пронајдено лице – Kurir.mk

Пронајдено е лицето кое исчезна во кратовско

Катерина Бојаџиева — Thu, 12 Jan 2023 14:54:28 +0000

Регионалниот Центар за управување со кризи (ЦУК) - Кратово извести дека денеска од Полициската станица од општа надлежност (ПСОН) Кратово е добиено известување дека исчезнатото 41-годишно лице од с. Татомир во текот на претпладневните часови конечно е пронајдено. - Конкретно, исчезнатото лице е пронајдено од жител на соседното село Сакулица. Од страна на припадниците на ПСОН Кратово е прифатено и донесено во Здравствен дом Кратово. Лицето по медицинскиот преглед е вратено кај неговото семејство, информира ЦУК. Инаку, согласно информациите и координацијата од ЦУК и од Регионалниот ЦУК Кратово се одвиваше планираната континуирана потрага по исчезнатото 41-годишно лице со попреченост од с. Татомир од неделата. На терен беа припадници на Полицијата од (ПСОН) Кратово, Шумска полиција, Територијалната противпожарна единица, Здравствен дом Кратово, Инспектори од СВР Куманово како и од единицата за трагање со кучиња трагачи од МВР Скопје, на Локалната самоуправа, а и на семејството, а биле информирани и вклучени и другите институции и месни жители согласно можностите. Покрај локалните институциите и Единицата на локалната самоуправа (ЕЛС) Кратово биле известени и претставниците на Дирекцијата за заштита и спасување (ДЗС), а и од Центарот за социјални работи.

Пронајден е кумановецот по кого трагаше полицијата и семејството

Катерина Бојаџиева — Wed, 04 Jan 2023 16:27:20 +0000

Пронајден е триесет и петгодишниот кумановец по кого трагаше полицијата и семејството, информираа денеска од СВР Куманово. Тој бил пронајден во кумановското село Орашац. Беше пријавен за исчезнат на 25 декември. – Полициските службеници од СВР Куманово го пронашле С.С.(35) за кого на 25.12.2022 беше пријавено дека се оддалечил од домот. Тој бил во добра здравствена состојба, соопшти кумановската полиција.

Пронајден малолетникот кој исчезна од установа за згрижување на деца со проблеми

Ивана Ефремовски — Thu, 23 Jun 2022 15:06:46 +0000

На 23.06.2022 во 02:50 часот на крстосницата од ул.„Орце Николов“ со ул.„Коле Неделковски“ на подрачје на Центар, полициски службеници од Единицата за интервентна полиција при СВР Скопје го пронашле М.А.(15) од Струмица – штитеник на ЈУ за згрижување на деца со воспитно социјални проблеми во н.Хром. За него на 15.06.2022 во Полициската станица Ѓорче Петров беше пријавено дека се оддалечил од установата.

Пронајдено детето од Битола кое исчезна во Скопје

Ивана Ефремовски — Tue, 21 Jun 2022 15:04:42 +0000

На 20.06.2022 во 12.20 часот на ул. Македонија во Скопје, полициски службеници од Полициската станица Центар го пронашле С.Ј.(14) од Битола. За него на 19.06.2022 во Полициската станица Аеродром било пријавен дека се оддалечил од железничката станица во Скопје.

Пронајдено лице кое се оддалечило од домот

Магдалена Андонова — Tue, 17 May 2022 11:32:51 +0000

На 16.05.2022 во 21.15 часот во Полициската станица Аеродром, В.Л.(48) од Скопје пријавил дека околу 16.00 часот од дома со патничко возило „пежо 406“ се оддалечил неговиот татко В.Л.(74), лице со здравствени проблеми. Веднаш се преземени мерки и во 05.00 часот, инспектори по потраги од Одделението за криминалистички работи Аеродром и Драчево го пронашле лицето во возилото. Лицето било предадено на семејството.

Пронајден скопјанецот кој беше пријавен дека се оддалечил од домот

Катерина Бојаџиева — Wed, 27 Apr 2022 14:19:00 +0000

По преземени мерки и активности, на 27.04.2022 во 00.05 часот, на патот за Марков манастир, полициски службеници од ЕВР Аеродром и Драчево го пронашле З.С.(50) од с.Зелениково, кој претходно бил пријавен дека се оддалечил од домот. Имено, околу 22.30 часот во Полициската станица Драчево З.С.(55) од с.Зелениково пријавил дека неговиот 50-годишен брат, кој имал здравствени проблеми, се оддалечил од дома. По пронаоѓањето, лицето било однесено во Полициската станица Драчево и било предадено на семејството.

Пронајдена младата штипјанка која сопругот ја пријави за исчезната

Ивана Ефремовски — Tue, 26 Apr 2022 14:08:55 +0000

На 25.04.2022 околу 21:45 часот на улица „Гоце Делчев“ во Гостивар, полициски службеници на СВР Тетово-Одделение за внатрешни работи Гостивар ја пронашле 23-годишната П.А. од Штип. За неа, на 23-ти овој месец нејзиниот сопруг Д.Ј.(37) од Прилеп во Полициската станица Прилеп пријавил дека се оддалечила од домот.

Пронајден скопјанецот кој беше пријавен за исчезнат

Ивана Ефремовски — Wed, 23 Mar 2022 16:10:33 +0000

На 22.03.2022 во 21:00 часот во Полициското одделение Петровец, Ј.Ц.(27) од Скопје пријавил дека е пронајден неговиот брат С.Ц.(25) од Скопје. За тоа лице на 21.03.2022 околу 18:40 часот во Полициското одделение Петровец било пријавено дека се оддалечило од семејната куќа.

Пронајден скопјанецот кој беше пријавен дека е исчезнат

Катерина Бојаџиева — Thu, 03 Feb 2022 15:13:37 +0000

На 02.02.2022 во 10.30 часот во Полициската станица Аеродром е пријавено дека М.С.(23) од Скопје, за кого на 31.01.2022 било пријавено дека се оддалечил од домот, на 01.02.2022 околу 22.00 часот, бил вратен дома.

Пронајдена 18-годишната девојка од Скопје по која се трагаше

Катерина Бојаџиева — Tue, 04 Jan 2022 19:05:41 +0000

На 03.01.2022 во 13:30 часот во Полициското одделение Сарај, А.Ч.(41) од с.Рашче пријавил дека ја пронашол неговата ќерка Х.Ч.(18), за која на 02.01.2022 во 19:00 часот пријавил дека се оддалечила од домот.