пропаѓање – Kurir.mk

Николоски до Јовевски: Дали е испитана поврзаноста на 29 струмички компании со пропаѓањето ан Еуростандард банка?

Тале Кристо — Fri, 13 Nov 2020 14:22:29 +0000

Александар Николоски, пратеник и потпретседател на ВМРО-ДПМНЕ на денешната собраниска комисија за надзорна расправа за пропаѓањето на Еуростандард банка, го праша државниот јавен обвинител Љубомир Јовевски дали може да одговори дали се испитува поврзаноста на 29 компании со сопствеништво и седиште во Струмица кои земале огромна сума на пари од сега веќе пропадната Еуростандард банка но се уште ги немаат вратено и престанале да ги враќаат во ист или сличен временски период што значи дека се работи за координирана акција. Би сакал да прашам дали се испитува поврзаноста на според Извештајот на стечајниот управник, 29 компании за кои што индикативно е дека сите се со седиште во Струмица, се со сопствеништво во Струмица и се меѓусебно поврзани или се сопственички поврзани, или имаат исти управител кој што имаат сериозна сума на кредити подигнато од Еуростандард банка, но се уште ги немаат вратено и престанале да ги враќаат во ист или сличен временски период што значи дека се работи за координирана акција, праша Николоски. Според Николоски, пропаѓањето на Еуростандард банка е најголем финансиски скандал во државата после аферата ТАТ, па порача дека граѓаните и фирмите треба да знаат нивните средства се исцицани преку фиктивни кредити и дали во овој скандал се инволвирани не само раководната структура на банката туку и вкупно 29 компании сите со седиште во Струмица. Имајќи предвид дека пропаста на Еуростандард банка е можеби најголемиот финансиски скандал во Македонија после аферата ТАТ, добро е да знае јавноста дали средствата кои што пропаднаа и на фирмите и на граѓаните кои што имаа влогови над 30.000 евра се исцицани преку фиктивни кредити и дали овде се работи за посериозен организиран криминал во кој што не е инволвирана само раководната структура на банката туку и вкупно 29 компании сите со седиште во Струмица и сите сопственички поврзани, или поврзани во делот на управување, вели Николоски.

Парите на хендикепираната мајка пропаднаа во Еуростандард која Заев и НБРМ ја однесоа во стечај

Магдалена Андонова — Fri, 11 Sep 2020 20:48:33 +0000

-Не сме 0,6 процент како што не претставуваат, туку сме цели семејства и фирми кои моментално сме во незавидна состојба, порача Дејан Николовски дел од Здружението на оштетени штедачи од Еуростандард банка на вчерашниот протест пред Народна Банка. Потресни семејни приказни и трагедии, цели семејства оставени без денар се работите кои ги поврзуваат неколку илјади граѓани, кои ги изгубија своите депозити поради пропаѓање на Еуростандард банка, на 12 август или како што велат тие најцрната среда во нивните животи. Помеѓу трагичната сторија, е и сторијата на една мајка која не може да го лекува свпето семејство во странство, татко на две деца кој работел на мисија во Ирак и Авганистан, а кој еднаш бил оштетен во аферата ФРИКОМ, сега повторно се соочува со истиот проблем, односно своите пари кои ги штедел од 2012 година им се заробени. Мајка добила пари како оштета за нанесувањена лесна телесна повреда од небрежност во една државна институција и истите се уплатени во Еуростандард банка, и се наменети за лекување на нејзиното болно дете во странство. Парите се заробени и детето не може да се лекува. Татко на две деца повеќе од 15 години работи на мисија во Ирак и Авганистан, тешко спечалени пари со пот и крв. Прв пат биле оштетени како семејство во аферата ФРИКОМ, за да повторно сега сите средства од 2012 им се заробени во Еуростандард Банка. Семејството е во очајна ситуација. Но, има и такви кои штеделе за да може да си обезбедат покрив на главата, но сега живеат под кирија, пензионери кои биле оштетени од аферата ТАТ сега повторно се соочуваат со уште една афера. Имаме штедачи кој подолго време штедела да купат свој дом за себе или за своите најблиски и сега средствата им се заробени. Сега живеат под кирија. Пензионерите ставиле цели заштеди во банката. Некои непосредно пред да се затвори банката, меѓу нив има и луѓе кои биле дел од аферата ТАТ. Според информациите, поради пропаѓање на Еуростандард банка фирмите се соочуваат со неликвидност, не можат да се исплатат плати на работниците, а има и такви кои се затвораат поради настаната состојба. -Фирмите страдаат исто така. Парите кои се заробени целосно пропаѓање на банката, доведени во тешка состојба, не може да сервисираат долгови, немаат ликвидност, не можат да работат, вработените да земаат плата, блокирани се, а фирмите се затвораат поради настанатата состојба, вели Николовски. Една од присутните пензионерката Радица Фириева самохрана мајка на два сина, е разочарана од целиот систем, бидејќи како што рече еден од синовите после завршување на факултет заминал за Америка кој 15 години макотрпно работел за да си обезбеди дом и семејство, но за жал поради затворање на банката желбата не им се остварила. -Јас сум родител на два сина и самохрана мајка. Мојот син поради тоа после факултетот замина во Америка и 15 години макотрпно работеше за да заштеди кога ќе се врати да може да си купи стан и да си оформи семејство. Во јуни требаше да дојде, нашата желба да ја оствариме, но поради корона вирусот сето тоа се стопира. Морам да кажам дека сум многу разочарана од нашиот систем, вели пензионерката Радица Фириева, една од штедачите. Николовски, додаде дека иако Народна банка на Република Македонија убедува дека банкарскиот систем е стабилен, сепак голем број на граѓани од други банки секојдневно доаѓаат во Здружението да се консултираат што да прават со своите заштеди, загрижени дека можи истото да им се случи. Но, не само штедачите од Еуростандард банка, со ист проблем се соочуваат и над 2300 вработени во АД Македонска Пошта поради стечајот на Еуростандард банка, скандал тежок 200 милиони евра. Исплашени дека ќе ги загубат своите работни места, стравуваат дека ќе останат без финансиските средства од кои ги прехрануваат своите семејства, се уште нема одговорност за екс министерката за финансии од СДСМ Нина Ангеловски која на само неколку дена пред отворање на стечајната постапка на Еуростандард банка го извлекла својот депозит од 200.000 евра од сега веќе пропаднатата банка.

Вработените во Пошта загрижени од состојбата по пропаѓањето на Еуростандард: Бараат итна средба со премиерот

Магдалена Андонова — Thu, 03 Sep 2020 11:13:05 +0000

Синдикатот на Пошта на Македонија изразува загриженост од состојбата во работењето на комапнијата, особено по прекинот на работењето на платниот промет во 330 поштенски единици, и бара итна средба со премиерот за изнаоѓање решение. Претседателот на синдикатот на Пошта на Македонија, Боро Велигденов, денеска на прес-конференција пред Владата ги наведе состојбите во претпријатието по почетокот на коронакризата која го намали внатрешниот и меѓународниот сообраќај, како и влијанието врз работењето со пропаѓањето на Еуростандард банката и прекинот на платниот промет во единиците на поштата. -Стечајот на Еуростандард банка сериозно го наруши работењето на Македонска пошта. Генерира на дневна основа сериозни загуби на финансиското работење со оневозможување на услугата во платниот промет во над 330 – те поштенски единици на територијата на целата држава. Дополнитело, и прекинот на услугите во меѓународниот сообраќај и намалувањето на приходите во внатрешниот пазар изминатите шест месеци како последица од коронавирусот кај нас од 2300 вработени влева сериозна загриженост и страв за иднината на компанијата, редовна исплата на плати и зачувување на своите работни места, изјави Велиденов. Оцени дека неработењето на 330-те единици на пошта и статус кво состојбата со неработењето на платиот промет претставува директна закана за егзистенцијата на вработените, но и тоа дека неработењето на поштенските филијали има влијание и врз граѓаните кои ги користат услугите. Не смета дека има ризик од одење во стечај на фирмата, како и дека не се доведени во прашање исплатата на плати на вработените. -Има огромен проблем кај над 100 илјади корисници кои ја користат пошта за исплата на пензија и социјална помош, рече Велигденов. Според него, Владата како целосен сопственик на Пошта на Македонија со оглед на сериозноста на состојбите има обрска да се заложи и да ја постави како приоритет и итно да донесе одлука за склучување договор со друга банка со цел овозможување платен промет во пошта. Воедно да се заложи за стабилизација на компанијата со финансиска поддршка и покривање на загубите кои од ден на ден се се поголеми. Тој побара итна средба со премиерот, најдоцна до истекот на наредната недела, за изноаѓање решение и овозможување платен промет во филијалите на Пошта. Како што рече, има одредени преговори со некоја банка за договор за платен промет преку поштенските филијали, но немаат конкретни информации. (МИА)

ВМРО-ДПМНЕ: Пропаѓањето на Еуростандард банка е поради скриени бизнис интереси на одредени структури блиски до власта, обвинителството молчи

Магдалена Андонова — Mon, 17 Aug 2020 18:39:49 +0000

Факти на денот: 1. Пропаѓањето на Еуростандард банка е поради скриени бизнис интереси на одредени структури блиски до власта, обвинителството молчи. 2. СДСМ кокаинска, директор на Шилегов и СДСМ фатен со кокаин. 3. Приватна струмичка агенција за обезбедување блиска до власта зела тендери во висина од 21 милион евра од џебот на граѓаните. 4. Венко Филипче е одговорен за неуспехот во борбата против короната, бидејќи единствено на што е посветен се парцелите и хациендата во Нерези. 5. ВМРО-ДПМНЕ предлага 3 модули за образовниот процес: физички, комбиниран и онлајн, владата нема ниту план ниту смелост да го имплементира и да превземе одговорност за учениците да не губат година. 6. СДСМ и Заеви свесно ја покачија цената на електричната енергија, само за да делат профит над 21 милион евра преку струмичката агенција за обезбедување. Центар за комуникации на ВМРО-ДПМНЕ