банка сакам во светот, милион долари. Јас ги ислушав, прво, долго ги гледав луѓето, а потоа им реков: „Добро, бре, луѓе, како си замислувате – шефот на оваа држава да прими милион долари, да се откаже од името Македонија. Како ве молам, воопшто сте го замислиле тоа? Како воопшто тоа некој може да си го замисли? Тоа е апсурдна работа, ако тоа воопшто некој си го замислил, тогаш јас не сум за ова место.“ Од мене избиваше голема лутина. Тие се згрчија, беше видливо дека им е непријатно, се гледаа меѓу себе: „Е нам ни рекоа, да ви пренесеме“. Им реков:„Да ви кажам – од тоа нема ништо. Одете си. Му кажав јас и на вашиот министер,“ (завршен цитат, според книгата во издание на „Издавачки центар Три“ 2000-2001, стр. 365 и 366).

Заев потврдува: Даноците ќе се покачуваат, но прво да се реши името

Ивана Ефремовски — Fri, 22 Jun 2018 13:56:51 +0000

Даночни зголемувања ќе има, потврди денес премиерот Зоран Заев во одговор на новинарско прашање дали шпекулациите за зголемување на прагот за даночење се вистинити.

Според Заев даночното зголемување ќе настапи откако ќе се решат актуелните политички проблеми, како што е спорот со името.

Заев вели дека првин мора да се реши актуелниот спор со името, па тогаш владата ќе помине на политиката за зголемување на даноците.

- Ние, не сакаме дебатата да ја отвориме кога очите на граѓаните се вперени во други важни работи за Република Македонија. Веројатно, во соодветно време, кое што ќе продуцира квалитетна дебата, тогаш и ќе ја отвориме, рече Заев.

Ианку според планот, како што објавија некој медиуми нема да се одначува само приходи од плата, туку и хонорари, добивка од продажба на земјоделски производи и се друго кое што е над 1000 евра, за што прагот на оданочување нема да биде како сегашните 10%, туку 18%.

- Според одредбите, сите граѓани кои во текот на годината имале приход до 720.000 денари (по 60.000 денари месечно во просек) ќе плаќаат персонален данок на доход со стапка од 10 отсто, додека за сите приходи кои се над 720.001 денари данокот ќе биде 18 отсто за делот на доходот над овој износ. Оваа измена ќе важи од следната година, пишува порталот Фактор.

Премиерот го правда зголемувањето на даноците како левичарска политика и тврди дека тие што имаат поголема плата, треба да плаќаат повеќе.

- Ние сме левичари и редот е сите граѓани кои што имаат поголеми приходи, од 1.500, 2.000, 3.000, 5.000 евра, да платат повеќе, вели Заев.

Според експертите, зголемувањето на даноците е директен удар врз прогресивните луѓе, кои решиле да останат во Република Македонија и тука да градат кариери.

Комитите го запалија воздухот пред Собрание – Едно име имаме (ВИДЕО)

Дарко Андоновски — Wed, 13 Jun 2018 19:35:05 +0000

Комитите го запалија воздухот пред Собранието откако вечерва пред околу два часа започна масовниот протест на граѓаните против промена на уставното име на Република Македонија. Пред Собранието се собираат многу револтирани граѓани кои како што велат не сакаат промена на Уставот, името и идентитетот. Граѓаните инаку револтот кон промената на името во Република Северна Македонија го искажуваат и на социјалните мрежи.