промет – Kurir.mk

Зголемен прометот во индустријата

Магдалена Андонова — Fri, 13 May 2022 12:17:01 +0000

Прометот во индустријата во март бил зголемен за 17,5 проценти во однос на истиот месец лани, покажуваат статистичките податоци што денеска ги објави Државниот завод за статистика. Пораст е забележан кај интермедијарни производи, освен енергија за 39,5 проценти, трајни производи за широка потрошувачка за 21,4 проценти, нетрајни производи за широка потрошувачка за 12 проценти и капитални производи за 3,8 проценти. Прометот на индустријата е зголемен и во споредба со февруари за 12,3 проценти, како и во периодот јануари-март годинава во споредба со истиот период лани за 16,8 проценти. На домашниот пазар, прометот во индустријата во март во однос на март лани е зголемен за 19,6 проценти, а во споредба со февруари годинава за 29,9 проценти. На странските пазари, зголемувањето е 16,2 проценти во споредба со март лани и за 8,2 проценти во однос на февруари годинава. (МИА)

Зголемен прометот во трговијата на мало

Магдалена Андонова — Thu, 31 Mar 2022 12:26:12 +0000

Прометот во трговијата на мало, во февруари годинава во споредба со истиот период лани, бележи зголемување во групата Трговија на мало со непрехранбени продукти, освен гориво и тоа номинално за 11,2, а реално за 7,8 отсто. Според податоците на Државниот завод за статистика, зголемувањето во групата Трговија на мало, освен трговија со горива номинално е за 6,8, а реално за 1,0 отсто, во Трговија на мало со автомобилски горива номиналното зголемување е за 58,7 отсто, а реално за 21,2 отсто, а во групата Трговија на мало со храна, пијалаци и тутун, прометот е номинално зголемен за 2,5 отсто, а реално е намален за 5,6 тсто. (МИА)

Прометот кај услугите во вториот кварал со пад од 34,8 отсто, кај туристичките агенции и туроператори од 99 отсто

Ивана Ефремовски — Fri, 25 Sep 2020 11:58:27 +0000

Прометот од продажба на услугите во второто тримесечје од годинава во однос на истиот период лани забележува пад од 34,8 отсто, објави Државниот завод за статистика. Намалување во ова тримесечје, односно во април, мај и јуни годинава е забележано во сите сектори, но најголемо е во секторот Објекти за сместување и сервисни дејности со храна – за 77,7 отсто и во секторот Административни и помошни услужни дејности – за 63,4 отсто. Намалување од 28,4 има во секторот Трговија на големо и трговија на мал, поправка на моторни возила и мотоцикли, 34,8 отсто кај Транспорт и складирање, 23,8 во секторот Информации и комуникации, 25,9 во Дејности во врска со недвижен имот, 30,8 во Стручни, научни и технички дејности, 63,4 отсто во Административни и помошни услужни дејности. Статистиката забележува намалување на прометот во Туристички агенции, организатори на патувања (туроператори) и останати резервациски услуги, како и дејности поврзани со нив од 99 проценти. (МИА)

За една година намален прометот во трговијата на мало

Магдалена Андонова — Mon, 31 Aug 2020 13:13:12 +0000

Во трговијата на мало, во јули годинава, во споредба со јули минатата година, гледано по групи и класи, намалување на прометот е забележано во групите трговија на мало со храна, пијалаци и тутун номинално за 5,1 отсто, а реално за 8,2 отсто. Според објавените податоци на Државниот завод за статистика во трговијата на мало со непрехранбени продукти, освен гориво номинално за 6,9 отсто, а реално за 6,8 отсто и трговија на мало, освен трговија со горива номинално за 6 отсто, а реално за 7,5 отсто и трговија на мало со автомобилски горива номинално за 37,9 отсто, а реално за 29,3 отсто. Ова е уште еден во низа падови откако беше забележан пад од 9,5 проценти на индустриското производство во јули годинава во однос на јули лани регистрира Државниот завод за статистика. Во првите седум месеци од годинава споредено со истиот период лани индустриското производство е намалено за 3,8 проценти. Пад има и кај бројот на работниците во индустријата во јули годинава во однос на јули минатата година кој е намален за 6,2 проценти. Во првите седум месеци од годинава споредено со истиот период лани има намалување за 4,6 проценти на работниците во индустријата, објави денеска Државниот завод за статистика.

Прометот во индустријата намален за 17,5 отсто

Магдалена Андонова — Fri, 14 Aug 2020 11:32:25 +0000

Прометот во индустријата во периодот јануари ‒ јуни 2020 година во однос на истиот период лани бележи пад од 17,5 проценти, покажува статистиката. За 5,6 проценти е намален прометот во јуни 2020 година во однос на јуни 2019, додека во однос на мај 2020 е зголемен за 37,7 отсто. Според Државниот завод за статистика, вкупниот промет во индустријата во јуни 2020 година во однос на јуни 2019 година бележи пораст кај Интермедијарни производи, освен енергија за 3,1 отсто, додека опаѓање бележи кај Капитални производи за 12,1 процент, Tрајни производи за широка потрошувачка за 10,3 и Нетрајни производи за широка потрошувачка за 4,1 отсто. Прометот во индустријата на домашниот пазар во јуни 2020 година во однос на јуни 2019 година е зголемен за 3,9 отсто. Пораст има кај Интермедијарни производи, освен енергија за 21,3 проценти, додека опаѓање кај Капитални производи за 34,2 отсто, Tрајни производи за широка потрошувачка за 20,9 и Нетрајни производи за широка потрошувачка за 1,8 проценти. Прометот во индустријата на домашниот пазар во јуни 2020 година во однос на мај 2020 година има раст од 15,6 отсто, додека во периодот јануари ‒ јуни 2020 година во однос на периодот јануари ‒ јуни 2019 е намален за 3,3 отсто. Прометот во индустријата на странските пазари во јуни 2020 година во однос на јуни 2019 година е намален за 7,8 проценти и според главните индустриски групи бележи опаѓање кај Интермедијарни производи, освен енергија за 2,7 отсто, Капитални производи за 11,7, Tрајни производи за широка потрошувачка за 3,1 и Нетрајни производи за широка потрошувачка за 3,6 отсто. Прометот во индустријата на странските пазари во јуни 2020 година во однос на мај 2020 година е зголемен за 47,9 отсто, додека во периодот јануари ‒ јуни 2020 година во однос на периодот јануари ‒ јуни 2019 година бележи намалување од 21,3 отсто. (MИА)

Намален прометот во индустријата во март за 20,1 отсто

Ивана Ефремовски — Wed, 20 May 2020 11:13:38 +0000

Прометот во индустријата во март бележи пад од 20,1 отсто, соопшти денеска Државниот завод за статистика. Во однос на февруари 2020 година, намалувањето на прометот во март е 12.9 проценти. Пад на прометот во индустријата од 2.6 отсто е евидентиран и во периодот јануари – март 2020 година во однос на јануари – март 2019 година. Според главните индустриски групи, вкупниот промет во индустријата во март 2020 во однос на март 2019 година, бележи опаѓање кај Интермедијарни производи, освен енергија за 16,2 отсто, Капитални производи за 31,6, Tрајни производи за широка потрошувачка за 31,9 и Нетрајни производи за широка потрошувачка за 2,4 проценти. Прометот во индустријата на домашниот пазар во март 2020 во однос на март 2019 година изнесува 102.7. Според главните индустриски групи, прометот во индустријата на домашниот пазар во март 2020 година, во однос на март 2019 година, бележи пораст кај Интермедијарни производи, освен енергија за 5,1 отсто и Нетрајни производи за широка потрошувачка за 8 проценти, додека опаѓање бележи кај Капитални производи за 30,3 отсто и Tрајни производи за широка потрошувачка за 26,2 отсто. Индексот на прометот во индустријата на домашниот пазар, во март 2020 година, во однос на февруари 2020 година, изнесува 119.8, додека во периодот јануари – март 2020 година, во однос на периодот јануари – март 2019 година, изнесува 103.9. Индексот на прометот на странските пазари, пак, во март 2020 година во однос на март 2019 година, изнесува 73.9. Според главните индустриски групи, прометот во индустријата на странските пазари во март 2020 година, во однос на март 2019 година, бележи опаѓање кај Интермедијарни производи, освен енергија за 24,2 отсто, Капитални производи за 32 процента, Tрајни производи за широка потрошувачка за 29,3 и Нетрајни производи за широка потрошувачка за 8,7отсто. Индексот на прометот во индустријата на странските пазари, во март 2020 година, во однос на февруари 2020 година изнесува 79.5, додека во периодот јануари – март 2020 година, во однос на периодот јануари – март 2019 година, изнесува 95.7.