промени – Kurir.mk

ВМРО-ДПМНЕ со 19 тима ја започна акцијата „Ова е Македонија за сите“: Власта на СДС и ДУИ го осиромаши народот, граѓаните бараат промени – нова власт која ќе донесе просперитет и подобра иднина

Ивана Ефремовски — Mon, 01 May 2023 07:07:10 +0000

ВМРО-ДПМНЕ ја започна акцијата „Ова е Македонија за сите“. Изминативе три дена 19 тима со 200 луѓе беа во посета помеѓу граѓаните. Низ цела Македонија граѓаните се согласни дека се живее се посиромашно заради погрешните политики и криминалот на власта на СДС и ДУИ. На Македонија и граѓаните им се потребни промени, нова власт и иднина за која ќе се избориме заедно сите. Тим предводен од потпретседателот на ВМРО-ДПМНЕ, Тимчо Муцунски беше во посета на населените места Пинтија, Драчево, Припор и Усје. На средбите беше потенцирано дека се потребни промени и Македонија мора да се претвори во просперитетна земја. - Граѓаните бараат промена на централната власт. Граѓаните во Драчево бараат нова влада, влада која што нема да биде синоним за криминал и корупција. Граѓаните бараат план програма, чесност, граѓаните бараат надеж, нагласи Муцунски. Тим предводен од потпретседателот на ВМРО-ДПМНЕ, Владо Мисајловски беше во посета на повеќе населени места во општината Ѓорче Петров каде што беше истакнато дека со оваа власт на ДУИ и СДС Македонија тоне, а власта сака да украде милијарди преку изградбата на коридорите, затоа посочи е потребна промена на власта. - Нема економија, нема здравство, Македонија тоне пореди СДС и ДУИ. ДУИ ја води државата а СДС мора да биде со нив за некој месец плус да остане на власт. Ги повикувам сите граѓани да ни се приклучат, затоа е најважно ВМРО-ДПМНЕ да победи, нагласи Мисајловски. Тим предводен од пратеникот Бране Петрушевски ги посети населените места Драгоманц, Младо Нагоричане, Алгуња и Никуљане. Граѓаните се жалат дека се заборавени, затоа е потребна промена на власта за да се врати надежта во Македонија. - Ваквите супстандардни услови ги одвраќаат граѓаните и се почесто се иселуваат. Македонија е секој еден граѓанин и мора заеднички да ја поразиме оваа однародена власт предводена од ДУИ, а поддржана од СДС за да можеме заедно со народот да ја вратиме надежта и да направиме економска преродба на Македонија, нагласи Петрушевски. Тим предводен од членот на ИК на ВМРО-ДПМНЕ, Зоран Љутков ги посети Aјватовци, Бунарџик и Марино каде што беше посочено дека додека централната власт ја запоставува државата, таму каде ВМРО-ДПМНЕ има локална власт се работи успешно и посветено. - Ги слушнавме потребите на граѓаните, ги слушнавме критиките кон оваа ненародна власт под водство на СДСМ и ДУИ но и како секоја одговорна партија им ги понудивме нашите решенија кои за скоро време на парламентарните избори ќе ги имплементираме во нашата програма и ќе тргнеме во поход со новата влада, изјави Љутков. Тим предводен од пратеничката Рашела Мизрахи беше во посета на повеќе населени места во општина Кратово. На средбите се разговараше за проблемите кои поради неспособната корумпирана и одродена власт продираат во секој дом, семејство и поединец. - Народот е гневен и ја одбројува секоја минута до изборите со кои ќе ја урне тиранијата на ДУИ и помалиот коалиционен партнер СДС. Да ја градиме Македонија заедно, да обновиме се што е разурнато, да оживееме како феникс, да го вратиме нашето достоинство. Затоа што ова е нашето дома, нашето минато и нашата иднина, рече Мизрахи. Тим предводен од пратеникот на ВМРО-ДПМНЕ Миле Лефков д беше помеѓу жителите на Горни и Долни Подлог, Грдовци и Бели во Кочани, каде заедно со граѓаните се разговараше за проблемите кои ги мачат луѓето во Македонија, постојаното иселување, и како што рече „во една година додека неизбраниот премиер е на функцијата над 20.000 луѓе се иселија“. - Над 300-400% се зголемија цените на репро материјалите и трошоците кои ги имаат за земјоделието. Сето ова ни укажува дека време е за обединување и конечна победа во Македонија, со вистински избрани народни претставници кои имаат само една идеја и мисла, а тоа е јавниот интерес, рече тој. Тимот предводен од координаторот на пратеничката група, Никола Мицевски ги посети населените места Лесковица, Драгоево и Лакавица при што жителите истакнаа дека централната власт ги има заборавено. - Од наша страна во нареден период при првиот ребаланс на буџет ќе бидат вметнати во вид на амандмани и сето ова во насока на подобрување на квалитетот на живот, заживување на овие населени места и зошто да не, размислување и за повраток на млади луѓе во овие населени места, рече Мицевски. Тим на ВМРО-ДПМНЕ предводен од Драган Ковачки, пратеник и член на Извршниот комитет на ВМРО-ДПМНЕ беше во посета на Ратево, Будинарци и Митрашинци општина Берово. - Тука сме да ги слушнеме проблемите со кои се соочуваат. Ние се обврзуваме дека веднаш по промена на власта мора да има одговорност. ВМРО-ДПМНЕ како одговорна и сериозна политичка партија ќе преземе мерки и активности за заздравување на Македонија, да покажеме дека не сме исти како и останатите, заклучи Ковачки. Тим предводен од пратеникот Игор Здравковски ги посети Водоврати, Ногаевци и Виничани, каде се разговараше за граѓаните за нивните проблеми, граѓаните се во апатија и беше посочено дека потребна е нова власт која ќе донесе достоинство за сите. - Разговараме со жителите на овие населени места за овие проблеми и нудиме решенија, доколку сме во можност од локална самоуправа да помогнеме, но доколку проблемите се од централен карактер, сакаме тие проблеми да ги вметнеме во нашата програма за претстојните парламентарни избори, рече Здравковски. Тим предводен од претседателот на Унија Млади Сили, Сергеј Попов помеѓу граѓаните населените места во Општина Неготино истакна дека нема враќање, и дека идеи ВМРО-ДПМНЕ е таму за да ги слушне проблемите на граѓаните за кои ќе понуди решенија. - ВМРО-ДПМНЕ своите програми ги реализира, изборните програми се закон и устав. На овие средби важно е да зборуваме, да ги кажуваме работите отворено, тоа што ќе се вгради во програмата и ќе се оствари, нагласи Попов. Тим предводен пратеникот на ВМРО-ДПМНЕ, Антонијо Милошоски беше во посета на повеќе населени места во општина Конче каде се разговараше за проблемите и потребите со кои се соочуваат жителите на оваа општина. - Разговаравме и за слабите приоритети кои владата ги дава за малите општини кои за жал имаат опструкции од владините органи. Жителите на Конче се согласни дека најдобро е да има смена на извршната власт за да може да има поголем, ред, грижа, да се намали корупцијата и Македонија да почне да се движи во правилна насока, изјави Милошоски.ж Тим предводен од пратеничката Ели Панова ги посети Ново Секо, Мокриево и Сушица кои се се заборавени од оваа ненародна власт и беше исткнато дека на ова мора да се стави крај! Патниот правец Струмица-Граничен премин Ново Село во должина од 22 километри е една од нај фрекфентните делници во Македонија поточно 8ма, ама за жал не е стратешка цел на ДУИ и Груби, па ветувањата на СДС уште пред 4 години дека ќе изградат целосно нов експресен пат е заборавено. - 117 милиони се исплатени само вчера по криминалниот таен договор по основ пенали и аванси на Бехтел и Енка, а ова ветување немаат намера ниту да го отпочнат, бидејки едноставно државата ке нема пари за ништо друго, рече Панова. Тим предводен од Владимир Ѓорчев, челен на ИК ги посети населените места Петрово, Миравци, Давидово, Милетково, Смоквица и Прдејци каде што од човек на човек, од куќа до куќа остварија средби со жителите. - ВМРО-ДПМНЕ доаѓа, ВМРО-ДПМНЕ ќе победи и во наредните шест недели ќе одиме во повеќе од 200 населени места да ја вратиме надежта во Македонија, да се бориме за Македонија, истакна Ѓорчев. Тим предводен од потпретседателот на ВМРО-ДПМНЕ, Александар Николоски беше во посета на населените места Големо и Мало Коњари и Беровци во прилепскиот регион. Тој истакна дека најголем дел од локалните проекти зависат од централната власт поради нецелосната децентрализација. - Секој викенд ќе бидеме на терен со граѓаните пред се во селата, а секој вторник и секој четврток ќе одиме во урбаните средини. Следниот период ќе стигнеме до секој оној кој сака да не слушне, а и ние сакаме да ги слушнеме маките на граѓаните, она со кое што се соочуваат, а секаде да поразговараме во однос на штетните политики кои што владата ги води како и се поевидентниот и брутален криминал и корупција- истакна Николоски. Тим на ВМРО-ДПМНЕ предводен од градоначалникот на Битола, Тони Коњановски беше во посета повеќе населени места во општинаа Битола. Коњановски посочи дека сега се тргнува во победа за Македонија, држава без афери, судство како што доликува со правда за сите. - Овде сме да ги слушнеме вашите идеи, заложби, сето она разнебитување на Македонија по сите основи и да кажеме што ќе направи ВМРО-ДПМНЕ како партија која потекнува од народот, која знае како се работи и која докажала дека ја гради државата. Секако тука сме и како дел од локалната самоуправа иако знаете општината е отворена секојдневно за вас, рече Коњановски. Тим предводен од пратеничката, Дафина Стојаноска, ги посети населените места во Општина Долнени и тоа на Лажани, Браилово и Пешталево. Стојаноска посочи жителите на Општина Долнени се многу незадоволни од негрижата како на централната, така и на локалната власт во овие населени места. - Генерално тие се занимаваат со земјоделие, имаат проблем со тутунопроизводството, со исплатата, со она што им е навистина неопходно и знаат да направат споредба како било во времето кога владата ја предводеше ВМРО-ДПМНЕ, а како е изминативе шест години. Ниту пак веруваат во бајките на Артан Груби за коридорот 8 или во басните на Фатмир Бесими за тоа дека економијата ќе напредува. Многу добро знаат колку им стигаат нивните финансии, така да не веруваат во ниту една лага на актуелната власт, рече Стојаноска. Тим предводен од пратеникот Мирче Аџиоски беше во повеќе населени места во охридскиот регион. Аџиоски истакна дека цел овие посети е да се одржува активна комуникација со граѓаните на кои ќе им укажеме дека сме тука за заеднички да се бориме и да се избориме за подобар живот и за подобар животен стандард. - Автопатот Кичево – Охрид на шест години од нивното доаѓање на власт, гледаме дека нема никаква реализација. А, дополнително на ова и новиот проект за автопатиштата кој уште непочнат заглави во криминал и корупција и за кој секојдневно излегуваат на површина криминалните зделки на Артан Груби и на Димитар Ковачевски. Уште непочнат овој проект, гледаме дека владата исплатила 120 милиони евра пенали на изведувачот а оваа сума секако ќе биде, можеби и многу поголема затоа што се неспособни и не знаат ад работат, рече Аџиоски. Тим предводен од генералниот секретар на ВМРО-ДПМНЕ, Ѓорѓија Сајкоски беше во посета на населените места во Општина Кичево, Староец, Вранештица, Другово и Србјани и каде разговараше за проблемите на граѓаните. Како што беше посочено власта ја руинира држава, краде милиони од секој проект, а ништо не е реализирано. - Сите не иритира криминалот кој секојдневно го гледаме и слушаме и чувствуваме. Земаат од нашите пари. Руинирани се институциите, секој проект самите го скандализираат, има сомнежи во секоја работа, еве и последниот со Бехтел и Енка видовте дека е проект кој од старт е криминален и уште една лопата не е фрлена, тие веќе префрлија милиони евра, рече Сајкоски. Тим предводен од потпретседателката на ВМРО-ДПМНЕ, Гордана Димитриеска Кочоска ги посети населените места Тумчевиште, Галате, Вруток и Беловиште каде со граѓаните разговараа за проблемите, но и да се понудат решенија кои ќе влезат во програмата на ВМРО-ДПМНЕ. - Власта нема воопшто никаква грижа кон граѓаните. Секаде се исти проблемите. Граѓаните велат дека наместо корупција и криминал, нам ни требаат патишта, наместо да има инвестиции во водовод и канализација, власта троши милионски износи како казнени пенали за коридор 8. Власта со парите кои ги потроши за тие казнени пенали, кои се повеќе од 230 милиони евра можеше да изгради голем број на училишта, да изгради улици, да направи болници, да купи опрема за здравствените домови кои навистина немаат никаква апаратура за работа, истакна Кочоска Димитриеска.

Лекарите предупредуваат: Пет промени во телото кои многумина ги игнорираат, а се симптоми на хормонски пореметувања

Ристе Здравков — Sat, 18 Mar 2023 14:07:17 +0000

Сува кожа или нагло губење на косата се црвени знамиња. Рускиот ендокринолог и нутриционистка, Оксана Михалева, предупреди на некои симптоми кои сосема сигурно укажуваат дека страдате од хормонски дисбаланс. Губење на косата Докторката вели дека опаѓањето на косата е еден од главните знаци на ендокрино заболување во кое се нарушува производството на хормони. Сува кожа Сувата кожа може да укаже и на хипотироидизам, заболувања на надбубрежната жлезда и дијабетес. Покрај тоа, симптомите се придружени со сувост на слузокожата на очите и често мокрење. Зголемување на телесната тежина Докторката нагласува дека зголемувањето на телесната тежина не секогаш укажува на хормонални промени. Сепак, дебелеењето може да се случи поради недоволна активност на тироидната жлезда, недостаток на „женски“ хормони кај жените или „машки“ хормони кај мажите, тумори на надбубрежната жлезда или хипофизата или болест на панкреасот. Висок крвен притисок Високиот крвен притисок и отекувањето на лицето се знак дека имате проблеми со регулирањето на производството на хормони. Исто така, проширувањето на предниот дел на вратот е карактеристично и за болестите на тироидната жлезда. Нередовен циклус Нередовните циклуси кај жени од 45 години може да укажуваат на хормонални промени, како што се болести на јајниците, хипофизата и надбубрежните жлезди. Докторката апелира да внимавате и на исцедокот од млечните жлезди (градите), и кај жените и кај мажите, што може да биде симптом на хормонално пореметување.

Голема промена од Twitter за корисниците

Ристе Здравков — Mon, 19 Dec 2022 13:24:03 +0000

Корисниците на Твитер се соочуваат со уште една голема промена на платформата, објави FOX News. Тие веќе нема да можат да ги поврзат своите сметки со некои конкурентни платформи. Оваа група вклучува Фејсбук и Инстаграм. Ова е уште една одлука на новото раководство во компанијата. Нејзиниот директор Илон Маск најави дека планира голем број промени. Компанијата објави порака до потрошувачите. Оттаму објаснија дека разбираат оти многу од нив се активни и на други сајтови. Сепак, бесплатната промоција на објави на одредени други платформи повеќе нема да биде дозволена. Од таму не даваат објаснување зошто ова важи за одредени платформи, а за други не. Деталите за одлуката се очекува да бидат објавени наскоро.

Што сè се менува на Фејсбук профилите од 1 декември?!

Ристе Здравков — Sun, 20 Nov 2022 15:10:30 +0000

Фејсбук отстранува неколку полиња кои содржат информации за профилот, вклучувајќи религиозни и политички ставови. Фејсбук ги информираше корисниците дека ќе отстрани четири полиња со информации од профилот почнувајќи од следниот месец. Овие полиња вклучуваат религиозни ставови, политички ставови, адреси и полето „заинтересирани за“, што укажува на сексуалната ориентација на корисникот. Промената ќе стапи на сила на 1 декември. Портпаролот на компанијата рече дека причината за промената е да се олесни користењето на социјалната мрежа. „Како дел од нашите напори да ги олесниме навигацијата и користењето на Facebook, отстрануваме неколку полиња на профили: заинтересирани за, религиозни ставови, политички ставови и адреса. Испраќаме известувања до лицата кои ги пополниле овие полиња, известувајќи ги дека ќе бидат отстранети“, се вели во соопштението на компанијата. Известувањето укажува дека другите кориснички информации ќе останат на нивните профили заедно со останатите контакти и основни информации. Одлуката на Facebook да се ослободи од овие специфични полиња на профили е дел од напорите да ја подобри својата платформа, која моментално се состои од неколку функции кои се малку застарени. Вреди да се напомене дека полињата на информации кои „Фејсбук“ реши да ги отстрани се оние што другите големи социјални мрежи не ги нудат. Платформите како Инстаграм и Тик-Ток имаат шема на едноставни биографии што им овозможуваат на корисниците да споделуваат информации за себе без да навлегуваат во конкретни детали, како што се политички или религиозни ставови“. Во минатото, луѓето можеби биле заинтересирани да ги пополнат своите профили со дополнителни информации, но како што правилата за приватност стануваат појасни и подефинирани – корисниците можеби повеќе нема да сакаат да споделуваат дополнителни детали за себе онлајн. Инаку, „Мета“ минатата недела отпушти 11.000 работници, што е околу 13 отсто од нејзината работна сила.

ЈуТјуб воведува промена која нема да им се допадне на многумина

Ивона Петрова — Tue, 04 Oct 2022 08:06:10 +0000

Изгледа дека тимот од „Google“ започнал со голема брзина во обид да убеди што е можно повеќе корисници на „YouTubе“ да платат за претплатата. Многу корисници неодамна го критикуваа „Google“ бидејќи компанијата го зголеми бројот на реклами кои им се прикажуваат на корисниците за време на времетраењето на видеата на „YouTube“. Поголемиот број реклами, секако, значи повеќе пари за таа компанија, но може да влијае и на зголемување на бројот на корисници на „YouTube Premium“, бидејќи некои корисници кои не сакаат да гледаат толку многу реклами би можеле да одлучат да плаќаат месечна претплата. За потсетување, на оние кои плаќаат претплата не им се прикажуваат реклами. Друг начин на кој компанијата сака да ги мотивира корисниците да плаќаат претплата е да прикажува содржина во 4K резолуција само за корисниците на „YouTube Premium“. Иако за ова нема официјална информација од „Google“ (се уште), неколку корисници на форумите известија дека добиваат известување дека доколку сакаат да видат одредено видео во 4K резолуција, мора да активираат претплата. Засега, ова известување им се прикажува на мобилните корисници во мобилната апликација „YouTube“, а не на апликациите за компјутер и ТВ, така што не е познато дали „Google“ планира да направи 4K видео содржини достапни само преку претплата на паметни телефони или на сите уреди. Со оглед на тоа дека многу корисници денес имаат 4K телевизори и монитори, јасно е дека овој потег на „Google“, доколку навистина биде воведен, сигурно нема да ги возбуди бидејќи, освен ако не платат месечна претплата, веќе нема да можат да гледаат видео содржини на таа резолуција.

Три хороскопски знаци кои се родени за да го променат светот

Тале Кристо — Tue, 30 Aug 2022 20:41:18 +0000

Сигурно сте ја слушнале оваа фраза многу пати, но промените започнуваат од вас. Промената на светот е тешка задача, но сепак е сосема можно, особено ако сте еден од овие три хороскопски знаци! Овен Овој знак знае како да ги мотивира луѓето. Како го прави тоа? Едноставно кажано, Овенот не се откажува од своите цели колку и да се лоши работите. Тој никогаш нема да се откаже од своите планови, без оглед на стресот или тешкотиите што ќе ги наиде на патот. Ако сте Овен, не можете да сметате дека светот ќе се промени сам еден ден, треба да бидете подготвени да станете лидер. Некои луѓе мислат дека сте нарцисоидни затоа што не сакате да се занимавате со слаби и безлични луѓе. Всушност, вие само знаете како да разликувате ситуации кои се навистина важни и оние кои се споредни. Имате голема способност да се фокусирате на вашите цели и планови и да ги реализирате со упорност до крај . Девица Девиците секогаш ја користат својата интелигенција за детално да ги анализираат проблемите и ситуациите, додека не го најдат најефикасното решение. Не сте од оние луѓе кои донесуваат одлуки импулсивно или зборуваат без прво да размислат, па кога имате желба да го промените светот околу вас, точно знаете каква улога треба да играте во тој процес. Долго размислувате за текот на промените и имате долгорочна стратегија за успех. Без оглед на тоа кон што се стремите: околината, луѓето или технологијата, промените мора да бидат величествени. Со своите вештини и желба да им помогнете на другите, сакате процесот да напредува бавно, но промените да се случат од темел. И имате намера секогаш да бидете на првата линија за да видите како тече се. Водолија Постојаната потрага по иновации и напредок ги прави Водолиите најважните луѓе кои можат да го променат светот. Секогаш се обидувате да промените нешто во вашиот живот и им се восхитувате на луѓето кои постојано се менуваат. Подготвени сте да се соочите со проблеми и тешкотии без никаков страв. Можете да ги видите работите од различни агли. Сакате секоја промена во која учествувате да влијае не само на ограничен број луѓе, туку да промени сè од корен. А за да се случи ова, подготвени сте да вложите неверојатен труд и време.

„Република“: Промени на врвот во Киев поради обид за државен удар против Зеленски

Тале Кристо — Tue, 19 Jul 2022 16:30:00 +0000

Обид за државен удар против украинскиот претседател Володимир Зеленски е вистинската позадина на „чистката“ што Зеленски ненадејно ја изврши во врвот и структурите на безбедносниот апарат и обвинителството под обвинението дека се откривани државни и воени тајни на руската страна, пишува денеска италијанскиот весник Република (La Repubblica). Во прашање бил и „план на безбедносниот апарат координиран со Москва за радикална промена на власта во Киев и смена на Зеленски од врвот на државата“, додава римскиот весник, пренесува Бета. Многу медиуми во Европската унија (ЕУ) внимателно ја следеа веста дека Зеленски го разреши шефот на украинската служба за безбедност, неговиот долгогодишен пријател Иван Баканов, како и државната обвинителка Ирина Венедиктова. Францускиот весник „Монд“ исто така пишува дека украинскиот претседател „почнал лов по соработници и предавници“ кои биле обвинети дека во најмала рака не знаеле за соработката и велепредавството на нивните подредени во корист на рускиот окупатор“, што сега „ја зајакна позицијата на ’сивата еминенција‘ во Киев Андриј Јермак, шеф на кабинетот на украинскиот претседател“. Шпанскиот дневен весник Паис (Ел Паис) од Киев јавува дека „над главата на сменетиот шеф на безбедноста Баканов виси Дамоклов меч од почетокот на руската офанзива, а Зеленски целосно ја изгубил довербата во него кога украинскиот град Херсон падна во руски раце, а украинските сили не беа во можност да ја проценат и да се спротивстават на рускиот продор“. Зеленски, додава мадридскиот весник, претходно смени некои клучни генерали на командни позиции и врвот на воената разузнавачка служба. За општиот заплет во Украина да биде уште покомплициран, зборува и, според Паис, вистинскиот политички земјотрес предизвикан во Киев од страна на американската сенаторка Викторија Спарц, која во писмо до претседателот Џозеф Бајден побара да се истражат можните импликации на моќниот шеф на Кабинетот и најдоверливиот човек на Зеленски, Андриј Јермак, поради неговата наводна поврзаност со Москва. Во писмото до Бајден, американската конгресменка тврди дека Јермак протекол информации во Белорусија, што било отфрлено од украинското Министерство за надворешни работи и од владејачката Демократска партија. На 9 јули Зеленски ги отповика и ги смени украинските амбасадори во Германија, Унгарија, Чешка, Норвешка и Индија.

„Промените се случуваат, секогаш со народот“ – ВМРО-ДПМНЕ повикува на масовно обединување против власта

Ивона Петрова — Thu, 07 Apr 2022 07:09:02 +0000

Промените се случуваат, секогаш со народот - ВМРО-ДПМНЕ повикува на масовно обединување против власта. СДСМ се плаши и бега од народот затоа што нема анкета на која не губат, и знаат дека ќе доживеат тежок пораз на избори, стои во соопштението на ВМРО-ДПМНЕ. Оттаму додаваат дека СДСМ не сака избори затоа што народот има празни џебови од сиромаштијата која ја донесоа, а е резултат на криминалот кој го прават, преку тендерите и разните матни шеми со државниот буџет. -Донесоа инфлација. Горивата поскапеа и за 70%, основните намирници исто така, а лебот и до 110%. И во сиот изминат период платите не пораснаа ниту еднаш. СДСМ вети дека ќе влеземе во ЕУ, а наместо тоа државата и народот голтаат само кнедли, а ЕУ ниту на повидок. Со СДСМ нема ниту ЕУ, ниту иднина. ВМРО-ДПМНЕ има јасен став во поглед на спорот со Бугарија. Ние сме против каков било чин или чекор кој ќе значи нарушување на идентитетот, јазикот или срамно решение кое ќе значи откажување од нашето историско наследство. Ние сме за решение кое ќе ги одразува и зачувува националните и државни интереси, се наведува во соопштението на ВМРО-ДПМНЕ. Со СДСМ Македонија само губи. Поразите се секојдневие, а сиромаштијата се поприсутна. Затоа е потребно обединување на народот против власта.

Психолозите велат: Ова е причината за распаѓање на врските и браковите, а не е тешко да се промени

Ристе Здравков — Thu, 13 Jan 2022 06:42:50 +0000

Постои начин да се подобри однесувањето кон партнерот. Многу студии во психологијата се занимаваат со врски и бракови. Ели Финкел, професорка по социјална психологија на Универзитетот Нортвестерн во САД, ги истражуваше модерните врски. Дошол до заклучок дека повеќето бракови завршуваат со развод поради преголемите очекувања на партнерот. – Главната промена што се случи во споредба со минатиот век е тоа што луѓето се почесто влегуваат во брак со очекување дека сопружниците ќе им помогнат да станат подобра верзија од себе, а тоа обично никогаш не се случува – напиша Финкел во својата книга. Истакнува дека партнерот не е тој што треба да не направи покомплетна личност. Неопходно е да имате реални очекувања од партнерот за да бидете среќни во врската или бракот со партнерот, но и со себе. – Добро размислете што очекувате од врската и обидете се да разберете дали тие очекувања се реални и навистина остварливи. Разговарајте за сѐ и барајте компромиси. Запомнете дека и вашиот партнер има очекувања од бракот и од вас – вели овој научник.

ВМРО-ДПМНЕ: Промените започна, градоначалниците на ВМРО-ДПМНЕ за 2 месеца реализираа десетици капитални проекти

Тале Кристо — Sun, 02 Jan 2022 09:11:32 +0000

Промените започнаа, градоначалниците на ВМРО-ДПМНЕ, за два месеца со десетина капитални проекти кои веќе се реализирани, нови градинки, нови училишта, нови улици и булевари, нови паркови и спортски игралишта, велат во партиското соопштение од ВМРО-ДПМНЕ. Започна со решавање на еден од најгорчливите проблеми на граѓаните во секоја општина, запрената легализација на дивоградби од претходната локална власт. Изминатава недела само во општина Битола се потпишани над 1000 решенија за легализација. Во општина Илинден во завршна фаза е изградбата на новото основно училиште, кое за 20тина дена ќе започне со работа. Општина Свети Николе ќе започне со изградба на нова градинка. Започна реконструкцијата на основното училиште Кузман Јосифовски Питу во општина Кисела Вода, како и реконструкција на основното училиште Васил Главинов во Велес. Во општина Бутел се поставено 40тина интерактивни табли во основните училишта, започна и со изградба на неколку спортски игралишта во училиштата. Се поставуваат и нови сончеви колектори во основните училишта и градинките во општина Аеродром, нови фекални и атмосферски канализации во општините Гази Баба, Кисела Вода, Кочани, Велес, како и водоводни линии во Кочани, Свети Николе, Штип. Општините во Градот Скопје, заедно со Градот Скопје исчистија над 120 диви депонии. После неколку години, повторно во функција ќе биде ставен, а воедно и реконструиран планинарскиот дом Копанки, во општина Битола. Започна со реализација на нов локален пат кои ќе ги поврзе општините Ново Село и Босилево. Промените и реализацијата на програмата започнаа во општините кои ги предводат градоначалниците на ВМРО-ДПМНЕ. Граѓаните се сведоци на новиот пристап кон функционирањето на општините. Градоначалниците, како и советничките групи на ВМРО-ДПМНЕ се во постојана комуникација со граѓаните, за да излезат во пресрет за нивните проблеми и проекти, се веливо соопштението на ВМРО-ДПМНЕ.