противници – Kurir.mk

ЖФК Љуботен ги дозна противниците во Лигата на шампиони

Тале Кристо — Fri, 30 Jun 2023 14:30:18 +0000

Со жрепка попладнево во седиштето на УЕФА во Нион е одреден составот на групите за воведното квалификациско коло во Лигата на шампиони во женска конкуренција во кое втора сезона по ред ќе учествува македонскиот првак ЖФК Љуботен. Жрепката одлучи македонскиот првак да биде дел од групата 3 заедно со Мура од Словенија, кипарски Аполон и грузиски Самегрело. in Квалификацискиот турнир ќе се игра во Словенија, а противник на Љуботен во полуфиналето ќе биде Аполон. Полуфиналните натпревари ќе се играат на 6 септември, додека дуелите за првото и третото место на 9 септември. Пласман во втората рунда ќе обезбедат првопласираните екипи од 15 квалификациски групи. Второто квалификациско коло, кое ќе се игра според системот дома – гости, е на програмата на 10/11 и 18/19 октомври, а победниците ќе обезбедат пласман во групната фаза која стартува на средината на ноември.

Македонската фудбалска репрезентација до 21 година ги доби противниците во квалификациите за ЕП

Тале Кристо — Thu, 28 Jan 2021 13:19:33 +0000

Македонската репрезентација до 21 година ги доби противниците во квалификациите за Европското фудбалско првенство 2023 кое ќе се игра во Романија и Грузија.

Избраниците на селекторот Благоја Милевски ќе играат во групата Х со Франција, Србија, Украина, Фарски Острови и Ерменија.

Составот на другите групи е:

Група А: Хрватска, Австрија, Норвешка, Финска, Азербејџан, Естонија.

Група Б: Германија, Полска, Израел, Унгарија, Летонија, Сан Марино.

Група Ц: Шпанија, Русија, Словачка, Северна Ирска, Литванија, Малта.

Група Д: Португалија, Грција, Исланд, Белорусија, Кипар, Лихтенштајн.

Група Е: Холандија, Швајцарија, Бугарија, Велс, Молдавија, Гибралтар.

Група Ф: Италија, Шведска, Ирска, БиХ, Црна Гора, Луксембург.

Група Г: Англија, Чешка, Словенија, Албанија, Косово, Андора.

Група И: Данска, Белгија, Турција, Шкотска, Казахстан.

На ЕП 2023 ќе патуваат вкупно 14 селекции, плус домаќините Грузија и Романија.

Познати имињата на пет противници на Фјури за декември, Вајлдер не е меѓу нив

Тале Кристо — Wed, 14 Oct 2020 18:20:17 +0000

Тајсон Фјури ќе се бори првиот викенд во декември, но негов противник нема да биде Американецот Дионтеј Вајлдер. Веста ја потврди американскиот промотор на Фјури, Боб Арум, кој рече дека Вајлдер не успеал да активира клаузула во договорот за реванш против британскиот боксер. Како резултат, Фјури е принуден да најде нов противник во борбата за одбрана на титулата ВБЦ, а Арум има пет можни предизвикувачи на својата листа. Прв на списокот е 28-годишниот Германец Агит Кабајел кој има 20 победи и моментално е без пораз во својата професионална кариера. Совршен скор има и Ефе Ајагбу, 26-годишен Нигериец кој го држи 23-то место меѓу најдобрите тешкаши во светот според „BoxRec“. Следен на списокот е Оскар Ривас, 13-тиот боксер во гореспоменатата ранг-листа со скор од 26 победи и еден пораз. Сепак, тој не се борел од јули минатата година. Мајкл Хантер, седмиот тешкаш во светот според BoxRecсо сооднос од 18 победи и еден пораз , исто така ја имаше последната борба минатата година. Тој ремизираше со Александар Поветкин во декември 2019. Последен на списокот на можни противници на Фјури е Чарлс Мартин, поранешен светски шампион и 14-ти на скалата на „BoxRec“ со 28 победи, два порази и едно реми. Доколку го добие мечот на почетокот на декември, Фјури следната година ќе се бори против Ентони Џошуа.

Нови правила во Премиер лигата: Црвен картон ако играчот кашла кон противникот

Магдалена Андонова — Mon, 03 Aug 2020 12:20:08 +0000

Раководството на англиската Премиер лига објави нови упатства за судиите. Сега делителите на правдата можат да покажат жолти, па дури и црвени картони на играчи кои намерно кашлаат кон против противниците, објави „Sky Sports“. Вакви драстични мерки се преземени во насока на борбата на земјата против ширењето на епидемијата на коронавирус. Новата сезона во најквалитетната фудбалска лига на Англија треба да стартува во септември.(МИА)с

Македонските боксери ги добија противниците за олимписките квалификации

Тале Кристо — Sat, 14 Mar 2020 15:25:58 +0000

Македонските репрезентативци во бокс ги добија противниците во квалификациите за ЛОИ во Токио,. Прв на рингот во Лондон ќе излезе Јасин Љама кој за противник го доби Александрос Цаникидис од Грција. Во категоријата на Љама, 63 килограми има вкупно 28 боксери, неговата борба со Цаникидис е на програмата утре. Гоце Јанески во категоријата до 75 килограми за противник го доби Етерна Квадрадо од Шпанија. Јанески на рингот излегува задутре (16 март). Во категоријата на Јанески има пријавено вкупно 34 боксери. Квалификацискиот турнир во Лондон е прв од двата предвидени за обезбедување Олимписка норма за игрите во Токио 2020 година.

Пет можни противници за Шкендија за стартот на квалификациите во ЛШ

Дарко Андоновски — Mon, 18 Jun 2018 14:05:10 +0000

Актуелниот македонски шампион Шкендија, утре ќе го дознае противникот за почетокот од квалификациите во Лигата на шампионите. УЕФА во пресрет на жрепката денеска ги скрати листите на потенцијални противници и тетовскиот клуб за ривал ќе добие еден од следните тимови: АПОЕЛ (Кипар), Шериф (Молдавија), Њу Сејнтс (Велс), Карабах (Азербејџан) и Видеотон (Унгарија). Ждрепката ќе се одржи утре во 12 часот во Нион.

Македонија ги доби противниците за квалификациите за ЕП 2020

Дарко Андоновски — Thu, 12 Apr 2018 19:23:50 +0000

Македонската ракометна репрезентација ги доби противниците за квалификациите за Европското првенство 2020. „Црвено-жолтите“ се најдоа во групата 3 каде ќе играат со Исланд, Турција и Грција. Квалификациите почнуваат во октомври 2018 година. Првото и второто место во групата носат пласман на Европското. Европското првенство ќе се игра во три земји, Норвешка, Шведска и Австрија. На него ќе учествуваат 24 земји, а директен пласман обезбедија европскиот првак Шпанија и земјите домаќини, Шведска, Норвешка и Австрија. Еве ги и групите: ГРУПА 1: Германија, Полска, Израел, Косово ГРУПА 2: Хрватска, Србија, Швајцарија, Белгија ГРУПА 3: Македонија, Исланд, Турција, Грција ГРУПА 4: Словенија, Холандија, Летонија, Естонија ГРУПА 5: Белорусија, Чешка, БиХ, Финска ГРУПА 6: Франција, Португалија, Литванија, Романија ГРУПА 7: Унгарија, Русија, Словачка, Италија ГРУПА 8: Данска, Црна Гора, Украина, Фарски Острови.