протестна нота – Kurir.mk

Бугарското МНР му врачи протестна нота на македонскиот в.д. амбасадор во Софија

Ристе Здравков — Sat, 04 Jun 2022 18:01:41 +0000

Министерството за надворешни работи на Република Бугарија му врачи протестна нота на македонскиот в.д. амбасадор во Софија Владимир Крстевски по повод палењето на влезот на Центарот за култура „Иван Михаилов“ во Битола. Како што јави дописникот на МИА од Софија, на вонреден состанок, заменик-министерот за надворешни работи на Бугарија Велислава Петрова изрази загриженост до в.д. амбасадорот на Северна Македонија Крстевски и најостро го осуди чинот извршен од непознати лица, поради што е нанесена материјална штета на објектот. Беше истакнато дека ваквите вандалски акти не само што се израз на национална омраза и нетолеранција кон активностите на невладините организации како важен дел од граѓанското општество, туку се и во сериозен судир со демократските вредности и принципи на современиот цивилизиран европско општество.систем. -Знак за демонстративното и неиспровоцирано криминално дело на сторителите на подметнувањето пожар е и тоа што пред само неколку недели на отворањето на осквернавената зграда на Центарот за култура присуствуваа официјални лица од Бугарија, се наведува во протестната нота. Софија е убедена дека „срамниот настан во Битола не придонесува за развој на пријателството, добрососедството и соработката и е во спротивност со напорите на владите на двете земји да го најдат вистинскиот пат за европска интеграција на Република Северна Македонија.

Бугарската Амбасада со протестна нота до МНР, македонските власти не дозволија влез на бугарски книги со пропаганден материјал

Тале Кристо — Sun, 28 Mar 2021 10:02:36 +0000

Бугарската Амбасада во Скопје испратила протестна нота до Министерството за надворешни работи на Македонија, поради, како што соопшти бугарското МНР, одлуката на царинските власти на граничниот премин „Деве Баир“ да не дозволат влез во земјава на 920 книги за Бугарскиот културно-информативен центар во земјава. Како што јави дописникот на МИА од Софија, книгите со наслов „Бугарски народни песни од Браќата Миладинови“ биле пренесувани од бугарскиот државјанин Виктор Стојанов, кој, според бугарското МНР, покажал договор за донација, со којшто книгите требале да бидат доставени до културниот центар. Како што се наведува во соопштението на бугарското МНР, и покрај присуството на конзул од амбасадата во Скопје на граничниот премин, царинските власти изјавиле дека е неопходна дозвола од МНР на Македонија, во согласност и со Министерството за култура на Македонија. Со нотата Амбасадата на Бугарија во Скопје бара објаснувања зошто се бара дозвола за влез на литература од земја-членка на ЕУ, и тврдат дека такво нешто не е регулирано никаде и е апсурдно да се случува во 2021 година во држава која сака да се присоедини кон ЕУ. Оттаму, додава дописникот на МИА во Софија, навдуваат и дека за ова ќе бидат запознаени и Европската комисија и амбасадите на државите членки во Скопје. Македонското Министерство за надворешни работи се уште не се огласи за упатената протестна нота од страна на бугарската Амбасада.

Украинското МНР со протестна нота за Русија

Дарко Андоновски — Thu, 29 Nov 2018 08:12:56 +0000

Украинското Министерство за надворешни работи денеска упати протестна нота до Москва поради, како што се наведува, незаконските акции против морнарите од украинската морнарица, соопшти синоќа прес службата на Министерството. Станува збор за 24 членови на екипажот од три брода на украинската морнарица кои, според Москва, ги прекршиле прописите за минување преку Керченскиот Теснец, по што беа уапсени. Ним им е одреден притвор од два месеца поради сомненение дека илегално ја минале руската граница. Ако бидат прогласени за виновни, им се заканува затворска казна од шест години. Украинското МНР наведе дека Киев одлучно бара Русија „веднаш да ги ослободи украинските државјани и да овозможи нивно безбедно враќање во татковината“.