променливо време – Kurir.mk

Променливото време ги полни здравствените амбуланти

Дарко Андоновски — Wed, 14 Jun 2023 15:26:24 +0000

Променливото време и честите врнежи од дожд, ги полнат со пациенти амбулатните на матичните лекари. Валентина Митрова специјалист по семејна медицина и летото во ПЗУ „ д-р Миташев“-Штип вели дека главоболка и малаксаност, се некои од најчестите проблеми, а најмногу се појавуваат кај оние пациенти, кои веќе примаат некаква терапија. Во ваков случај лекарите советуваат редовно примање на терапијата. -Видовме дека некако летото задоцни и поради сите овие климатски промени, еве, да кажеме, поминувајќи низ неколку периоди во текот на денот со врнежи, сонце, облачно, секако дека организмот на сите ни реагира, на некои повеќе, на некои помалку. Меѓутоа, едни од најчестите симптоми се главоболката, малаксаност, хипотензијата, односно низок крвен притисок. Оние што се метеопати најмногу ја посетуваат нашата амбуланта и овде даваме совет. Оние што веќе имаат хронична терапија, редовно да ја примаат, особено оние што имаат проблем со крвниот притисок, вели д-р Митрова. Препорачува дека физичката активност може да помогне за ублажување на симптомите на главоболка и малаксаност кај оние кои се здрави. Се препорачува и лесна и здрава храна, наместо обилни оброци. -Соодветна хидратација и блага физичка активност за оние што можат. Да се избегнува зачинета, многу солена храна, хидратација, свеж зеленчук и свежо овошје, што овој период изобилува, да биде едно основно мени без мрсни и обилни оброци, рече д-р Митрова. Таа додава дека за метеопатите препорачливо е да се поминува време на свеж воздух, лесно пешачење, со цел да се подобри циркулацијата и да се спречи влошувањето на тековните состојби.

Променливо време со повремен дожд и во наредните денови

Ивана Ефремовски — Wed, 10 May 2023 09:50:20 +0000

Времето и утре ќе биде облачно и посвежо со повремени врнежи од дожд. Во петок и сабота ќе биде посончево, а во петок попладне ќе има изолирана појава на пороен дожд и грмежи. -Од недела повторно се очекува променливо облачно време, на места со повремени врнежи од дожд. Ќе дува умерен, долж Повардарието повремено засилен ветер од југоисточен правец, соопшти УХМР.

Променливо време до крајот на неделава

Катерина Бојаџиева — Tue, 11 Apr 2023 10:34:00 +0000

Во среда и во четврток времето ќе биде стабилно со пораст на дневната температура. Утре долж Повардарието ќе дува повремено засилен северен ветер. Во петок под влијание на атмосферски фронт на повеќе места се очекуваат поројни врнежи од дожд, грмежи и засилен ветер, локално во форма на краткотрајно невреме. Во сабота ќе настапи преодно стабилизирање, а од недела ќе преовладува променливо облачно време со локален пороен дожд и грмежи, соопшти УХМР.

Променливо облачно време, во следните два дена дожд и снег

Ивона Петрова — Mon, 08 Mar 2021 06:03:52 +0000

Времето претпладне ќе биде сончево со мала до умерена облачност и со слаба магла по одделни котлини. Попладне облачноста ќе се зголеми и на места ќе има услови за слаб дожд. Ќе дува слаб до умерен ветер од западен и северозападен правец. Минималната температура ќе биде од -5 до 3, а максималната од 10 до 15 степени. Во Скопје претпладне ќе има слаба магла, а во текот на денот ќе биде променливо облачно со слаб до умерен ветер од северозападен правец. Минималната температура ќе се спушти до -3, а максималната ќе достигне 12 степени. Утре и во среда ќе преовладува променливо облачно време со повремени локални врнежи од дожд, а на планините и на некои повисоки места со повремен снег. Пообилни врнежи се очекуваат во северните делови од земјата. Потоа следува период на стабилно и потопло време.

Само утре дожд, до петок многу топло време

Ивана Ефремовски — Sun, 28 Jul 2019 16:34:39 +0000

Времето утре во првата половина од денот ќе биде променливо облачно со повремен локален дожд и грмежи. Попладне облачноста ќе се намалува. Ќе дува слаб до умерен северозападен ветер, информира УХМР. Минималната температура ќе биде помеѓу 11 и 21, а максималната ќе достигне од 26 до 35 степени. Вредноста на УВ-индексот ќе биде 7. Во Скопје, претпладне променливо облачно со сончеви периоди и со услови за краткотраен дожд. Попладне ќе биде сончево со мала до умерена облачност. Ќе дува слаб до умерен ветер од северен правец. Температурата ќе се движи од 19 до 31 степен. Во почетокот на наредната седмица времето ќе биде сончево со мала до умерена облачност и слаб до умерен северен ветер. Во попладневните часови ќе има локален пороен дожд и ретки грмежи. Потоа до петок ќе преовладува стабилно и многу топло време.