Во противпожарната станица во Автокоманда денеска беше одбележан 20 Мај – Денот на македонските пожарникари

Магдалена Андонова — Fri, 20 May 2022 13:18:40 +0000

Свеченоста почна со постројување на скопските пожарникари, а командантот на Противпожарната бригада на Град Скопје, Звонко Томевски, поднесе рапорт на градоначалничката Данела Арсовска. Градоначалничката Арсовска им се заблагодари на скопските пожарникари за посветеноста и пожртвуваноста што ја покажуваат вршејќи ја оваа благородна професија. - Почитувани пожарникари од Бригадата за противпожарна заштита на Град Скопје, вашата професија е одраз на посветеност и пожртвуваност, битка на тимот против еден заеднички непријател - огнот. Секоја професија има своја специфичност, но во пожарникарството се обединуваат храброста, пожртвуваноста, хуманоста, одговорноста, професионалноста. Вашата професија една од оние чие постоење влева сигурност и спокој во нашиот град. Вашето знаење, макотрпна работа, стекнатото искуство во справување со предизвиците со кои се соочувате секојдневно, мора да бидат почитувани и наградувани, изјави Арсовска. Арсовска истакна дека нејзините заложби се обезбедување подобри и побезбедни услови за работата на сите пожарникари, како и континуирано вложување во човечкиот капитал. - Противпожарната Бригада на Град Скопје е професионална служба, а пожарникарите храбри луѓе, кои честопати изложувајќи се на опасни и тешки задачи, го ставаат животот и безбедноста на граѓаните, пред сопствениот. Тоа ве прави херои на градот. Граѓаните на Скопје можат да се гордеат со противпожарната бригада, рече Арсовска. Командантот на противпожарната бригада, Звонко Томевски изрази благодарност за поддршката и разбирањето кое го имаат од Градоначалничката на Град Скопје и градската администрација, што влева надеж дека противпожарната служба како есенцијална услуга во модерните општества ќе го добие заслуженото место како модерна единица со која ќе се гордеат сите и би се постигнала главната цел - зголемена безбедност на граѓаните на Скопје. На одбележувањето присуствуваа претставници на дипломатскиот кор, градоначалници, советници, претставници на државните институции и голем број гости.

Георгиевски во општина Илинден најави изградба на противпожарна станица

Магдалена Андонова — Tue, 12 Oct 2021 07:38:19 +0000

Безбедноста на живеењето на жителите на Општина Илинден, како за нивната безбедност, така и за безбедноста на нивните добра и имоти е еден од врвните приоритети во програмата на кандидатот за градоначалник на ВМРО-ДПМНЕ и коалицијата „Обнова на Македонија“ за Општина Илинден, Александар Георгиевски. Во изборната програма опфатени се поголем број на проекти од повеќе области на безбедноста на граѓаните, како што се: - Зголемување на безбедноста во сообраќајот, преку изградба на нови безбедни сообраќајни решенија, како и поставување на посовремена сообраќајна сигнализација за поголема безбедност на учесниците во сообраќајот - Зголемување на безбедноста за велосипедистите и пешаците преку изградба на нови, безбедни пешачки и велосипедски патеки, како и пешачки надвозници на повеќе локации - Реализација на проектот „Илинден - Светла општина“ со кои ќе се прошири и модернизира уличното осветлување, со поставување на нови линии на улиците во сите населени места, поставување на електрични столбови, зголемување на бројот на електрични светилки и тековно одржување на јавното осветлување, појаснув Георгиевски. Тој посочи дека сепак, најважен проект од областа на безбедноста во изборната програма е тој за отворање на Противпожарна станица во Илинден. - Досега, за сите пожари на територијата на општината интервенираат возила од Противпожарната станица во Автокоманда. Со цел подобрување на ефикасноста на Противпожарната бригада, пред се во насока на побрза можност за интервенирање при пожари, предвидено е отворање на нова станица во централното подрачје на општината. Противпожарната станица ќе содржи целосна опрема за заштита и гаснење на подрачјето на општината и пошироко. Истата ќе има едно комплетно одделение, со целосна опрема за гаснење на пожар, додава кандидатот за градоначалник.

противпожарна станица – Kurir.mk

Во противпожарната станица во Автокоманда денеска беше одбележан 20 Мај – Денот на македонските пожарникари

Георгиевски во општина Илинден најави изградба на противпожарна станица