пронајден мртов – Kurir.mk

ПРОНАЈДЕН МРТОВ МАЖОТ КОЈ УТРОВО ЗАСТРЕЛА 25 ГОДИШНА ДЕВОЈКА – претходно си го има убиено и братот, еве ги деталите!

Дарко Андоновски — Thu, 26 Jan 2023 16:25:56 +0000

Се самоуби човекот кој утрово ја претепа, па пукаше и ја рани во стомакот 25-годишната девојка од Велес,пишува порталот Батали.нет. Полицијата попладнево го лоцираше во неговиот стан, во зграда, на улица Андон Шурков бр. 27, во близина на Интернатот, па во голема акција, се обиде да го уапси. Сепак, човекот не дозволил да биде уапсен, па непосредно пред полицијата да влезе во станот, тој се самоубил. Батали.нет пишува дека се работи за 38-годишниот З.Т. кој на крајот на 2008 година го убил својот брат и бил осуден на 13 годишна затворска казна.

По две години Арбен пронајден мртов, телото било најдено во водите на реката Лепенец

Дарко Андоновски — Wed, 10 Mar 2021 18:21:27 +0000

По две години потрага по исчезнатиот 35-годишен Арбен Аслани од Скопје, неговото безживотно тело е пронајдено во водите на реката Лепенец во населбата Бардовци, општина Карпош. Бекир, таткото на Арбен, вели дека телото го пронашол еден локален жител кој веднаш ја известил полицијата. Раскажува дека е разочаран од институциите кои, како што уверува, не преземале мерки за да откријат кој го однел неговиот син, објавува ТВ 21. -Пронајдено е во еден канал, телото е делумно распаднато. Немам доверба во институциите, но ќе почекам додека да излезат резултатите од обдукцијата. Имаа многу време за да истражат, но или не сакаа, или не можеле, или толку имале можност, или пак некој ја прекинал истрагата…-вели Бекир. Погребот на Арбен ќе се изврши в недела. Неговиот татко вели дека конечно го пронашол и може да го погреба синот. -Со тоа што е пронајден, 50% ми е олеснат товарот. Знам каде му е местото и сега можам да ги организирам сите верски ритуали. Две години живеевме во агонија…-рече Бекир Аслани. Пред две години, ТВ21 извести за исчезнувањето на Арбен. Неговиот татко раскажа дека безбедносните камери на раскрсниците го снимиле неговиот син како се качува во еден автомобил. Бекир Аслани, неколкупати организираше протести со семејствата на други исчезнати лица поради, како што велеа, неефикасноста на МВР. Од овој ресор, со став дека направиле сѐ во однос на потрагата по Арбен, додавајќи дека аутопсијата ќе покаже како настанала смртта, односно дали станува збор за убиство или самоубиство. Од Основното јавно обвинителство, велат дека ќе го чекаат извештајот од обдукцијата на телото со цел утврдување на причините за смртта.

Албански медиуми: Исчезнат државјанин на Албанија пронајден мртов во Скопје

Магдалена Андонова — Thu, 23 Jul 2020 14:03:01 +0000

Албански државјанин, кој пред неколку недели бил пријавен како исчезнат, бил пронајден мртов во Скопје. – Р.К. кој пред неколку недели беше пријавен за исчезнат, е пронајден мртов во Северна Македонија. Неговото безживотно тело е пронајдено закопано во Скопје. Од извршената ДНК анализа и отпечатоци од прстите, е потврден неговиот идентитет, пренесуваат медиумите во Албанија. Албанскиот медиум Балкан веб наведува дека станува збор за Рик Беу (35), жител на Кревиди кај Каваја. (МИА)