простор – Kurir.mk

Предвидени 10 милиони денари за уредување на просторот околу станбените згради низ штипските населби

Тале Кристо — Tue, 02 May 2023 13:46:26 +0000

Почна уредувањето околу станбените згради во близина на Здравствениот дом во Штип. Увид во денешните градежни активности изврши градоначалникот на Општина Штип, Иван Јорданов, кој посочи дека овде активностите ќе завршат за десетина дена, но уредувањето ќе продолжи и во останатите населби од градот. - Денесka сме кај стариот пазар, веднаш до Здравствениот дом „Панче Караѓозов“, каде се уредуваат влезовите на станбените згради на улица „Маршал Тито“. Вредноста на ова партерно и хортикултурно уредување со павер елементи е 700.000 денари. Веднаш по завршување на овој простор што претходно бил неуреден и е по барање на жителите на оваа станбена зграда, ќе се започне и со уредување на просторот пред станбените згради во населбите Автокоманда, Осми ноември, Сењак, рече Јорданов. Целта е во градежната сезона да се уредат поголем дел од површините пред станбените згради, бидејќи, како што вели Јорданов, тоа било барање и потреба на жителите. -Ќе има хортикултурно уредување, затоа што во самиот проект е предвидено да се постават жардињери, да се остави зелен појас за да се постави урбана опрема со осветлување и клупи со цел жителите да имаат помодерно место за релаксирање, вели Јорданов. Тој на денешната прес-конференција посочи дека овие градежни активности се согласно со Програмата за уредување на градежно земјиште, а за уредување на станбените влезови на зградите во Штип предвидени се 10 милиони денари.

Кои знаци укажуваат на потребата за „личен простор“ во врската?

Ристе Здравков — Fri, 17 Jun 2022 14:07:01 +0000

Секогаш кога ви треба „простор“ во врската значи дека имате потреба да бидете сами и да си посветите себеси повеќе време. Со други зборови, сакате да ги ставите вашите потреби пред оние на партнерот. Сепак, тоа не мора да значи дека не го сакате партнерот или дека не се грижите за него. Напротив. Грижата за себе и можноста за личен простор ќе ви овозможи да изградите посилна и поинтимна врска. Не заборавајте дека само доколку се сакате себеси можете да ги сакате и другите. Во продолжение прочитајте кои се знаците кои укажуваат на вашата потреба за поголем простор во врската. 1. Немате доволно време за себе Дали поради вашата врска ги запоставувате вашите интереси? Можете ли да се сетите на последниот пат кога се вклучивте во некоја од вашите омилени соло активности? Доколку одговорот на двете прашања е негативен, време е да почнете да размислувате за да воспоставите повеќе личен простор. 2. Постојано се расправате со партнерот Постојаните расправии за кои нема некаква очигледна причина се друг знак за потребата од личен простор. Притоа, свесни сте дека се нервирате и возбудувате за работи кои воопшто не се важни. Ова се случува особено доколку не можете да му ги пренесете на партнерот вашите вистински чувства кон него. Доколку, пак, си одвоите време за себе, ќе ви стане појасно за тоа што сакате и што очекувате од врската. 3. Зависите од партнерот Дали секогаш барате одобрение од партнерот пред да донесете некаква одлука? Доколку е така, тоа би значело дека немате доволно самодоверба да се справите со животните предизвици. Од друга страна, ако си одвоите повеќе простор за себе, ќе научите како да го живеете животот користејќи ги вашите сопствени вештини и способности. 4. Го избегнувате партнерот Дали сè уште уживате во друштвото на вашиот партнер? Сосема нормално е понекогаш да ви биде здодевно, особено доколку сте во долга врска. Тоа е знак да направите пауза, да се оддалечите за момент од секојдневието и да сфатите дали и колку ви е важен партнерот. Освен тоа, тоа може да ви помогне и да ја вратите романтиката и страста во врската. 5. Врската ви предизвикува стрес Еден од знаците дека ви треба простор во врската е чувството на истоштеност и исцрпеност. Покрај тоа, стресот во врската не само што може да предизвика анксиозност туку и може да доведе до негативна интеракција со партнерот. Просторот надвор од врската, пак, може да ви помогне да ја ослободите фрустрацијата и да комуницирате попозитивно со партнерот и да ги решите навреме сите недоразбирања и конфликти. Откако прочитавте кои знаци укажуваат на потребата за личен простор во вашата врска, можеби ќе сакате да прочитате и кои 15 мали нешта ги прават силните парови во здрава љубовна врска.

БиХ наскоро ја презема контролата врз целиот воздушен простор

Тале Кристо — Sun, 24 Nov 2019 10:03:20 +0000

Во ноќта меѓу 4 и 5 декември БиХ за првпат по 1992 година ќе ја преземе контролата врз водушниот сообраќај во целиот свој воздушен простор. Агенцијата за давање услуги во водушниот сообраќај на БиХ (БХАНСА) соопшти дека тоа ќе значи отворање на едно битно поглавје од историјата на цивилното воздухопловство на земјата, пренесе Кликс.ба „Со овој настан во целост се реализира Фазата II од Стратегијата за развој на системот за управување со воздушниот сообраќај во БиХ“, соопшти Агенцијата. БиХ од 2014 година ја презеде контролата врз просторот до 10.000 метри надморска височина, додека соседите продолжија да го надгледуваат сообраќајот над 10.000 метри.