протестен собир – Kurir.mk

Над 100 приведени во Атина поради забраната за собири на годишнината од убиството на Григоропулос

Магдалена Андонова — Sun, 06 Dec 2020 15:47:00 +0000

Над 100 лица денеска се приведени во Атина, во повеќе одделни случаи, поради забраната за секаков вид собири на четири или повеќе лица на одбележувањето на 12-годишнината од убиството на тинејџерот Алексис Григоропулос, јави дописничката на МИА од Атина. Полициското присуство беше оромно во грчката метропола, особено во населбата Ексархија, каде што во 2008 година беше убиено тогаш 15-годишното момче од страна на полицаец. При секаков обид за собир, полицијата експресно интервенираше, а во еден случај, употреби и шок бомба, бркајќи неколкумина демонстранти кои претходно се обидоа со платнен транспарент да протестираат, а потоа побараа засолниште во една од околните згради. Пристапот до местото каде што беше убиен Григорпулос е забранет за сите, дури и за новинарските екипи. Членови на организации и здруженија, кои се обидоа, мирно да пристигнат до местото и да остават цвеќе, наидоа на полициски блокади, а веднаш потоа беа и приведени. Грчката полиција вчера соопшти дека „поради апсолутната потреба за справување со сериозната опасност по јавното здравје и во рамките на вонредните мерки за справување со ширењето на Ковид-19“, од пет часот утрово, за да се избегнат традиционалните масовни протести, забранети се собири на четири или повеќе лица, а за прекршувачите се предвидени казни од 300 до 5.000 евра. Паралелно освен забраната, Атина е под строги безбедносни мерки, со затворени десет метро станици, ангажирани над 4.000 полицајци, дронови, хеликоптери и цистерни со вода за растерување демонстранти. Секоја година, на 6 декември во Атина, но и во други грчки градови, се одржуваат масовни протести во чест на Григоропулос и против полициското насилство, со оглед на тоа дека во 2008 година, момчето беше смртно застрелано од полицаец, но оваа година, поради карантинот изостанаа собирите. (МИА)

ВМРО-ДПМНЕ: Ги повикуваме граѓаните од Струмица и регионот да ни се придружат и заедно да ја поразиме оваа ненародна власт

Дарко Андоновски — Sun, 08 Jul 2018 09:14:53 +0000

Протестниот марш е дел од најавеното жешко лето на ВМРО-ДПМНЕ. Струмица е местото од каде потекнува актуелниот премиер Зоран Заев. Праксата на лошо владеење овде трае 13 години. Сега пресликана од локално на национално ниво. Тој политикантски модел се води од лични и партиски интереси. Неуспешните преговори и потпишаниот договор резултираа со катастрофа на националните интереси. Премиерот лично ја води реформата на правосудниот систем додека во Република македонија се крши Уставот, се донесуват порачани судски одлуки партиски мотивиран прогон. Видовме какви интриги користат органите задолжени да обезбедат ред и поредок. Немањето идеа како да се управува економијата го води стопанството кон крах, ова пред почетокот на протестот денеска во Стримица го истакнаа од ВМРО-ДПМНЕ.

Од партијата додаваат дека на сите одржани средби граѓаните од регионов го изразуваат незадоволството и очајот. -Ги бараат ветените 500 евра плата, ги нема ниту ветените 100.000 плата на лекарите младите се иселуват од земјава, додека нашиот регион директно е загрозен од неспособната политика за земјоделието. Затоа ги повикуваме граѓаните од Струмица и регионот да ни се придружат и заедно да ја поразиме оваа ненародна власт, додаваат од ВМРО-ДПМНЕ.

ВМРО-ДПМНЕ ОК Битола ги повика сите битолчани на историски протестен собир пред владата

Дарко Андоновски — Fri, 01 Jun 2018 11:05:07 +0000

Ве повикувамсите заедно утре на 2-ри Јуни во Скопје пред влада, да излеземе на мирен, но историски важен протестен собир, ова преку денешно соопштение го истакнаа од ОК на ВМРО-ДПМНЕ Битола. -Ве повикувам сите Вас во чии што вени тече македонштината за да застанеме во одбрана на истата. Ве повикувам заради одбрана на минатото кое што со крв го чуваа нашите предци. Ве повикувам да го одбраниме достоинството на нашата држава за да можеме и ние достоинствено да ја оставиме во аманет на нашите поколенија. Ве повикувам да не останеме неми пред уривањето на нашата света земја што ја разнебитуваат во сите сегменти од нашиот живот и со заеднички сили и многубројност да упатиме силна и јасна порака дека Македонија е таа што сите нас не обединува. Ве повикувам Вас младите заради вашата несигурна иднина и заради вашите изневерени надежи и ветувања. Ве повикувам Вас лекарите и медицинскиот персонал заради лагата за 100 000 денари плата како и заради стопирање на сите капитални проекти во здравството. Ве повикувам Вас професорите и јавната администрација заради најголемата лага што ви ја пласира Зоран Заев пред изборите – петстотини евра плата, потенцираат од партијата. Од ВМРО-ДПМНЕ ОК Битола ги покануваат градежниците заради тоа што кланот Заеви ги запре сите градежни проекти и не дозволи реализација на капиталните градежни инвестиции. -Ве повикувам Вас мои соседи и драги пријатели затоа што секое семејство заради јавниот долг на државата е задолжено со 10 200 евра. Ве повикувам и Вас земјоделците заради што некој повторно нема слух за вашата мака и намалените субвенции за 11%. Ве повикувам затоа што економијата е во колапс, а државата на колена. Ве повикувам, Затоа што секој живот - вреди. Затоа што секој човек - вреди. Затоа што за Македонија - вреди. Македонија ќе победи и мора да победи!, стои во денешното соопштение од ВМРО-ДПМНЕ ОК Битола.