протеран – Kurir.mk

Заедно со руските дипломати, непожелен во земјава е и руски свештеник

Ристе Здравков — Mon, 18 Sep 2023 05:48:42 +0000

Дали и зошто добил забрана за влез во Македонија шефот на руското црковно предворје во Софија, Васијан Змеев? Одредени медиуми кај нас и во Софија објавуваат дека покрај тројцата руски дипломати од Амбасадата во Скопје, за персона нон грата е прогласен и рускиот свештеник. Но од македонското МНР се уште нема никаква официјална информација и потврда. Според написите, рускиот свештеник тминатата година зачестил со посети во земјава и остварувал средби со претставници на Македонската православна црква. Веста од Скопје предизвика реакции и во Бугарија и тоа во момент кога во Софија тече расправа кој да го назначува шефот на разузнавачките и контраразузнавачките служби. Во моментов тоа е претседателот на државата Румен Радев, но Владата на Кирил Петков и Бојко Борисов сакаат да му ги одземат овие ингеренции. Според пратеникот од партијата на Кирил Петков, Атанас Атанасов бугарското контразузнавање соработува и со Русија и како пример го посочи рускиот свештеник. „Малата Македонија со нејзините служби, не знам колку се ефективни, дознале дека рускиот свештеник кој живее во Софија и служи тука во руската служба во центарот на Софија и се занимава со други работи, се занимава со разузнавање во Македонија и го протерале од таму, а тој пет години живее во Бугарија. Го прашувам јас бугарското контраразузнавање, зарем не им е срам од тоа што тој, кој живее тука и во Бугарија развива разузнавачка дејност, го протераа од Македонија, а тој тука живее комфорно“, изјави Атанас Атанасов, претседател на Демократи за силна Бугарија во интервју за БНТ. Од МПЦ велат дека прво за ова треба да расправа Синодот, па потоа ќе излезат со реакција во јавност.

Заменик-амбасадорот на САД протеран од Русија

Тале Кристо — Thu, 17 Feb 2022 14:46:00 +0000

Русија го протера заменик-шефот на мисијата на СAД во Москва во ек на билатерални тензии поради украинската криза. Амбасадата на САД вети соодветен одговор на протерувањето на Барт Горман. Горман беше вршител на должност во мисијата на САД во Москва по оставката во 2019 година на Џон Хантсман именуван од поранешниот претседател Доналд Трамп. Горман продолжи како заменик-шеф на мисијата по назначувањето на амбасадорот Џон Саливан во 2020 година.

Унгарија и возвраќа на Украина, го протерува нејзиниот конзул

Ристе Здравков — Thu, 04 Oct 2018 11:16:42 +0000

Унгарија ќе го протера украинскиот конзул како одговор на протерувањето на унгарскиот конзул од Украина, изјави унгарскиот министер за надворешни работи Петер Сијарто. Претходно, украинското Министерство за надворешни работи го прогласи унгарскиот конзул во градот Берегово за „персона нон грата“ и му даде рок од 72 часа да ја напушти земјата. - Се надеваме дека унгарската страна во иднина ќе се воздржи од непријателски чекори кон Украина и нејзините официјални претставници нема да ги кршат украинските закони, се наведува во соопштението на Министерството. Украина е незадоволна бидејќи Унгарија издава свои пасоши на припадници на унгарската заедница во таа земја.

Украина го протерува унгарскиот конзул

Ристе Здравков — Thu, 04 Oct 2018 10:29:14 +0000

Украинското Министерство за надворешни работи го прогласи унгарскиот конзул во градот Берегово за „персона нон грата“ и му даде рок од 72 часа да ја напушти земјата. - Се надеваме дека унгарската страна во иднина ќе се воздржи од непријателски чекори кон Украина и нејзините официјални претставници нема да ги кршат украинските законо, се наведува во соопштението на Министерството. Украина е незадоволна бидејќи Унгарија издава свои пасоши на припадници на унгарската заедница во таа земја.