проневера – Kurir.mk

Украина соопшти дека двајца функционери на Министерството за одбрана се осомничени за проневера

Ивана Ефремовски — Tue, 10 Oct 2023 12:27:36 +0000

Украинското Државно биро за истраги (СБИ) денеска соопшти дека двајца високи функционери на Министерството за одбрана се осомничени за проневера на седум милиони долари наменети за купување панцирни елеци. „Офицери на СБИ доставија уште едно известување за сомневање против поранешен заменик-министер за одбрана и шеф на оддел на Министерството за одбрана за проневера на над 250 милиони гривни, јавни средства наменети за купување панцири“, соопшти СБИ.

Свештеник проневерил половина милион евра, од кои 150.000 потрошил на порно сајтови

Тале Кристо — Sat, 20 Aug 2022 07:30:36 +0000

Католичкиот свештеник обвинет за проневера на вкупно 500.000 евра донации потрошил 150.000 евра на порнографски сајтови, објавија малтешките медиуми. Обвинителите успеаја да откријат шестцифрени суми платени на компании поврзани со секс страници во живо, пишува Тајмс оф Малта. Исплатите траеле неколку години. Свештеникот Лук Сегуна им рекол на полициските инспектори дека тоа го направил затоа што бил во „сексуална криза“, пишува весникот. Сегуна, парохиски свештеник во Марсакслок на југот на Малта, се изјасни за невин, но црковните власти го суспендираа до крајот на постапката. Пред судот беа изнесени докази дека Сегуна имал неколку стотици илјади евра на неколку лични банкарски сметки, иако неговата годишна плата била само 20.000 евра. Освен пари, поседувал и колекција од пет мотоцикли и два автомобили. Обвинителите изнесоа и информации дека Сегуна добил чекови од неколку илјади евра од постар припадник на парохијата. Старецот, кој оттогаш починал, боледувал од деменција кога ги напишал чековите, соопштија на судот. Сегуна се правдаше дека чековите се всушност враќање на донации кои свештеникот му ги дал на старецот, но обвинителите тврдат дека тие всушност требало да бидат поделени на локалните хуманитарни здруженија.

Јувентус под истрага за проневера од 50 милиони евра

Ристе Здравков — Sat, 27 Nov 2021 09:10:42 +0000

Федералното обвинителство на Италија започна истрага против Јувентус, а првоосомничени се претседателот Андреа Ањели, неговиот заменик Павел Недвед и поранешниот спортски директор Фабио Паратичи, кој сега работи во тимот на Тотнем. Тие се обвинети за лажно сметководство и проневера на 50 милиони евра, тврди весникот „Газета дело спорт“. Финансиска полиција вчера била во седиштетот на клубот да собере дополнителни информации за случајот и биле одземени голем број документи. Сомнителни се голем број на трансфери кои Јувентус ги направил во периодот од 2018 до 2021 година. Особено внимание привлекува размената со Барселона во која Артур Мело пристигна во Торино, а Миралем Пјаниќ замина во спротивен правец. Во целиот скандал осомничени се уште три лица во Јувентус, кои најверојатно работат во сметководството на клубот.

Охриѓанка ќе одговара за „проневера во службата“

Ивана Ефремовски — Thu, 12 Nov 2020 15:59:39 +0000

СВР Охрид поднесе кривича пријава против З.Ц.(40) од Охрид поради постоење основано сомнение за сторено кривично дело „проневера во службата“. Во период од 07.02.2019 до 31.12.2019 во својство на службено лице во угостителски објект во склоп на локалитетот Музеј на вода – Градиште во Охрид, пријавената дел од прометот не го прикажувала во сметководство и финансии и не го внела на сметката од работодавачот, така што при извршен попис на 31.12.2019, комисиски бил констатиран кусок од продажба во износ од 65.730 денари, за кој износ се стекнала со противправна имотна корист за себе, на сметка на НУ„Завод за заштита на споменици на културата и Музеј – Охрид“.