прострелна рана – Kurir.mk

БИЛА ПРОНАЈДЕНА МРТВА ВО СПАЛНАТА СОБА, А ПОКРАЈ НЕА ИМАЛО ПИШТОЛ – за полицијата нема ништо сомнително, но за семејството има!

Дарко Андоновски — Mon, 05 Dec 2022 09:41:32 +0000

Јужноафриканската полиција ги истражува околностите во кои трагично го загуби животот Маја Јанеска, познатата инфлуенсерка и мејк-ап артистка која потекнува од Македонија. Таа во петокот била пронајдена со прострелна рана во главата, јавува еден јужноафрикански портал. Според порталот, полицијата не ја третира смртта на Јанеска како сомнителна, но семејството и пријателите изјавиле дека не можат да веруваат дека таа сама би си го одзела животот. „Полицијата добила повик за лице кое наводно се самоубило во имотот Басонија. По пристигнувањето на дадената адреса, полицијата пронашла жена во спалната соба со прострелна рана во главата. До неа имало огнено оружје. Смртта ја потврдил лекар“, изјавил портпаролот на полицијата Масондо. Порталот пренесува дека нејзиното момче за време на настанот било во домот. Познатата инфлуенсерка пред неколку дена била во Македонија. „Не можам да поверувам дека повеќе не е меѓу нас, а само минатата недела беше во Македонија да го прослави тоа што на државава и помогна да биде признаена од Јужна Африка и после долго време да се воспостават дипломатски односи“, пишува на Фејсбук нејзиниот долгогодишен пријател Сефер Цаноски од универзитетот ФОН. Цаноски вели дека Маја му кажала дека создала голема мрежа на пријатели во многу држави на африканскиот регион и дека ја почитуваат како успешна жена. „Во тоа се уверив и сам, за време на моето патување во Африка, кога организираше средби со неколку земји и со целиот државен врв во Преторија во Јужна Африка. Беше многу почитувана таму. А само три дена подоцна Јужна Африка испрати писмо до македонското МНР дека се подготвени да воспостават дипломатски односи. Желбата ѝ беше во Јужна Африка да има македонска амбасада“, пишува Цаноски и додава дека вчера министерката на претседателот на Јужна Африка му се јавила со шокантна вест и го известила дека во петокот утрината Маја го загубила животот во несреќен случај.

Крвава драма во Љуботен: Две лица си го пронашле пријателот во соба со рана во стомакот откако претходно биле заедно на лов

Магдалена Андонова — Sun, 27 Nov 2022 16:05:46 +0000

Министерството за внатрешни работи информира дека на 26.11.2022 во 19.15 часот во СВР Скопје од Итна медицинска помош било пријавено дека во село Љуботен, скопско има повредено лице од огнено оружје, кое со возило било однесено во Комплексот клиники “Мајка Тереза“. Од полициски службеници од СВР Скопје излезено било на местото на настанот и било утврдено дека станува збор за М.Љ.(31) од село Љуботен, кој, според првично пријавеното од лицата кои биле со него, Р.А. и М.А., биле заедно на лов во с.Љуботен. Според пријавеното, повредениот останал сам во викенд куќа и во еден момент, Р.А. и М.А. слушнале истрел од огнено оружје и кога се упатиле кон викенд куќата, го пронашле повредениот во собата со прострелна рана во пределот на стомакот. Се работи на расчистување на случајот.

Маж со прострелна рана барал помош во болницата во Кочани, полицијата го уапсила – еве што се случило

Ивана Ефремовски — Tue, 02 Aug 2022 15:01:50 +0000

На 02.08.2022 околу 03:20 часот во ОВР Кочани е пријавено дека во Хируршко одделение Кочани за укажување на лекарска помош дошол Н.Б.(48) од Кочани, со прострелна рана на дланката, за која изјавил дека е последица од самоповреда. Полициски службеници излегле на местото на настанот и констатирале дека на место викано „Наддабо“, во село Бели, кочанско, повредениот додека бил заедно со Д.С., испукал со пиштол. Заради расчистување на случајот Н.Б. е лишен од слобода, поради постоење основано сомнение за сторено кривично дело „Предвизвикување општа опасност“ казниво по чл.288 од Кривичен Законик, како и Д.С., поради постоење основано сомнение за сторено кривично дело „Недозволено изработување, држење и тргување со оружје или распрскувачки материи“ казниво по чл.396 од Кривичниот законик. По целосно документирање на случајот ќе биде поднесен соодветен поднесок.

Маж со прострелна рана во главата пронајден во Маџари

Дарко Андоновски — Sat, 04 Jan 2020 14:37:54 +0000

Денеска претпладне МВР добило дојава дека под трибините на стадионот „Борис Трајковски“ во населбата Маџари било пронајкдено починато лице. Станува збор за лицето А.Ц. (34) вработен во агенција за обезбедување МДН. Пронајдениот има прострелна рана во пределот на главата, смртта е констатирана од страна на доктор од Итната медицинска помош. На самото место била пронајдена рамка од пиштол, празна футрола од пиштол и ранец. А.Ц. вчера 20:10 часот излегол да оди на работа кога и последен пат е виден од фамилијата.

Скопјанец пронајден мртов со прострелна рана во глава

Ивона Петрова — Mon, 15 Jan 2018 09:49:25 +0000

Шеесет и две годишниот Ж.М. од Скопје бил пронајден мртов во својот дом ул. „Иван Наумов Алабакот“.

Случајот го пријавил неговиот внук Љ.П. вчера утрото кој го пронашол својот дедо мртов со прострелна рана од огнено оружје во главата.

-Од страна на лекар од Итна медицинска помош била констатирана смрт, а увид на местото на настанот извршила екипа од СВР Скопје, информираат од полицијата.

По наредба на Јавен обвинител, над телото на починатиот ќе биде извршена обдукција.