протеини – Kurir.mk

Храна што ќе ви даде сила за нов ден: Најдобар појадок пред одење во теретана

Магдалена Андонова — Sat, 08 May 2021 07:56:47 +0000

Еден здрав оброк не може да придонесе за здравјето на организмот, ако остатокот од нашата исхрана е лош. Затоа, целата дневна исхрана мора да биде целосно избалансирана. Оброкот мора да биде два до три часа пред да одите во теретана, а доколку станува збор за ужинка, оброкот може да биде еден час, час и половина пред самиот тренинг. Пред сè, потребно е редовно да јадете храна што ќе ви обезбеди доволно енергија за тренингот да биде ефективен, а која нема да ве остави гладни или преоптоварувачки стомакот. Не плашете се да јадете лесен оброк, богат со сложени јаглехидрати, протеини и здрави масти, два часа пред тренинг. Не го прескокнувајте оброкот после тренинг Многумина мислат дека резултатот ќе дојде побрзо ако не јадат после напорен тренинг. Многу е важно да јадете доволен извор на протеини во период од два часа. Ова се некои од препораките за појадок во раните утрински часови -грчки јогурт, овошје од бобинки и овесни снегулки -пола банана со лажица путер од кикирики -чаша цедео овошје -тврдо варено јајце и тост -палента со фета сирење

Ако сакате чист протеин избегнувајте вакво пилешко месо

Даниел Василев — Mon, 09 Jul 2018 18:05:53 +0000

Во случај да сакате да јадете чист протеин без никакви маснотии треба да обрнете внимание на изгледот на пилешките гради. Ако некогаш сте купувале пилешки гради тогаш сигурно знаете дека некое месо има бели линии на површината. Сега е откриено што точно значат овие црти. Благодарениe на модените фарми, некогаш на пилето од јајцето до вашата чинија му се потребни само 40 дена, токму поради брзиот раст и развој, велат експертите во емисија на британската телевизија Канал 4. Брзината со која пилето се развива предизвикува појава на бели линии на месото, а љубителите на фитнес би требало да ги изгнуваат нив бидејќи овие линии всушност претставуваат вишок на маснотии. -Пилињата премногу брзо се развиваат за да достигнат големина потребна за пазарот, што предизвикува појава на бели линии, откриено е во емисијата. Меѓутоа, дури и со белите линии содржината на мастите во пилешкото месо се уште е пониско од црвеното месо, велат податоците кои беа изнесени во емисијата. Од друга страна, органското месо има минимални линии зашто пилињата растат многу побавно. Меѓутоа, овие пилиња може да се најдат по повисока цена на пазарот.

Колку изнесува вистинската мерка на протеини ако сакате да ослабете?

Даниел Василев — Wed, 23 May 2018 07:25:13 +0000

Експертите веќе одамна форсираат протеини кога е во прашање диета. Ако имате намера да ослабете тогаш тоа е клучно, бидејќи протеините го држат под контрола гладот и даваат подолго чувство на ситост. А колку протеини по оброк е потребно за постигнување на задоволувачките резултати? Диетичарот Лесли Лангевин вели дека 20 до 30 грама протеин е вистинска мерка ако сте на диета. -Ова е препорака за сите, од 19 до 70 години. Во просек на луѓето им е доволно околу 46 грама протеин дневно. Секако, активностите не се исти кај сите поединци, но ова е некоја средна вредност, вели Лангевин. Таа посочува дека токму таа количина организмот може да ја апсорбира.