Исчезнатата жена од Пршовце се вратила дома

Дарко Андоновски — Fri, 10 May 2019 16:09:56 +0000

Четириест и осум годишната Џемиле Хасани од тетовско Пршовце се вратила дома три дена откако во полицијата беше пријавено нејзиното исчезнување. Братот на жената пријавил во СВР Тетово дека Џемиле е дома и нема потреба да се води како изчезната. Таа од дома излегла во понеделникот 6-ти мај, а во семејната куќа во тетовско Пршовце се вратила во четвртокот околу 11 часот. СВР Тетово не соопшти детали каде била во текот на трите дена жената за која семејството бараше помош за пронаоѓање со оглед на нејзиното нарушено здравје.

Прекин на сообраќајот на патот Пршовце – Јегуновце поради асфалтирање

Матеја Петровски — Sat, 28 Apr 2018 06:59:45 +0000

Прекин на сообраќајот денеска ќе има на патот Пршовце - Јегуновце поради негово асфалтирање, соопшти Авто-мото сојузот на Македонија. Од АМСМ посочуваат дека сообраќајот на државните патишта се одвива по суви коловози. Препорачуваат внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани - Македонска Каменица - Делчево, Виница - Берово, Гостивар - Стража, Маврово – Дебар - Струга, Демир Капија - Удово, Катланово - Велес, Крушево - Демир Хисар и Ресен - Буково. Интензитетот на сообраќај на патните правци надвор од градските средини е умерен. На граничните премини нема подолги задржувања за влез и за излез од државата, информираат од АМСМ. (Mиа)

пршовце – Kurir.mk

Исчезнатата жена од Пршовце се вратила дома

Прекин на сообраќајот на патот Пршовце – Јегуновце поради асфалтирање