протерани – Kurir.mk

Повеќе од 200.000 авганистански бегалци протерани од Пакистан

Тале Кристо — Sat, 04 Nov 2023 12:45:17 +0000

Повеќе од 200.000 авганистански бегалци досега се протерани од Пакистан како дел од напорите за справување со илегалните имигранти, соопшти денеска Министерството за внатрешни работи на Пакистан. „Повеќе од 200.000 авганистански бегалци досега се вратени во нивната татковина“, рече министерот за внатрешни работи сенаторот Сарфраз Бугти. Бугти рече дека процесот на репатријација се одвива без проблеми на сите премини во провинциите што граничат со Авганистан. Во изминатите неколку недели, повеќе од 160.000 бегалци ја минаа границата од северозападната провинција Хајбер Пахтунхва, а повеќе од 50.000 ја напуштија земјата од југозападната провинција Балуџистан. Според владините податоци, во Пакистан живеат приближно 4,4 милиони авганистански бегалци, од кои 1,7 милиони немаат валидни документи. Минатиот месец Пакистан објави масовни депортации на авганистански бегалци без документи или илегални бегалци кои живеат во земјата, што наиде на критики од западните влади и глобалните групи за човекови права.

Финска ќе протера девет руски дипломати заради шпионажа

Дарко Андоновски — Wed, 07 Jun 2023 07:00:40 +0000

Финските власти денеска соопштија дека ќе протераат девет руски дипломати од Хелсинки поради нивните „разузнавачки активности“. „Финска ќе протера девет лица од руската амбасада, кои работеле во разузнавачката служба“, се наведува во соопштението по средбата меѓу претседателот Саули Нииниста и министерскиот Комитет за надворешна и безбедносна политика. Во соопштението се додава дека одлуката за протерување е донесена врз основа на проценка на финската безбедносна разузнавачка служба. Односите меѓу двата соседа се влошија по почетокот на руската инвазија на Украина.

Норвешка протерува 15 руски разузнавачи со дипломатски статус

Дарко Андоновски — Tue, 18 Apr 2023 13:01:17 +0000

Норвешка протерува 15 вработени во руската амбасада во Осло, обвинувајќи ги дека се „разузнавачи кои дејствуваат под закрила на дипломатски позиции“. Норвешкото Министерство за надворешни работи соопшти дека руските функционери мора што поскоро да ја напуштат земјата. Британските меидуми наведуваат дека ваквата одлука претставува одговор на норвешката Влада на промената на безбедносната ситуација во Европа, што доведе до „зголемување на руските разузнавачки закани“. „Ова е важен чекор во спротивставувањето и намалувањето на нивото на руските разузнавачки активности во Норвешка, а со тоа и во заштитата на нашите национални интереси“, се вели во соопштението на шефот на норвешката дипломатија, Аникен Хајтфелд. Норвешка е членка на НАТО и дели граница со Русија на Арктикот.

Јапонија протерува осум руски дипломати

Дарко Андоновски — Fri, 08 Apr 2022 09:27:17 +0000

Јапонија денеска соопшти дека протерува осум руски дипломати и други функционери поради смртта на цивили во Украина, опишувајќи го притоа како „апсолутно неприфатливо“ руското кршење на меѓународното право. „Како резултат на целосната проценка направена од нашата земја, побаравме протерување на осум дипломати од руската амбасада во Јапонија и претставници на трговското претставништво на Руската Федерација“, изјави портпаролката на јапонското Министерство за надворешни работи, Хикарико Оно. Многу држави изминатите денови соопштија дека протеруваат руски дипломати, главно наведувајќи ги како причина извештаите за злосторства извршени од руските сили врз цивили во Украина.

ЕУ протерува 19 руски дипломати од Брисел

Тале Кристо — Tue, 05 Apr 2022 18:27:54 +0000

Европската унија прогласи 19 вработени во Постојаната мисија на Русија во Унијата за „персона нон грата“. Тоа се наведува во соопштението на службата за надворешна политика на ЕУ, објавено денеска во Брисел. – Врз основа на одлуката на високиот претставник на ЕУ за надворешна политика и безбедност Жозеп Борел, 19 службеници на Постојаната мисија на Руската Федерација во ЕУ во Брисел се прогласени за персона нон грата за вршење активности спротивни на нивниот дипломатски статус, се вели во соопштението. Во изминатите 48 часа, вкупниот број на протерани руски дипломати од ЕУ достигна речиси 200 лица.

Четворица кубанци протерани од државава поради илегално преминување границата

Тале Кристо — Sun, 19 Sep 2021 10:27:55 +0000

На четворица Кубанци им се издадени решенија за протерување на странец и забрана за влез во државата поради илегално преминување на границата од Република Србија кон Република Македонија, информира Министерството за внатрешни работи. – Вчера во 19:10 часот од полициски службеници од Регионалниот центар за Гранични работи Југ-Кавадарци биле приведени К.Р.Д.(26), П.С.Ј.(43), Р.В.Б.(33) и малолетник, сите од Куба. Тие во патните исправи немале евидентирано влез во државата и изјавиле дека истиот ден илегално ја преминале границата од Република Србија кон Република Македонија. Нив им се издадени решенија за протерување на странец и забрана за влез во државата, наведуваат од МВР.