просек – Kurir.mk

Реките и Охридското и Преспанското езеро на нивоа под ноемврискиот просек

Ивона Петрова — Wed, 18 Nov 2020 10:11:33 +0000

Нивоата на сите реки во земјава кај кои денеска се извршени хидролошки мерења, покажуваат вредности под просекот за ноември. Некои покажуваат драстични намалувања, дури и до десет пати. Според УХМР, најголем пад на водостоите бележат Вардар кај Јегуновце и кај Велес, Треска кај Македонски Брод, Црн Дрим кај Ложани и Сатеска кај Ботун. Под ноемврискиот просек се и двете најголеми езера, Охридското и Преспанското.

Нивоата на повеќето реки во земјава под октомврискиот просек

Ивона Петрова — Tue, 27 Oct 2020 09:16:13 +0000

Сите реки, освен Вардар кај Велес, Црн Дрим кај Ложани и Пчиња кај Катлановска Бања и Пелинце, денеска се под просекот за октомври, покажуваат хидролошките мерења. Вардар кај Јегуновце е драстично намален, а значително под просекот се и Сатеска кај Ботун, како и Струмица кај Ново Село. Состојбата на езерата, Охридското, Песпанското и Дојранското, не бележат поголеми промени.

Повеќето реки под октомврискиот просек

Ивона Петрова — Wed, 07 Oct 2020 08:34:34 +0000

И покрај врнежите што ја зафатија земјава, нивото на реката Вардар кај Јегуновце е далеку под просекот за октомври. Денешните хидролошки мерења поажуваат дека Вардар е намален и кај Скопје, Велес и Демир Капија. Под просечното ниво се и скоро сите останати реки, дури некои се и преполовени. Нешто повисока вредност од октомврскиот просек е измерена само на Пчиња кај Катлановска Бања, додека Пчиња кај пелинце е во рамки на просекот.

Реките со повисок водостој од августовскиот просек

Магдалена Андонова — Mon, 31 Aug 2020 09:23:02 +0000

Денешните мерења на Управата за хидрометеоролошки работи покажуваат дека поголем дел од реките во државата имаат повисок водостој од просекот за август. Зголемен водостој во однос на августовскиот просек е забележан кај реката Вардар на сите мерни места. Најмногу или за 92 сантиметри е повисоко нивото на Вардар кај Демир Капија. Повисок е водостојот и на Пчиња кај Катлановска Бања, на Црна Река и Црн Дрим. Понизок водостој имаат реките Лепенец, Крива Река и Струмица. Кај езерата, денешните мерења покажуваат дека повисоко е нивото на Дојранското Езеро, а пониско на Преспанското Езеро. За Охридското Езеро денеска не се достапни податоци. (МИА)

Зголемен водостојот на реките, езерата приближно до просекот

Тале Кристо — Mon, 24 Aug 2020 09:03:39 +0000

Водостојот на реките утринава, во односн на просекот за август е зголемен двојно, а најголемо речиси тројно згломено е нивото на реката Вардар кај Јегуновце и Велес. Под нивото од просекот забележано е намалување кај реките, Црн Дрим од 4 сантиметри, Струмица – 31 см., Лепенец – 8 см. и Крива река 6 сантиметри. Од Управата за хидрометеоролошки работи очекуваат и утре нивото на реките да биде приближно на денешните мерења. Нивото на Охридското езеро во однос на вчерашниот ден е непроменето и е во граници на просекот за август, Преспанското езеро е намалено за 2 сантиметри, а пак нивото на Дојранското езеро е зголемено за 3 сантиметри во однос на просекот за овој месец.

Нивоата на повеќето реки во земјава под јунскиот просек

Ивона Петрова — Mon, 08 Jun 2020 09:17:23 +0000

Пет пати пониско од просекот за јуни е нивото на реката Сатеска кај Ботун, додека Крива Река кај Крива Паланка, Црна Река кај Новаци и Струмица кај Ново Село бележат двојно намалување. Според денешните хидролошки мерења, пониски од јунскиот просек се и Вардар кај Велес, Треска кај Македонски Брод, Лепенец кај Скопје, како и Пчиња кај Пелинце и кај Катлановска Бања. Само Вардар кај Јегуновце, Скопје (Железен Мост) и Демир Капија бележи извесно зголемување, но и Бабуна кај Богомила каде е измерено двојно покачување на нивото. Состојбата со езерата е речиси непроменета. И натаму Охридското е во рамки на просекот, Преспанското е минимално намалено, а Дојранското незначиелно зголемено.

Нивоата на реките под јануарскиот просек

Ивона Петрова — Thu, 30 Jan 2020 09:47:10 +0000

Речиси четири пати пониски од просекот за јануари се нивоата на реката Сатеска кај Ботун и на Црна Река кај Новаци, покажуваат денешните хидролошки мерења. Според УХМР, водостоите на сите реки се под просекот, а на повеќето се преполовени. Намалувања бележат и нивоата на Охридското, Преспанското и Дојранското езеро.

Надминат просекот на врнежи во ноември во Црна Гора

Ивона Петрова — Thu, 07 Nov 2019 06:56:09 +0000

Врнежите од дожд предизвикаа голем број проблеми во општини во Црна Гора во изминатите неколку дена, а меѓу најпогодените е Никшиќ, каде водостојот на горниот тек на реката Зета е со рекордно високо ниво. -Најмногу врнежи од дожд, според податоците на нашите метеоролошки станици, има во централниот, западниот и северозападниот дел на нашата земја – Подгорица, Никшиќ, Жабљак, Колашин, Херцег Нови, изјави синоптичарот Драган Буриќ за ТВЦГ. Станува збор за екстремни врнежи од дожд. – Во Подгорица, во изминатите 3-4 дена наврнаа вкупно 375 литри дожд на метар квадратен, а просекот за целиот месец е околу 238 литри. Месечниот просек е надминат на подрачјето на Колашин и Жабљак, како и Шавник, каде досега наврнаа 466 литри дожд, а просекот за ноември е околу 274 литри, рече Буриќ. Што се однесува до водостоите најкритично е во подрачјето на горниот тек на реката Зета, во Никшиќкото поле, но и водостојот на Морача е во доменот на големи води. -Пред два дена беше соборен рекорд за нивото на водата на Зета. Во горниот дел на реката, беше измерен водостојот од 257 см, а досега рекордот беше 243 см, рече Буриќ. И во наредните денови, во Црна Гора се очекува нестабилно време.

Водостоите на реките во опаѓање

Ивона Петрова — Fri, 05 Jan 2018 09:39:40 +0000

Водостоите на реките Вардар кај Јегуновце и Сатеска кај Ботун се речиси тројно пониски од просекот за јануари, а на Црна Река кај Новаци повеќе од двојно. Поголемо ниво од вообичаеното имаат Црн Дрим кај Ложани и Пчиња кај Катланово, Вардар кај Демир Капија има исто со просечното, а сите останати реки пониско. Според податоците на Управата за хидрометеоролошки работи - УХМР, намалување на водостоите во однос на вчера има кај сите реки со исклучок на Црн Дрим кај Ложани каде има минимално зголемување и Крива Река кај Крива Паланка каде нивото останало исто. Нивоата на Охридското, Преспанското и Дојранското езеро се во рамки на јануарскиот просек.