прозорци – Kurir.mk

Прозорците ќе светнат со овој мал трик за чистење на стакло

Ивана Ефремовски — Wed, 22 Mar 2023 19:31:29 +0000

Можеби сте навикнати да отстранувате разни дамки од прозорците со хемикалии кои се специјално дизајнирани за тоа, но пред да ги користите, не би било лошо да пробате еден трик. Особено ќе ви одговара ако сте останало без средство за чистење стакло. Дамките на прозорците остануваат од различни причини. Отпечатоците од прсти, капките дожд и трагите од бришење се особено видливи во сончевите денови. Доколку не се користат посебни средства, за чистење најчесто се користи алкохолен оцет, но и тоа не е трикот за кој зборуваме. Се советува да користите омекнувач за бришење на прозорците. Освен тоа, потребни ви се само вода и крпа. Само наполнете три четвртини од поголем сад со топла вода и ставете половина капаче од омекнувачот за облека во него. Ако течноста изгледа кремасто, слободно додадете уште вода. За бришење најдобро би било да користите крпа од микрофибер или магична крпа. Наводно, омекнувачот го спречува лепењето на прашината на прозорците, одржувајќи ги подолго чисти.

Ги чисти прозорците како лудо, а не ви треба ни сунѓер или крпа: Одличен отстранувач на дамки

Ристе Здравков — Wed, 08 Mar 2023 08:46:06 +0000

Резултатите се генијални.

Не, не е ниту оцет ниту сода! Во прашање е нешто сосема друго, ќе се изненадите кога ќе прочитате кој е најдобриот начин за чистење на прозорците.

Имено, се почесто на социјалните мрежи како најефективно средство се споменува црниот чај.

Следбениците на г-ѓа Хинч, таканаречената „кралица на чистењето“, тврдат дека токму овој пијалок е најефективен во чистењето. Како што велат, резултатите се феноменални.

Зошто црниот чај толку ефикасно ги чисти прозорците?

Се вели дека тоа се должи на неговиот состав, односно танинската киселина, која може да ги уништи дури и најтврдокорните наслаги на нечистотија и маснотии. Многу средства само ги размачкуваат на стаклото, но тоа не е случај со црниот чај.

Следбениците на г-ѓа Хинч составија темелен водич за чистење на прозорците. Како што велат, не ви треба ни сунѓер, ни крпа. Со чајот најдобро е да се чисти со весници, а откако ќе ги исчистите, само исплакнете ги прозорците со топла вода.

Еве како црниот чај делува и ги чисти прозорците, погледнете го деталниот водич:

Прво, започнете со бришење прашина од рамката на прозорецот. Направете го истото и со ролетните, а доколку имате завеси, задолжително извадете ги и измијте ги пред чистењето. Ако имате мрежи против комарци на прозорците, отстранете ги и избришете ги со влажна крпа и исушете ги. Додека се сушат, избришеете ја надворешната страна на стаклото и рамката со крпа. Попрскајте со средство за чистење прозорци и црн чај што сте го изладиле и сте го ставиле во шише со распрснувач. Избришете ги прозорците од врвот до дното со весник или крпа од микрофибер.

Оваа средство ги чисти прозорците како лудо, верувајте ни. Бришете додека стаклото не е целосно чисто и сјајно.

Повторете ги последните два чекори од надворешната страна на прозорецот.

ПВЦ прозорците имаат зимски режим! Еве како да ги наместите за да не ви биде ладно (ВИДЕО)

Магдалена Андонова — Fri, 25 Nov 2022 14:32:02 +0000

Македонија изминатиов период ја зафати студен бран, кој не тера да помислиме дека зимата веројатно никогаш нема да помине. Колку и да се загревате, не е доволно. Толку е ладно што како да немаш покрив и ѕидови. ПВЦ столаријата е најчест избор, бидејќи најлесно се прилагодуваат, а најдобро ја одржуваат и температурата во домот. Но, при инсталацијата мајсторите не ви кажуваат две многу важни работи, кои можат да ви значат во овие екстремно студени денови. Поентата е дека во различни временски периоди потребно е да се промени начинот на „одржување“ на прозорецот. Едноставно отворете го прозорецот и пронајдете ја завртката на страната каде што е рачката, а потоа прилагодете ја со инбус клуч. Свртете ја завртката од страната на шарката навнатре, со што се регулира силата на рамката на прозорецот. Кога мајсторот ќе го намести вашиот прозорец, тој обично го остава во „стандарден“ или среден „режим“. Ако не сте сигурни во кој „режим“ се вашите прозорци и врати, едноставно притиснете парче хартија на краевите на прозорецот. Ако можете без проблем да го извадите, тој е поставен на летен „режим“, а ако се скрши при отстранување, тогаш е во зимски „режим“. Не е препорачливо да ги оставате прозорците и вратите во „зимски режим“ во текот на целата година, бидејќи оптоварувањето на гумата на рамката многу се зголемува, па таа брзо ќе се истроши. Погледнете го видеото за подетално објаснување.

ВИДЕО: Како да ги одмрзнете прозорците за 10 секунди?

Магдалена Андонова — Wed, 23 Nov 2022 14:11:20 +0000

Со ниските температури и зимските денови секојдневна обврска ќе биде чистењето на замрзнатите прозорци и шофершајбни. Ова и не е баш привлечна идеја, особено ако доцните на работа. За среќа, постојат ефикасни и едноставни трикови кои ќе ви помогнат брзо да го решите проблемот со замрзнувањето. Направете мешавина со која ќе ги прскате стаклата, а мразот ќе се стопи за секунда. Во пластична прскалка ставете 2/3 медицински алкохол (70% алкохол) и 1/3 вода. Мешавината може да ја нанесете навечер или пред излегување.

„Тесла“ повлекува 1,1 милион возила поради дефект

Ивона Петрова — Fri, 23 Sep 2022 07:53:20 +0000

Автомобилската компанија „Тесла“ повлекува 1,1 милион возила во САД поради дефекти во системот за автоматско спуштање и кревање на прозорците што може да не открие пречка при движење на прозорец и да предизвика повреда, пишува „Блумберг“. Самоуправувачкото отворање и затворање работи така што спречува повреда на патниците во возилото – со запирање на прозорецот ако тој наиде на пречка. Ова масовно повлекување опфаќа возила „Модел 3“ (произведени 2017 – 2022), „Модел Ипсилон“ (2021 – 2022), „Модел С“ и „Модел Икс“. Компанијата соопшти дека засега не се пријавени какви било барања во однос на гаранциите, како ни незгоди, несреќи, повреди, ниту смртни случаи поврзани со овој проблем.

ВНИМАВАЈТЕ: Еве што се случува кога нашите прозорци се затворени цел ден, а надвор е топло

Магдалена Андонова — Tue, 28 Jun 2022 17:20:40 +0000

Зголемувањето на температурата предизвикува почесто користење на климата. Меѓутоа, што да правиме кога немаме клима? Дали е подобро да ги оставите прозорците или да бидат затворени цел ден? Мислењата се поделени. Некои велат дека е пожелно да се отворат прозорците и да се пушти што повеќе воздух, додека други сметаат дека доколку сакате да се заштитите од неподносливата топлина, подобро е да ги држите прозорците затворени. На крајот на краиштата, изборот зависи главно од личните преференции. Суштинското прашање е дали е штетно нашите прозорци да бидат затворени цел ден? Редовното проветрување на просторијата е важно во секое време од годината. Истражувањата покажуваат дека квалитетот на воздухот, особено во помалите простори (домашна канцеларија, дури и во спални!) брзо се влошува. Во една студија која го испитува квалитетот на воздухот во спалната соба, во повеќето случаи измерените нивоа на CO2 значително ги надминуваат препорачаните вредности. Во некои случаи тие беа и до 75% поголеми! Лошиот квалитет на воздухот не само што негативно влијае на вашиот сон, туку дополнително го нарушува вашето општо здравје и благосостојба, работната ефикасност и концентрацијата. Истражувачите од Медицинскиот универзитет во Њујорк ги проучувале последните две ставки. Имено, тие собрале 24 здрави возрасни лица во затворен простор и ја тестирале нивната способност да донесуваат одлуки на различни нивоа на концентрација на јаглерод диоксид. Со анализа на добиените резултати, истражувачите откриле дека високата концентрација на овој природен гас значително ги забавува мисловните процеси на волонтерите. За повикување: нивото на јаглерод диоксид надвор е околу 380 на милион честички, но нивото во затворен простор може да биде многу повисоко (поради дишењето) - во преполните канцеларии или сали за состаноци нивото често достигнува 1.000, а понекогаш и 3.000 на милион честички, велат истражувачите. Секако, не смееме да заборавиме дека во воздухот има и други загадувачи, како и фактот дека поголемата влажност ја прави топлината уште понепријатна, што исто така може да го отежне одржувањето на концентрацијата. Што најчесто се препорачува на горештините? За сето горенаведено, важно е куќата или станот да бидат добро проветрени дури и кога температурите растат. Затворањето на прозорците и спуштањето на ролетните во текот на денот е пожелно само кога нема никој дома. Доколку поголемиот дел од денот го поминувате во вашиот дом, повеќето експерти препорачуваат прозорците да се отвораат неколку пати на ден (најмалку 5 минути) дури и кога надвор е многу топло. Идеално е да направите провев, а потоа веднаш да ги затворите прозорците за да се заштитите од топлината. Кога сме зафатени од топлотен бран, оптимално е да се проветруваме во раните и сеуште студени утра и во доцните вечерни часови, но и во текот на ноќта. Во други периоди, пожелно е прозорците да бидат затворени, особено оние кои се изложени на директна сончева светлина.

НЕ Е СЛУЧАЈНОСТ! Еве зошто прозорците во авионот се кружни

Магдалена Андонова — Tue, 17 May 2022 14:32:03 +0000

Има луѓе кои се преплашени да летаат во авион и ги тресе самата помисла дека треба да се качат во авион. А сепак има и такви кои уживаат во летот, сакаат да седат покрај кружниот прозорец и да ги гледаат сцените над облаците кои го одземаат здивот. Како почеток на комерцијализацијата на летањето со авион се зема средината на минатиот век или 1950 година. Во тоа време прозорците на авионите биле квадратни и многу други работи биле многу поразлични од денешните, се има свои причини. Од тогаш до денес, воздухопловната индустрија бележи вртоглав напредок во однос на подобра аеродинамика на авионите, подобра удобност на патниците и персоналот на авионот за време на летот, полесно изведување на самиот лет ... Но, кога станува збор за прозорци, има една пресвртна точка кога квадратните, стандардни прозорци се заменуваат со кружни. Пресврт била несреќата која се случила во 1954 година, кога авион буквално паднал во воздух, при што загинале многу луѓе. Верувале или не, причина за несреќата биле прозорците. Логиката е едноставна. Каков агол и да има, автоматски има слаба точка. Квадратните прозорци имаат четири агли, што значи дека се четири потенцијални слаби точки. На голема височина, при големи брзини, се подразбира висок притисок врз авионот, особено неговите слаби точки. Затоа инженерите како стандард поставиле тркалезна или елипсовидна форма, која може полесно да издржи висок притисок, како што е оној што го создава воздухот во авион за време на летот. Можеби сте забележале уште една работа за прозорците во авионот: тие обично не се усогласени со редовите на седиштата. Не ги обвинувајте производителите на авиони. Ова е поврзано со авиокомпаниите кои купуваат авиони; сепак тоа е нивна сопственост. Производителите ги конструираат своите авиони со позиционирани редови, простор за нозе и прозорци, а потоа ги испраќаат своите предлози до авиокомпаниите. Сепак, авиокомпаниите ретко ги следат препораките. Во зависност од авиокомпанијата, некои авиони имаат потесни редови. Откако ќе се променат редовите на седиштата, се менува порамнувањето на прозорците и на седиштата се пишува национална географија.

Мицкоски: Субвенции за градба на фасада и замена на прозорци на домовите, сончеви колектори на трошок на државата

Тале Кристо — Sat, 22 Feb 2020 12:44:22 +0000

Лидерот на ВМРо-ДПМНЕ на денешната прес-конференција најави нова низа на проекти кој што се од големо значење на граѓаните, односно проекти кои на секое семејство пола од трошокот за промена на фасада или прозорци ќе го покрие државата -Се обрзуваме на обнова која ќе овозможи енергетска обнова на домовите на граѓаните. Односно овозможување секое семејство да дојде до нова фасада и прозорци на својот дом при што за инвестицијата половина ќе покрие државата, односно 50% е на трошок од државата. Фактичката состојба покажува дека многу од домовите на граѓаните се енергетски неефикасни, а нивната обнова чини пари. Затоа се обрзувам дека идната влада на ВМРО-ДПМНЕ ќе финансира половина од трошоците за изградба на нова енергетска фасада и замена на ефикасни прозорци во домовите. Со оваа мерка ќе се намали непродуктивното користење на енергијата, а тоа пак ќе придонесе за заштита на животната средина. Тоа за граѓаните ќе значи топол дом на зима, и ладен на лето и секако пониски сметки за топлинска енергија и заштеда на нивните семејни буџети и повеќе пари во семејствата, истакна Мицкоски. Мицкоски, исто така најави и субвенционирање за 50% и на сончеви колектори, со што граѓаните ќе добијат бесплатна енергија, ќе заштедат повеќе пари, а ќе се овозможи заштита на животната средина -Се обрзуваме на обнова која ќе овозможи за граѓаните набавка на сончеви колектори за домаќинствата, при што 50% од сумата ќе биде на трошок на државата. Ова значи дека новата Влада на ВМРО-ДПМНЕ ќе овозможи до 50 % субвенции на граѓаните за набавка на енергетски ефикасна опрема: сончеви колектори (фотоволтажни и термални, топлински пумпи, приклучок кон топлификациски системи) со што граѓаните ќе добијат бесплатна енергија, ќе заштедат повеќе пари, а ќе се овозможи заштита на животната средина.

Мајсторите ова не ви го кажале: ПВЦ прозорите имаат зимски и летен режим, еве како треба да ги подесите

Дарко Андоновски — Fri, 28 Sep 2018 19:37:01 +0000

ПВЦ столаријата е најчест избор, бидејќи лесно се инсталира, а и најдобро ја задржува температурата во домот. Но, при поставувањето мајсторите обично не ви кажуваат некои битни работи… Поентата е што во различни временски периоди потребно е да го промените начинот на „одржување“ на прозорите. Едноставно отворете го прозорот и пронајдете го шрафот на страната каде се наоѓа рачката, па подесете го помош на инбус клуч. Шрафот кој се наоѓа од страната свртете го кон внатре, при што ја регулирате силата на потисок на прозорската рамка. Кога мајсторите ги поставуваат прозорите, најчесто ги оставаат во „стандарден“, односно среден режим. Ако не сте сигурни во кој режим се вашите прозори и врати, едноставно притиснете парче хартија со прозорската рамка.Ако без проблем можете да го извадите, наместен е на летен режим, а ако се искине при вадењето тогаш е на зимски режим. Не е пожелно да ги оставате вратите и прозорите на зимски режим цела година, бидејќи се оптеретува гумата на рамката и брзо се троши.

Реални причини за менување на вашите прозорци

Катерина Бојаџиева — Fri, 09 Mar 2018 17:43:44 +0000

Прозорците даваат убавина и дополнителна вредност на вашиот дом, и се една од најважните карактеристики на една куќа или стан. Тие ја имаат и главната улога во заштедата на топлинската енергија, овозможувајќи комфорт и здравје. Според истражувањата загубата на топлината низ прозорците претставува повеќе од 40% од вкупните загуби на топлина од домот. Заради тоа, инвестицијата во квалитетни енергетски ефикасни прозорци е една од најисплатливите на долг рок. Доколку сакате одличен квалитет на профили за достапна цена Ви ги препорачуваме профилите Decco (070 245 423),изведбата е крајно професионална и во краток рок. Но, како може да знаете дали вашите прозорци треба да се заменат? Користете ја оваа листа за да ја утврдите состојбата со вашите прозорци. Дали се вашите прозорци со единечно стакло? Повеќето прозорци денес се со двослоен термопан со дебелина од 16мм до 30мм, подобрите термопани се со нискоемисиони стакла, кои во голема мера помагаат во спречување на преносот на топлина од затворени простории на отворено.

Дали слушате бучава од надвор?Повеќето од денешните прозорци нудат звучна изолација преку нискоемисиони високо квалитетни стакла. Добар избор за спас од неподносливиот звук се прозорите со трослојни термопани поставени на Decco профили кои постигнуваат изолација од 34dB до 41 dB. Дали забележувате мали пукнатини или скапување на делови од вашите прозорци?Некои мали пукнатини или знаци на скапување можат брзо да се рашират, и да ги оштетат позначително прозорите. Ако повеќе од 10% од дрвото е оштетенo, вашата најдобра опција е да го замените во целост. Дали во потоплите временски услови, внатрешноста на прозорот е топла на допир?Вашите прозорци треба да бидат способни да ги издржат високите летни температури, да овозможат термо изолација, и да ја контролираат количината на топлина која влегува во домот. На ладно време, внатрешноста на стаклото е ладно на допир?Екстремно ладни внатрешни стакла, значат дека премногу ладен воздух влегува во просторот помеѓу стаклата. Ако стаклото остане ладно, дури и кога ќе го допрете со вашата топла рака, тоа значи дека не ја врши својата изолациона функција и треба да се смени. Вашите прозорци не се отвораат и затвораат правилно?Кога некои компоненти од прозорците предизвикуваат тие да не се отвораат и затвораат целосно, или така лесно како порано, значи дека е настанато оштетување и потребна е променаили стручно штелување. Стручни лица треба да ги проверат прозорите, и да дадат совет. Дали вашиот прозорец одговара на остатокот од дизајнот и декорот на вашиот дом?Вашиот вкус може да се промени, или пак можеби сте наследиле прозорци од претходните сопственици, кои сега не се уклопуваат со вашите желби. Прозорците не штитат од сончевите зраци?Заштитата од сонцето на една просторија може да се постигне со надворешни ролетни, надворешни капаци, внатрешни ролетни но исто така и со термопани со високоенергетско покритие. Доколку повеќето ваши одговори се со “да” тоа значи дека треба да ги замените. Во спротивно ќе плаќате повисоки сметки, и го немате потребниот комфорт. Прозорците не се менуваат често a рокот на траење во просек е 30 години. Токму затоа треба да бидете добро информирани за сите елементи на ПВЦ прозорците, како и за компанијата од која ги набавувате. А кога ќе се решите, препорачливо е да ги смените сите прозорци во исто време. Профилите Decco се совршен избор за оние кои бараат највисоки топлински перформанси и одличен дизајн, а по разумни цени. Добар избор на прозорци може да најдете во компанијата Алу – Ангелевски (kontakt 070 245 423) Таму покрај стандардните бели ПВЦ прозори, имаат и ПВЦ прозори со карамел боја и темно кафена боја. Монтажата ја изведуваат стручни лица, кои внимаваат прозорите да се постават и нивелираат правилно.