провалија – Kurir.mk

ТРАГЕДИЈА ВО МАКЕДОНСКИ БРОД: Загина работник откако со багер паднал во провалија

Магдалена Андонова — Sat, 16 Jul 2022 14:50:44 +0000

На 15.07.2022 во 11.08 часот било пријавено дека во Македонски Брод, во месноста викана “Долна ричка“, С.С.(65) од Куманово, при изведување градежни работи, односно управувајќи со работна машина “багер“ паднал во провалија и починал на местото на настанот. Од страна на лекар констатирана била смрт. Извршен бил увид од увидна екипа од Полициската станица Македонски Брод. По наредба на Јавен обвинител телото на починатиот е дадено за обдукција.

Најмалку 23 лица загинаа во Пакистан откако автобус падна во провалија

Дарко Андоновски — Wed, 03 Nov 2021 15:39:34 +0000

Најмалку 23 лица загинаа денеска во пакистанскиот дел на Кашмир откако автобус се излизгал од планински пат и паднал во длабока провалија, соопшти полицијата. -Несреќата се случила во областа Пуландри, во хималајската област Кашмир, изјави високиот полициски функционер Фајаз Абаси, пренесен од американските медиуми. Абаси изјави дека неколку повредени патници во несреќата се пренесени во блиската болница. Не е јасно што ја предизвикало несреќата, а полицијата стравува, како што се наведува, дека бројот на загинатите патници може да се зголеми, бидејќи дел од повредените патници се во критична состојба. Сообраќајните несреќи се вообичаени во планинскиот дел на Кашмир и на други места во Пакистан, а тие често се припишуваат на лошо одржуваните возила и патишта, како и на широко распространето непочитување на сообраќајните правила.

ТРАГЕДИЈА ВО МАКЕДОНИЈА: Излетал од патот и завршил во провалија каде загинал на лице место, автомобилот го забележал случаен минувач

Дарко Андоновски — Wed, 21 Apr 2021 07:29:32 +0000

Четириест и четиригодишен жител на селото Арбанашко загинал, откако со возилото излетал од патот и паднал во провалија. Несреќата се случила завчера во периодот помеѓу 23 до 23.30 часот на локалниот пат Арбанашко - Кокино, кога Д.П (44) со своето возило „голф 2“ се движел код градот. Од непознати причини возилото излетало од патот и паднало во провалија. „Вчера во 8 часот случаен минувач го забележал возилото и пријавил во полиција. На терен излегла екипа на Противпожарната единицата во Старо Нагоричане, па откако не успејале да го извадат, побарале помош од пожарникарите од Куманово. Автомобилот морало да се сече за да се извади починатиот“, соопштува Регионалниот центар за управување со кризи (РЦУК). Телото е пренесено во Општата болница Куманово, а се работи на расчистување на причините за несреќата.

Во Етиопија 17 лица загинаа откако автобус падна во провалија

Ивона Петрова — Tue, 15 Jan 2019 07:16:03 +0000

Најмалку 17 лица загинаа, а десетина се повредени во сообраќајна несреќа што се случи во западна Етиопија. Несреќата се случила на пат помеѓу градовите Шамбу и Некемте во етиописката покраина Западна Омонија. Локалните власти соопштија дека автобусот паднал во провалија, откако возачот изгубил контрола над возилото. Во несреќата загинал и возачот и неговиот помошник. Локалните медиуми јавуваат дека меѓу настраданите има и пешаци кои во моментот на несреќата се наоѓале на патот. Според првичните информации, автобусот превезувал поголем број патници од предвидениот капацитет. МИА

Трагедија на патот Градско-Прилеп: Две лица загинаа откако со автомобил излетале во провалија

Ивона Петрова — Mon, 10 Sep 2018 07:56:44 +0000

Две лица ги загубија животите откако синоќа со автомобил „Опел Астра“ излетале од пат во провалија. Несреќата се случила околу 20 минути по полноќ на магистралниот пат Градско-Прилеп. -Патничко возило „Опел Астра“, управувано од О.И.(37) од Прилеп, изгубило контрола, удрило во заштитна ограда од мост и излетало од патот во провалија. Притоа, возачот О.И. и сопатникот Р.М. (56) од Прилеп починале на местото на настанот. Смрт била констатирана од екипа на Итна медицинска помош, информираат од МВР. Увид на местото извршиле Јавен обвинител и екипа од Полициската станица Прилеп За време на увидот, од 00.30 до 05.00 часот сообраќајот се одвивал со наизменично пропуштање на возилата.

Камион се преврте во провалија на патот Градско- Прилеп

Матеја Петровски — Tue, 04 Sep 2018 08:50:46 +0000

Во текот на вчерашнито ден 16:00 часот на патот Градско-Прилеп, С.П.(41) од Република Србија, управувајќи влекач „Сканија“ со полуприколка со српски национални ознаки, излетал од десната страна на коловозот и се превртел во провалија, информираат од МВР. Притоа, со тешки телесни повреди се здобил возачот на возилото, по што со возило на Итна медицинска помош бил пренесен во Општа болница Прилеп, каде по укажаната лекарска помош бил задржан на понатамошно лекување. Како што известуваат од полицијата увид на местото на настанот извршиле Јавен обвинител и екипа од Полициската станица Прилеп.

Маж пронајден мртов во провалија покрај пат во кичевско

Ивона Петрова — Wed, 11 Jul 2018 09:36:54 +0000

Во провалија длабока околу 50 метри на локалниот пат за селото Речани, вчера попладне било пронајдено безживотното тело на 58 годишниот кичевец Г.Џ. Од полицијата информираат дека на патот над провалијата било паркирано неговото патничко моторно возило „Голф“ со кичевски регистерски таблици. -Од страна на Територијална противпожарна единица во Кичево лицето било извлечено и од страна на лекар од Итната медицинска помош констатирана била смрт, информираат од полицијата. Извршен бил увид на местото на настанот и по наредба на Јавен обвинител телото на починатиот било предадено за обдукција.

Двајца мажи повредени по пад во провалија на трим патека во струмичко

Ивона Петрова — Tue, 01 May 2018 06:48:54 +0000

Двајца мажи се повредени по пад во провалија на трим патеката што води од градот кон манастирот „Свети Илија“. Несреќата се случила доцна попладне вчера, а при падот едниот е полесно повреден, а вториот потешко. Според очевидци, првиот по падот успеал да се задржи на едно дрво во провалијата на само 4 метри од патеката, а другиот бил во дол длабок 25 метри. На местото настанот интервенирале две екипи на Противпожарната единица на Струмица, кои успеале да ги извлечат настраданите и да ги транспортираат во болницата во Струмица. Според информации оттаму потешко повредениот е пренесен на лекување во Клиничкиот центар во Скопје. На местото на настанот увид извршиле екипи на СВР Струмица и Основното јавно обвинителство. МИА