променливо облачно – Kurir.mk

Какво време нè очекува во текот на денешниот ден?

Тале Кристо — Mon, 31 May 2021 06:03:28 +0000

Времето денеска ќе биде променливо облачно и свежо со повремени врнежи од дожд, особено во западните делови. Ќе дува слаб до умерен, а долж Повардарието повремено засилен ветер од северозападен правец. Минималната температура ќе биде во интервал од шест до 12, а максималната ќе достигне од 17 до 25 степени. УВ индексот ќе изнесува 6. Во Скопје, претпладне променливо облачно со сончеви периоди, попладне облачноста ќе се намалува. Ќе дува умерен, повремено засилен ветер од северен правец. Минималната температура ќе се спушти до девет, а максималната ќе достигне до 21 степен. И во вторник ќе се задржи променливо облачно и свежо време со локални врнежи од дожд. Ќе дува умерен, повремено засилен ветер од северозападен правец, а температурите ќе бидат под просекот за овој период од годината. Од среда следува стабилизирање на времето со пораст на температурите.

Променливо облачно со повремен дожд

Ивона Петрова — Tue, 09 Feb 2021 06:09:57 +0000

Времето ќе биде променливо облачно со повремени врнежи од дожд, особено попладне. Пообилни врнежи се очекуваат во крајните западни делови. Само на повисоките планини врнежите ќе бидат од снег. Ќе дува умерен до засилен јужен ветер, на места над 60 км/час. Минималната температура ќе биде во интервал од 1 до 6, а максималната ќе достигне од 11 до 16 степени. Во Скопје променливо облачно, попладне со повремен дожд. Ќе дува умерен, повремено засилен југоисточен ветер. Минималната температура ќе се спушти до 3, а максималната ќе достигне до 13 степени. Во среда ќе настапи преодно стабилизирање на времето. Значителна промена се очекува од петок, кога ќе дува засилен северозападен ветер, а температурите значително ќе опаднат. Поради продор на многу студена и влажна воздушна маса, во деновите од викендот ќе има повремени врнежи од снег. Утринските температури ќе бидат многу ниски, а дневните на повеќе места ќе се задржат под нулата.

Променливо облачно време, попладне нестабилно со пороен дожд и грмежи

Тале Кристо — Sat, 15 Aug 2020 07:41:48 +0000

Времето ќе биде променливо облачно. Од пладневните часови ќе биде нестабилно со пороен дожд и грмежи на повеќе места. Локално процесите ќе бидат поинтензивни во форма на невреме со пообилен пороен дожд (понекаде и над 10 л за 3 часа), со засилен ветер и со појава на град. УВ=7 Утринската температура ќе се движи од 13 до 22 степени, а дневната температура од 25 до 33 степени. Во Скопје претпладне променливо облачно. Од пладневните часови ќе биде нестабилно со пороен дожд и грмежи на повеќе места. Локално процесите ќе бидат поинтензивни во форма на невреме со пообилен пороен дожд (понекаде и над 10 л за 3 часа), со засилен ветер и со појава на град. УВ=7 Утринската температура ќе достигне до 19 степени, а дневната температура до 31 степени.

Променливо облачно со повремен дожд

Дарко Андоновски — Tue, 17 Jul 2018 05:56:58 +0000

Во Македонија ќе биде променливо облачно со повремен дожд. Околу пладне и попладне на повеќе места ќе биде нестабилно облачно со пороен дожд и грмежи. Локално се можни поинтензивни процеси со обилен пороен дожд особено во западните и јужните делови од земјава. Утринската температура ќе се движи од 11 до 20 степени, а дневната температура од 20 до 34 степен. УВ индексот ќе изнесува осум. Во Скопје ќе биде променливо облачно со повремен дожд. Утринската температура ќе достигне до 17, а дневната до 31 степени. Во среда и во четврток ќе биде посвежо со умерен до засилен северозападен ветер. Потоа следува период на претежно стабилно време, а во попладневните часови во планинските предели можна е ретка појава на пороен дожд со грмежи.