прскање комарци – Kurir.mk

Во среда во Скопје ќе се прска против комарци

Магдалена Андонова — Mon, 30 Aug 2021 12:53:19 +0000

Градот Скопје известува дека во среда (01.09.2021 година) ќе се врши авионска и терестрична дезинсекција на подрачјето на градот Скопје, против ларви од комарци. Авионското прскање против ларви од комарци ќе се реализира на 01.09.2021 година, во раните утрински часови. Терестричната дезинсекција против ларви од комарци, пак, ќе се реализира на 01.09.2021 година, во текот на денот. Доколку временските услови не дозволуваат да се прска, авионската дезинсекција ќе се изврши првиот нареден ден, кога временските услови ќе бидат поволни, во истиот термин. Се известуваат пчеларите навреме да ги преземат потребните мерки за заштита на пчелите.

Прво адултно прскање против возрасни комарци во гевгелиско

Ивона Петрова — Mon, 07 Jun 2021 09:59:48 +0000

Во општините Гевгелија, Богданци, Дојран и Валандово, според одлуката на Советот за развој на Југоисточниот плански регион, денеска почнувајќи од 20 часот до 4 часот следното утро,ќе се изврши првото адултно прскање по земјен пат против возрасни комарци, доколку дозволат временските прилики. Од локалните самоуправи, апелираа ообено до сопствениците на пчели, во најавениот интервал за прскање да ги преземат сите неопходни мерки за заштита на пчелните семејства, односно да ги држат затворени во кошниците до завршување на операцијата. Активноста која се изведува во соработка со ПЕ на Центарот за јавно здравје од Гевгелија, се презема за поголема ефикасност во заштитата на граѓаните од комарци во овој дел од југоистокот на земјава. До сега на териториите на споменативе општини, во рана фаза беа извршени две ларвицидни прскања против комарци, а по денешното се предвидени уште две адултни прскања против возрасни комарци во наредниот период.

Во петок втора фаза од авионско прскање против комарци во Скопје

Ивона Петрова — Thu, 25 Jun 2020 08:19:22 +0000

Градот Скопје ги известува граѓаните дека втората фаза од авионската дезинсекција на подрачјето на градот Скопје, против ларви од комарци, ќе се изврши на 26.06.2020 година (петок) во раните утрински часови. -Доколку временските услови не го дозволуваат вршењето на дезинсекцијата, истата ќе се изврши во истиот термин првиот нареден ден, кога временските услови ќе бидат поволни, информираат од Градот. Се известуваат пчеларите навремено да ги преземат потребните мерки за заштита на пчелите.