провизии – Kurir.mk

Мицкоски: Бркаа провизии на кинески вакцини, наместо да се борат против пандемијата

Тале Кристо — Wed, 18 Aug 2021 17:47:54 +0000

Уште во март, април месец кога апелиравме за зголемена имунизација по пат на вакцина, наместо да трчаат по провизии, требаше да трчаат по светот по вакцини, да има доволен број на вакцини за да може луѓето да се имунизираат, вклучително и тие кои работат во образованието, изјави претседателот на ВМРО-ДПМНЕ, Христијан Мицкоски за „Тема на денот“ во дневникот на Сител ТВ. Мицкоски вели дека врз основа на достапните информации од владата некаде околу милион дози се аплицирани, и имајќи предвид дека тоа е четвртина од потребните дози, тоа е фијаско и ние сме на дното по имунизација по пат на вакцина во Европа, како што бевме на врвот по починати од КОВИД-19. - Вакцинацијата во Европа започна во декември, а кај нас 5 месеци потоа, а најавуваа од јануари, за потоа да чекаме донации од други држави и процесот на вакцинација да започне кога огромен дел од граѓаните одеа во Србија и други земји да се вакцинираат заради неспособноста на министерот и владата, нагласи Мицкоски. Тој посочи дека партијата го поддржува секое право на граѓаните кои сакаат да изберат и да живеат, и тоа е уставно загарантирано, а истовремено ги охрабрува граѓаните да се имунизираат по пат на вакцина, но не на ваков начин како што го прави владата по пат на репресивни мерки туку преку стимулативни мерки.

„Додека странци тврдат дека се лажира бројот на починати од корона, Филипче освен што брои провизии, сега влезе во филмот на партиски функционер“

Магдалена Андонова — Tue, 25 May 2021 06:44:34 +0000

Последната статистика на надлежните институции вели дека новозаболени во 24 часа има 7, ама починати дури 18. Со тоа бројката на починати од корона е 5.329 лица или се движи кон 5.500. За високата бројката на починати во земјава говорат податоците на Ворлдометар (Worldometers), според чија листа Македонија е високото 4 место на светката листа по починати. Или повеќе од 10 илјади починати, се вели во соопштението на ВМРО-ДПМНЕ. - Во меѓувреме,Филипче стави акцент на земањето провизии, сега е во филмот на партиски функционер. Очигледно е дека граѓаните и нивното здравје нема да дојдат на ред. Филипче во нити еден момент од појавата на пандемијата не покажа интерес за здравјето на граѓаните, организирање на здравствениот систем. Замислете и третиот бран поминува унифицирани протоколи за лечење нема! Затоа Филипче ќе одговара, посочуваат од партијата.

ВМРО-ДПМНЕ: Филипче не сака ниту вакцини, ниту нов Клинички, сака само провизии!

Магдалена Андонова — Mon, 10 May 2021 06:34:23 +0000

За Филипче и Заев приоритет се провизиите, а не здравјето на граѓаните. Тие не успеааја да направат ништо, освен да уништуваат и пљачкаат. Последна во низата пљачки е онаа со изградба на нов Клинички центар. Но, на сите им е јасно дека не станува збор за никаков проект за нов Клинички центар, туку за физибилити студија со која Филипче сака да земе заем од повеќе од пола милијарда евра, пари кои треба да ги враќаат граѓаните, стои во соопштението на ВМРО-ДПМНЕ. - И Филипче наместо да мисли како да земе провизија, нека мисли како да направи проект за нов клинички, па потоа да бара пари. ВМРО-ДПМНЕ е за нов Клинички центар, но не е за пљачка на граѓаните, велат од партијата. Тие посочуваат дека додека сите држави вакцинираа, Филипче мислеше како да земе провизии за што има докази дека уплатил 7,8 милиоми евра на фантом фирма од Хонг Конг. - И така граѓаните почнаа да се вакцинираат неколку месеци подоцна од граѓаните во другите европски држави. Филипче треба да прекине да мисли на провизии. Филипче треба да ја напушти функцијата, а потоа и да одговара за направените штети, додаваат од ВМРО-ДПМНЕ.

„Каде требало да завршат над 6 милиони долари од кинеските вакцини, заради Филипче и Заев вакцините каснеа 5 месеци“

Магдалена Андонова — Sat, 08 May 2021 07:48:05 +0000

Каде требало да завршат над 6 милиони долари од набавката на 200.000 кинески вакцини преку фантом фирма од Хонг Конг? Објавивме документи од кои се гледа дека Министерството за здравство исплатило аванс на фантом фирмата, од 7.800.000 долари. Ако се земе предвид првиот документ објавен во медиумите, тоа е 60% од сумата од над 12.500.000 долари, со што доаѓаме до сума од 62.5 долари по вакцина, се вели во соопштението на ВМРО-ДПМНЕ. - Тоа се над триесетина долари повеќе по доза вакцина споредено со цените што земале земјите во регионот, како што објавија медиумите. Филипче уште должи одговори. Како фантом фирмата со само 1000 долари основачки капитал го убедила дека може да ги набави вакцините па и исплатил 7.800.000 долари како аванс? Кои биле гаранциите кои им ги дала истата и дали некој размислил што се можело да се случи, прашуваат од партијата. ВМРО-ДПМНЕ тврди дека државата е водена како фирма без одговорност и додека сите министри низ светот бркале вакцини, Филипче и Заев бркале провизии. -Одговорност ќе има, посочуваат од партијата.

Мицкоски: 30 мртви дневно и скоро нула вакцини, а како би имале кога бркаат само провизии

Магдалена Андонова — Tue, 23 Mar 2021 14:58:04 +0000

3 месеци потоа, 30 мртви дневно и скоро нула вакцини, освен оние кои стигнаа како донација. Ниту Фајзер вакцини, ниту 200 илјади вакцини од Кина. А како би имале, кога наместо вакцини, бркаат провизии. Загрижувачка неспособност. Фејсбук статус на Христијан Мицкоски

Андоновска: Зошто некој би преговарал преку посредник, а не директно?

Тале Кристо — Thu, 11 Mar 2021 09:23:28 +0000

Денес излезгоа документи, со потпис на Венко Филипче (кои за жал не се лажни), каде тој на Кинезите им нуди фирма за посредник во набавката за вакцини, која воопшто не се занимава со медицинска дејност, нема ниту едно вработено медицинско лице и е регистрирана во 2017, само 5 месеци по доаѓањето на СДС на власт, пишува на својот Фејсбук профил Марија Андоновска од ВМРО-ДПМНЕ. Зошто некој би преговарал преку посредник, а не директно!? Јасно е! За провизии, за личен профит!? Згора на тоа уште Венко им пишува (се гледа во докуменрот) дека не му е грижа за евентуалните негативни појави од вакцината и дека ги ослободува од одговорност за нус појавите, само да го прифатат неговиот предлогот!? Замислете не му е важно на Венко дали ќе останете парализирани или ќе ви откаже некој орган поради евентуален нус ефект, туку важно тој да си го наполни џебот и бизнисот да му врви!? 👇Погледнете, ова се документите кој ќе ви дадат одговор зошто почина вашата мајка, татко, тетка, баба, брат, комшика, пријател, колешка, дедо,сестра. .... 👇 Погледнете зошто се зацрнуваат сеуште фамилии 👇 Еве зошто сеуште не можете да си ги прегрнете своите сакани родители, роднини... Ова е еден ужасен монструозен чин кој директно го загрозува здравјето и животот на граѓаните, по повеќе правни основи. Не само оставка од Филипче! Не само оставка од Владата! Туку институционална правда и одговорност! Изгубените животи не се враќаат!, вели Андоновска во својата објава.

Николоски: Во трка по ПРОВИЗИИ се губат човечки животи, целта е јасна зошто се одело преку фантом фирма

Тале Кристо — Thu, 11 Mar 2021 08:51:59 +0000

Во трка по ПРОВИЗИИ се губат човечки животи. Во прилог две писма кои се доказ дека се одело преку ФАНТОМ ФИРМА. Целта е јасна зошто се одело преку фантом фирма, а не директно до производителот. АЛЧНОСТА чини човечки животи, пишува на својата Фејсбук потпретседателот на ВМРО-ДПМНЕ Александар Николоски. Во продолжение интегрално ви ја пренесуваме целата реакција на Николоски, откако утринава италијанскиот весник „Ла Верита“ ги објави двете писма од министерот за здравство Венко Филипче каде што се фаворизира фантом фирмата ,,Starbi International": -Скандалот со набавка на вакцини продолжува. Во трка по ПРОВИЗИИ се губат човечки животи. Во прилог две писма кои се доказ дека се одело преку ФАНТОМ ФИРМА. Целта е јасна зошто се одело преку фантом фирма, а не директно до производителот. АЛЧНОСТА чини човечки животи. Писмата на Филипче до Пекинг, оделе строго преку фантом фирмата ,,Starbi International" во Хонг Конг и во декември 2020 и во јануари 2021, а фирмата не се знае ни колку вработени има, доколку ги има воопшто, фирмата исто така според регистарот нема медицинско ниту фармацевтско портфолио. Случајно или не, фантом фирмата Starbi е регистрирана во 2017г, само 5 месеци по формирањето на владата на Заев, пишува Николоски во својата објава.

Милошоски: Филипче и Заев се бореле за провизии при набавката на вакцини преку фантом фирмата „Starbi International“

Тале Кристо — Thu, 11 Mar 2021 07:54:02 +0000

Додека граѓаните се борат за сопственото здравје и живот, Филиче и Заев се бореле за провизии при набавката на вакцини преку фантом фирмата Starbi International регистрирана во Хонг Конг, пишува на својата Фејсбук страница пратеникот од редовите на ВМРО-ДПМНЕ Антонио Милошоски. Која е оваа фирма, регистрирана септрмври 2017 во Хонг Конг и зошто Заев и Филипче ја одбрале токму неа, и дали ќе го објават преддоговорот на министерот за здравство со Starbi International? На чија сметка Заев и Филипче го уплатиле авансот од парите за 200.000 вакцини и дали трката по провизии била главната причина зошто Кина не сакала да склучи договор за вакцини со владата на Заев?, прашува Милошоски?

Милошоски: Провизиите и се побитни на власта отколку здравјето на граѓаните, но ние имаме неспособна влада која моли за 4.600 вакцининеспособна

Тале Кристо — Mon, 15 Feb 2021 13:54:00 +0000

Денес Антонијо Милошоски по посетата на фабрика „Joopone“ во индустриска зона Каласлари во врска со вакцините одговори на медиумите дека сите македонски граѓани се благодарни на донацијата на Република Србија, но овој чин не ја покрива неспособноста на Заев и Филипче што не можат да обезбедат вакцините за македонското население. -Го видовме вчерашниот настан на Табановци и јас би дал еден краток коментар дека вчера на Табановце видовме претставници на една способна влада и способна држава која за своите граѓани обезбедила милион вакцини тоа е Република Србија, и претставници на една неспособна влада од нашата држава за жал, која што моли за 4.600 вакцини. Благодарни сме за таа донација во секој случај но тоа не ја покрива неспособноста на Заев и Филипче. Сметаме дека таквиот однос да се проси за вакцини, наместо истите да се обезбеделе пред 3, 4 или 5 месеци покажува дека оваа влада, провизиите и се поголем приоритет отколку здравјето на граѓаните, појасни Милошоски. Милошоски додаде дека вакцинација заслужуваат не само еден дел на медицински лица, туку сите медицински сестри и лекари, вклучително и матичните лекари кои што се на линијата на фронтот со секој пациент. Не може да се изостават матичните лекари како дел од системот.