протеин – Kurir.mk

Колку јајца може да јадеме дневно: Дали му штети на организмот ако ПРЕТЕРАМЕ – одговор дава експерт

Ристе Здравков — Fri, 15 Sep 2023 13:17:31 +0000

Кога станува збор за хранливата вредност, јајцата се едни од најмоќните намирници што можеме да ги внесеме во нашиот организам. „Заедно со млекото, јајцата содржат највисока биолошка вредност или златен стандард на протеини“, напиша Кетлин М. Зелман, регистрирана диететичарка и директорка за исхрана за WebMD, на нејзината корпоративна веб-страница. Според неа, едно јајце има само 75 калории, но затоа има 7 грама висококвалитетни протеини, 5 грама масти и 1,6 грама заситени масти, заедно со железо, витамини, минерали и каротеноиди. И не само тоа, туку, како што наведува Кетлин М. Зелман, јајцата се лесни за конзумирање, добро ги поднесуваат и младите и старите, можеме да ги прилагодиме на секој оброк, а што е многу важно – тие се евтини. Јајцата се навистина суперхрана, но дали може да јадеме премногу од нив и дали во тој случај ќе му наштетат на нашиот организам? Иако „Medical News Today“ наведува дека не постои ограничување на бројот на јајца што човек може да ги изеде, 3 до 5 јајца дневно се сметаат за сосема доволни– советува Кетлин М. Зелман.

5 знаци кои укажуваат на недостаток на протеини во организмот

Ристе Здравков — Wed, 14 Jun 2023 12:35:15 +0000

Протеините се важен дел од нашата исхрана бидејќи играат витална улога во одржување на силата на мускулите, зараснувањето на раните, создавањето нови клетки и обновување на старите. Ако човекот не внесува доволно протеини, можат да се појават одредени симптоми. Најјасниот знак за недостаток на протеини е губење на мускулната маса. Покрај него, може да се појави и зголемен ризик од фрактури на коските. Со оглед на тоа дека фоликулите на косата, кожата и ноктите се состојат од протеински нити, недоволната консумација на протеини може да доведе до слаба и кршлива коса, нокти и кожни проблеми. Во екстремни случаи, отечената и надуена кожа е уште еден симптом на недостаток на протеини, а петтиот симптом е застој во растот кај децата. Недостатокот на протеини е релативно редок во западните земји. Повеќето здрави возрасни лица треба да внесуваат 0,8 грама протеини по 1 килограм телесна тежина. Така на пример, возрасна личност од 60 килограми треба да внесува помеѓу 48 и 60 грама протеини дневно. Најдобри извори на протеини се месото (пилешко, говедско, мисиркино), како и млечните производи. Протеините се содржат и во гравот, целите житарки, јаткастите плодови и семките.

Протеините се важни за мускулите додека старееме: Најмногу ги има во овие намирници

Ристе Здравков — Thu, 14 Jul 2022 13:06:09 +0000

Протеинот е макронутриент одговорен за градење мускули и обезбедување енергија. Количината на протеини што треба да се консумира на дневна основа зависи од полот, возраста и начинот на живот. Според веб-страницата „Health Harvard“, премногу протеини може да бидат штетни. Познато е, имено, дека прекумерното внесување на протеини од животинско потекло може негативно да влијае на работата на бубрезите, а кај некои луѓе може да предизвика таканаречена кралска болест, односно гихт. Насоките за исхрана на Соединетите држави ги препорачуваат дневните количини на протеини за различни возрасни групи. Децата на возраст под четири години треба да консумираат 13 грама, децата од четири до осум години 19 грама, а децата од девет до 13 години 34 грама протеини дневно. Како што стареат луѓето, се зголемува препорачаниот дневен внес на протеини, но треба да се земат предвид и други фактори, како што е полот. Насоките за исхрана за Американците препорачуваат дека жените на возраст над 14 години треба да добиваат во просек 52 грама протеини дневно. Сепак, точната препорака зависи од телесната тежина, наведува „Verywell fit“. Д-р Керол Гринвуд, професорка на Катедрата за нутриционистички науки на Универзитетот во Торонто, сугерира дека повеќето луѓе на возраст над 20 години треба да консумираат помеѓу 60 и 70 грама протеини дневно. Од друга страна, многу фитнес тренери препорачуваат два грама протеини на килограм телесна тежина, особено за луѓето кои се на специјална диета за слабеење и сакаат брзо да ги видат резултатите. Овие препораки се во спротивност со препораките на лекарската фела, па кога се одлучувате за внесување на поголеми количества протеини за сметка на други групи на хранливи материи, дефинитивно треба да се консултирате со вашиот лекар. Протеинот игра клучна улога како што старееме. Имено, како што старееме, храната богата со протеини станува се поважна за одржување на здравјето, пишува „Kaiser health news“. – Иако конзумирањето адекватна количина на протеини нема целосно да го спречи губењето на мускулите поврзано со возраста, избегнувањето на внесување доволно протеини може да биде отежнувачки фактор што предизвикува постарите луѓе побрзо да губат мускули – вели Вејн Кембел, професор по нутриционистичка наука на Универзитетот Пердју во Индија. Лекарите препорачуваат висококвалитетни извори на протеини. На тој список се пилешко, риба, јајца и млечни производи, пишува веб-страницата „WebMd“. Ако сте веган или вегетаријанец и барате опции за протеини кои не доаѓаат од животински извори, размислете за мешунките, јаткастите плодови, семките и интегралните житарки.