против комарци – Kurir.mk

Од сабота четврта фаза на прскање против комарци во Скопје

Магдалена Андонова — Wed, 12 Aug 2020 11:53:07 +0000

Авионската дезинсекција (четврта фаза) на подрачјето на градот Скопје, против возрасни форми на комарци, ќе се реализира на 15 и 16 август 2020 (сабота и недела), во раните утрински часови, соопшти Град Скопје. Терестичната дезинсекција (четврта фаза) на подрачјето на градот Скопје, против возрасни форми на комарци, како што посочија од Градот, ќе започне на 17 август 2020 (понеделник) и ќе заврши најдоцна до 21 август 2020 (петок), во период од 21 до 03 часот, наредниот ден. Терестичната дезинсекција (четврта фаза) на подрачјето на градот Скопје, против ларви од комарци, ќе се реализира на 19 август 2020 (среда), во текот на денот. – Доколку временските услови не го дозволуваат вршењето на дезинсекцијата, таа ќе се изврши во истиот термин првиот нареден ден, кога временските услови ќе бидат поволни. Се известуваат пчеларите навремено да ги преземат потребните мерки за заштита на пчелите, се вели во соопштението. (МИА)

Второ прскање против комарци во гевгелиско

Магдалена Андонова — Mon, 27 Jul 2020 10:00:13 +0000

На територијата на Општина Гевгелија вечер, од 20 часот до 2 часот по полноќ, ќе се изврши второто теренско прскање против возрасни комарци. Во останатите девет општини на Југоисточниот плански регион, прскањето против комарци беше извршено на 22 и 23 јули, а само во Општина Гевгелија беше пролонгирано за денеска, од причина што фирмата концесионер немала доволно време во тие два дена комплетно да го заврши прскањето во сите 10 општини на југоистокот од земјата. – По претходно извршените две ларвицидни прскања, во Општина Гевгелија вечерашново ќе биде второ тереистично третирање против возрасни комарци по што, според предвиденото, до крајот на годината ќе треба да се изврши само уште едно прскање против комарци, велат од општината. Од Општина Гевгелија до пчеларите упатија апел да ги преземат сите мерки за заштита на пчелните семејства и да ги затворат пчелите во времето предвидено за прскање против комарците. (МИА)

Во сабота второ авионско прскање против комарци во Кавадарци

Магдалена Андонова — Thu, 23 Jul 2020 12:26:58 +0000

Во сабота ќе се спроведе второ авионско прскање против комарци во Кавадарци за оваа година. Од локалната самоуправа денеска информираа дека прскањето ќе се реализира од 5 до 7 часот на територијата на општината. Со третирањето ќе биде опфатено течението на реката Луда Мара од селото Марена, преку целото градско подрачје, до излезот на селото Ваташа. – Се известуваат сите граѓани, како и пчелари дека во периодот на третирање и 3-4 часа потоа да ги затворат кошниците – сандаците со пчели, поради можноста од влијание на средството со кое се врши третирањето врз безбедноста на пчелните семејства, соопштија од локалната самоуправа. Информираат дека во случај на врнежи, прскањето ќе биде одложено за наредниот ден. (МИА)