протоколи – Kurir.mk

Нови протоколи за справување со кибер заканите, МВР ќе известува ако има реална закана

Тале Кристо — Tue, 07 Mar 2023 06:43:53 +0000

Во сила се нови упатства, мерки и планови за справување со кибер заканите, според кои по проценка на ризик ќе се преземаат мерки, но без да се нарушува образовниот процес во училиштата. Се преземаат истражни дејствија за секоја дојава што пристигнува, а веќе има сознанија дека дел од нив потекнуваат од земјава, но и од ВПН адреси во Русија и Иран. Како што истакна министерот за внатрешни работи Оливер Спасовски, состојбата е целосно под контрола, а полицијата ќе биде во секое од училиштата, во сите институции. -Сигурноста, безбедноста и спокојот на граѓаните се на прво место. Тој посочи дека е направен оперативен тим од различни институции кои учествуваат со свои експерти и бараат соодветни решенија за да се најде поинаков пристап кон електронските закани, исто така, нагласувајќи дека е донесено ново упатство за постапување и од петокот училиштата функционираат според тоа упатство. Истражните постапки, посочи тој, веќе имаат одредени сознанија за тоа од каде доаѓаат лажните закани. Државниот интерес треба да биде приоритет на сите министри и заменици во оваа техничка Влада и тука нема дилема, истакна техничкиот премиер Оливер Спасовски, кој вечерва пред почетокот на вла -Генерално последните неколку дена според форензиката што се прави во МВР дојавите одат преку ВПН (виртуелни приватни мрежи) адреси, меѓутоа почетните се јавуваат од Иран и Русија. Важно е да се истакне дека тие ВПН адреси се платени преку крипто-валути, што дополнително ја отежнува можноста да се утврди точниот извршител на ова кривично дело. Имаме веќе изолирано во истражната постапка одредени сознанија за луѓе кои тоа го правеле и од територија на Република Северна Македонија. Таа истрага е во напредна фаза и кога за тоа ќе дојде моментот, ќе ја информираме јавноста, изјави Спасовски. Согласно со новите протоколи, Спасовски посочи дека МВР ќе известува доколку има каква било реална закана, додека се останато, како нереални закани со низок степен на веројатност, ќе се пренесуваат до степен, до кој што треба да бидат пренесувани. - Основата на тероризмот е токму сензационалноста. Ако ја сузбиете сензационалноста, го намалувате и нивото на овие закани, рече Спасовски.

Министерката за труд и социјална политика Јованка Тренчевска информира дека веќе се испратени дописи до сите градинки како да се постапува и како да се заштитат децата од какви било дојави за бомби. -Ние постапуваме, не размислуваме. Веќе се испратени дописи до сите градинки како да се постапува и како да се заштитат од какви било дојави. Тоа е направено заедно со Министерството за внатрешни работи и Министерството за труд и социјална работа во делот на градинките како да ги заштитиме и во случај да има дојави како безбедно да излезат децата од објектите, рече Тренчевска, одговарајќи на новинарски прашања по конференцијата „Униформа, оклоп кој значи ранливост - нашата секојдневна борба на два фронта“. Деканот на Факултетот за безбедност Никола Дујовски, во врска со дојавите за бомби во училиштата, кажа дека најважно од се е да се продолжи да се почитуваат насоките што МВР ќе ги дава, за на најдобар можен начин да бидат заштитени граѓаните. -Прво, очекувам за брзо време да има одредени резултати не во поглед на истрагата, тоа си е работа на полицијата и на обвинителството, меѓутоа во поглед на смирување на состојбата кај граѓаните затоа што најважно од се е да продолжиме да ги почитуваме насоките што МВР ќе ги дава на најдобар можен начин да бидат заштитени граѓаните. Доколку успееме да покажеме дека нивото на закана е навистина ниско, учениците, наставниците, родителите ќе бидеме многу посмирени и ќе можеме на многу посоодветен начин да бараме решенија како да се воспостави подобра контрола врз целиот процес затоа што овде не сме сами. Многу земји се загрозени. За жал, во изминативе половина година Македонија навистина е изложена на сериозни закани. Ова е хибридна војна, оцени Дујовски. Одбивањето на францускиот предлог ќе значи ретроградни процеси коишто можат да не оддалечат и повторно да не остават сами. Во таа ситуација членството во НАТО може да помогне, но сигурно нема Во однос на техничкиот дел, Факултетот за безбедност и МВР тесно соработуваат по многу прашања, меѓутоа, вели, овде станува збор за исклучително сензитивна тема во која што треба врвни професионалци во делот на информациските технологии. -Сигурен сум дека со помошта и меѓународна и домашните експерти ќе успееме барем да го контролираме овој процес. Најважно од се е граѓаните да бидат убедени и да бидат спокојни. МВР и досега се покажа дека ги презема сите потребни мерки да не дојде до несакани последици, рече Дујовски. Тој оцени и дека со новите протоколи ќе се олесни работата и на училиштата затоа што, посочи, училишната година се приближува кон крајот, треба да се исполнат одредени услови, меѓутоа и на полициските службеници коишто со ограничени ресурси мора понекогаш во еден ден да направат и 30 безбедносни проверки на 30 различни локации. Од 19 октомври минатата година заклучно со вчера со лажните дојави во земјава биле опфатени повеќе од 520 објекти.

„Потребни се итни протоколи од здравствените власти за новата пандемија со мајмунски сипаници, за да не ни се повтори катастрофата со Ковид-19“

Магдалена Андонова — Sat, 13 Aug 2022 07:59:01 +0000

Здравствениот систем во Македонија е во целосен колапс. Пациенти бегаат од тестирање, а здравствените власти без протоколи за лечење од заразната болест „мајмунски сипаници“ Повторно како и со Ковид-19, здравствените власти доцнат со протоколите и начинот на лечење и изолација со оваа нова пандемија која масовно се шири низ Европа и светот, стои во соопштението на ВМРО-ДПМНЕ. Од партијата прашуваат кој ќе понесеше одговорнот доколку пациентот кои одбиваше да биде тестиран, откако некако го пронајдоа, беше позитивен на оваа зараза? - Дали министерот или пак комисијата ќе одговараа доколку ова лице заразеше свои сограѓани со овие сипаници, бидејќи по кој знае пат ние не сме подготвени за справување со пандемии. Илјадници наши сограѓани починаа од Ковид-19 заради тоа што немавме навреме вакцини, немавме доволен капацитет во болниците за примање на пациенти, но оваа неодговорна власт не ја научи лекцијата од Ковид-19 пандемија. За тоа повторно прашуваме, кога министерот Беким Сали и комисијата за заразни болести ќе донесат протоколи за оваа нова пандемија со „мајмунски сипаници“? Дали повторно треба да ни се случи истото сценарио како со Ковид-19? Властите да престанат да бркаат тендери и да се богатат врз здравјето и животот на граѓаните. Веднаш треба да се преземат итни мерки за да не се повтори како првиот суспектен случај кој за среќа е негативен на оваа болест. Неодговорноста на здравствените власти мора да запре, пред да биде доцна, се додава во партиското соопштение.

Нов ковид-протокол во Серија А

Бошко Тасиќ — Wed, 19 Jan 2022 19:29:11 +0000

Натпреварите од Серија А ќе бидат одложени доколку во тимот има најмалку девет играчи позитивни на Ковид-19. Одлуката ја донесе италијанската влада на заеднички состанок со претставници на спортските и на здравствените власти. Фудбалерите кои се позитивни на коронавирус треба да бидат ставени во карантин, додека нивните лица за контакт не треба да бидат изолирани, туку мора да носат маски ФФП2 и ќе бидат секојдневно тестирани пет дена и ќе можат да играат ако имаат негативен тест четири часа пред почеток на мечот. Локалните здравствени служби ќе имаат право да стават тим во карантин за најмалку 35 проценти од позитивните тестови. Бидејќи тимовите од Серија А можат да регистрираат до 25 играчи, спорната точка беше дали тимовите треба да бидат суспендирани за осум или за девет заболени. На крајот беше постигнат договор за одлжување на меч со деветмина заболени од Ковид-19.

Доктор Даниловски: Доаѓа нов бран на коронавирус во Македонија

Ивана Ефремовски — Thu, 28 Oct 2021 13:36:32 +0000

Доаѓа нов бран во Македонија, зголемените бројки на заразени се почеток на есенско зимски бран, предупредува епидемиологот Драган Даниловски. Според него поради непочитување на здравствените мерки и протоколи на кампањите може дополнително да ја зголеми бројката на заразени. „Доаѓа нов бран во Македонија. Она што се случува со соседните земји ние веќе го поминавме. Ние малку побрзавме во тој летно есенски бран. Ова сега што се случува е почеток на есенско зимски бран. Нивото на имунист на нашето населнеие мислам дека е преку 60 може и 70 остсто. Со заладување на времето сите средби се внатре на затворено. Во предизборнита кампања никој не почитуваше мерки. Сето тоа дополнитело резултира со почеток на нови заболени. Овој експоненцијален раст подразбира постепено забрзување на бројките и тенденција за удвојување на бројките. Во таква една извесност во која сме, мене ми е нејасно зошто при таква закана наместо да останат или да се устрожнат мерките нашиве власти ги реалксираат мерките. Во однос на вакциналните сертификати сметам дека наместо пасоши за вакцинирани, потребни се пасоши за имуност“, вели Даниловски во емисијата на Тв 24.

Кои протоколи ќе важат на избирачките места во Македонија?

Ивана Ефремовски — Mon, 04 Oct 2021 17:26:09 +0000

Во пресрет на локалните избори за тоа кои ќе бидат протоколите на самото избирачко место, како и дали ќе бидат потребни сертификати за извршена вакцинација како на многу други места, денеска во „10 Минути“ на ТВ21 се разговараше со портпаролот на ДИК, Љупка Гугучевска Филипоска. Таа вели дека сертификатите за вакцинација не се предуслов за пристап на гласачите до гласачките места. „Тоа што како здравствен протокол ќе треба сите гласачи ќе треба да го почитуваат е задолжително носење на заштитна маска преку устата и носот, како и дезинфекција на рацете пред влез во самите гласачки места“, посочи Гугучевска Филипоска. Портпаролката на ДИК додаде дека за почитувањето на овие мерки ќе се грижат самите избирачки одбори, односно еден од нив кој ќе биде најблиску до влезот на гласачкото место. Целата нејзина изјава погледнете ја во продолжение:

Психолозите реагираат: Протоколите во училиштата ќе предизвикаат анксиозност, страв, осаменост и нетрпеливост кај децата

Ивана Ефремовски — Fri, 09 Jul 2021 12:57:46 +0000

Новите протоколи што ги предложи Комисијата за заразни болест и ги прифати Министерството за образование (МОН), а кои се однесуваат на физичкото присуство на учениците во училиштата од септември, наидоа на остри реакции кај родителите, кај дел од лекарите, а сега и кај психолозите, пренесе ПлусИнфо. Одржувањето физичка дистанца од 1,5 метри во училниците, ходникот и во двориштето на училиштата, задолжителното носење заштитни маски на лицата, забраната за пуштање на климатизерите и вентилацијата, како и чекањето редици за во тоалет, како што е предвидено според новите протоколи, за психолозите е претерано и контрапродуктивно. Плусинфо разговараше со психологот Ангела Будиноска, која вели дека строгите правила можат кај децата да предизвикаат оттуѓеност, недостиг на социјална и емоционална интелигенција, помалку емпатичност, како и отсуство на препознавање и одговор на сопствените и туѓите емоции. -Да земеме едноставен пример каде што детето не смее да допира предмет кој бил во рацете на друго дете. Тешко, дури и невозможно е да се развие концептот на заедништво и споделување. Притоа, детето е на возраст кога треба да научи да споделува работи со другите. Тоа е вештина која детето треба да ја донесе во светот на возрасните, објаснува Будиноска. Таа предупредува дека целосната насоченост на вниманието кон мерките може да предизвика анксиозност и страв кај учениците. -Со повторното враќање на децата во училишните клупи, треба да се очекува нивна зголемена претпазливост и будност во однос на допирање предмети, физички контакт и миење раце. Сосема е во ред да бидат свесни за протоколите и да се придржуваат мерките. Но, исто така е важно децата да не се фокусирани само на одржувањето физичка дистанца, туку да се опуштат и да не бидат постојано загрижени за сѐ околу нив. Целосната насоченост на вниманието кон мерките може да предизвика анксиозност и страв, посочува Будиноска. Целата вест прочитајте ја на ПлусИнфо.

Не ги почитувале протоколите за работа – затворен угостителски објект во Кичево

Магдалена Андонова — Sun, 28 Feb 2021 12:51:31 +0000

На 27.02.2021 во периодот од 19.00 до 22.00 часот, полициски службеници од ОВР Кичево, во содејство со Државниот пазарен инспекторат, извршиле контрола во повеќе угостителски објекти на подрачјето на ОВР Кичево во врска со почитување на мерките за заштита од ковид-19. При контролата било констатирано дека угостителски објект на ул.„Маршал Тито“ во Кичево не ги почитува протоколите за работа на угостителски објекти и од страна на Државниот пазарен инспекторат објектот бил затворен. По целосно документирање на случајот ќе биде поднесена пријава по член 206 од Кривичниот законик за „непостапување според здравствените прописи за време на епидемија“.

Пановски: Немањето на протоколи не стави на високото седмо место на светската листа по смртност

Магдалена Андонова — Wed, 09 Dec 2020 19:30:53 +0000

Можеби со 400 илјади вакцини може да е добро, ама мислам со 800 илјади би се завршила работата, рече доктор Никола Пановски на гостувањето на емисијата Само вистина што се емитува на телевизија Канал 5. Според него треба да почекае да дојде летото и да помине состојбата, веројатно не целосно, ама од септемри следната година може да стартува се. За претстојните празници тој вели дека сепак ќе треба да се биде само со најблиските без собирања. -Доколку бидеме во овој периоддисциплинирани мислам ќе почне да паѓа број на нови случаи ако остане ист број на тестови, потоа ќе се намалува број на хоспитализирани, починати и така до кај нмарт да се смири кога ќе стартува вакцината, рече Пановски. Според него немање став и протоколи не стави на високот седмо место на светската листа по број на смртност на милион жители.

Промовиран протоколот за заштита од Ковид-19 во судовите

Ивана Ефремовски — Tue, 03 Nov 2020 11:22:08 +0000

Задолжително носење заштитна маска и држење социјална достанца, како и мерење телесна температура на влез во судската зграда, дезинфекција и проветрување на судниците, предвидува Протоколот за спроведување мерки за заштита од Ковид-19 во судовите, што денеска го промовираше Здружението на судии. Протоколот има советодавен карактер и е изработен со техничка и финансиска поддршка на ОБСЕ и ќе биде испечатен и дистрибуиран низ судовите во земјава. Претседателот на Основниот кривичен суд во Скопје Иван Џолев, рече дека овие мерки и досега се применувале, но сега добиваат една поусогласена форма. -Ова претставува едно продолжување и давање форма на се она што судовите го применуваа. Ова е форматирање и допрецизирање и на одлуката на Судскиот совет за функционирање на судовите и во пандемија, изјави Џолев. Целта на овие протоколи, посочи тој, е да се обезбеди здравствена заштита на сите странки и вработените во судовите, како и обезбедување на функционалноста на судот. ретседателот на Здружението на судии Џемали Саити, на промоцијата рече, дека протоколите содржат стандарди за кои се консултирани повеќе институции и се необврзувачки, но дека се добра основа и ќе помогнат во работата на судовите и на граѓаните. -Можеби во блиска иднина и Судскиот совет ќе постапи тука со некоја нивна задолжителна примена, изјави Саити. Услови за спроведување на судењата во Основниот граѓански суд засега има, смета судијката од Основниот граѓански суд Емилија Шопар Јованова. -Засега немало проблем. Судницата е доволно голема да присуствува и странката и јавноста, изјави Емилија Шопар. Изработени се 10 илјади флаери и 900 постери кои ќе бидат распределени низ сите судови во државата. (МИА)

Дополнети протоколите за заштита од коронавирус: Дознајте што е забрането, кои се мерките и препораките

Ивана Ефремовски — Thu, 29 Oct 2020 12:17:32 +0000

Протоколите што ги опфаќаат мерките и препораките за заштита и превенција од КОВИД-19, согласно одлуките на Владата на Република Македонија, се дополнети и ажурирани со последните усвоени измени и дополнувања со кои се регулираат повеќе области. Ажурираните протоколи кои произлегуваат од Планот за намалување и спречување на ширење на коронавирусот можат да се најдат на ОВОЈ ЛИНК