прсти – Kurir.mk

ПОГЛЕДНЕТЕ ГИ ПРСТИТЕ И ДОЗНАЈТЕ ШТО ВЕЛАТ ЗА ВАС: Должината е многу важна за вашата личност

Ристе Здравков — Tue, 04 Jul 2023 10:15:02 +0000

Колку пати во животот сте си ја погледнале дланката, посакувајќи од неа да си ја прочитате иднината? Сигурно многу пати, па макар и од забава. Дали ќе верувате во она што прстите ви го откриваат зависи од вас, но факт е дека сите толкувања се интересни и издржани. Започнуваме од најмалиот прст… Малиот прст ви ги открива инстинктите и начинот на комуникација Доколку малиот прст е свиткан во правец на домалиот, укажува на чувствителна личност со добра душа. Доколку е оддалечен од останатите прсти значи дека личноста е независна и оригинална во се. Натпросечно долгиот прст значи дека личноста е надарена за странски јазици и вешто се снаоѓа во секоја комуникација. Доколку прстот е значително помал од останатите, укажува на недостаток самодоверба. Врвот на прстот: Ако е долг, издава елоквентна, шармантна личност со голема моќ на перцепција, а ако е краток опишува срамежлива личност која има потешкотии во изразувањето. Средниот дел на прстот: Долгата средина често пати ги отсликува личностите кои се занимаваат со медицина, а краткиот претставува карактеристика за стабилните личности кои им се посветени на другите. Коренот на прстот: Доколку е долг значи дека личноста посакува слобода и индивидуалност, додека краткиот ги изразува наивните и лесно доверливите личности. Домалиот прст е симбол на креативност и совршенство Доколку е со иста должина како средниот прст или подолг, ги претставува луѓето кои се разликуваат од масата, но и оние кои се склони кон лесни пари. Краткиот домал прст е показател за личности кои по природа ја обожаваат естетиката. Врвот на прстот: Ако е долг, ги издава креативните личности склони кон драматични животни ситуации, а доколку е краток укажува на смирена и практична личност. Средниот дел на прстот: Долгиот ги открива личностите со вкус за стил и детали, додека краткиот значи недостаток на интерес за убавина и стил. Коренот на прстот: Доколку е долг, ја симболизира личност со неверојатно чувство и вкус за стил и можно е од тоа да заработува, додека краткиот корен е симбол на практичните и едноставни личности. Средниот прст го открива начинот на кој се однесувате кон материјалното богатство Ако средниот прст е долг, покажува одлучен, способен и амбициозен човек кој е подготвен за сопствен бизнис. Ако е краток, открива ексцентрична личност која се бунтува против општо прифатените норми. Доколку е свиткан кон домалиот прст открива потреба за емотивна и материјална сигурност. Доколку е малку пооддалечен од домалиот прст, укажува на личности кои од време на време ја сакаат самотијата. Врвот на прстот: Долгиот врв открива луѓе кои се полицајци, инспектори или истражувачи по професија, односно личности кои сакаат да ги откриваат скриените тајни и детали, додека краткиот врв на средниот прст се карактеристика за послушните луѓе кои сакаат да работат бавно и сигурно. Средниот дел на прстот: Ако е тенок, открива личности кои добро се снаоѓаат со бројките, додека ако е подебел укажува на вљубеници во природата. Коренот на прстот: Долгиот корен ги издава личностите со нагласена потреба за материјална сигурност, додека краткиот е карактеристика за личностите кои се внимателни со пари. Показалецот го открива начинот на кој се разбирате себеси и на кој го гледате светот Ако показалецот е свиткан кон палецот означува чесни и амбициозни личности. Доколку е оддалечен од средниот прст открива независна личност склона кон филозофирање. Доколку пак е свиткан кон средниот прст, укажува на грижливи и чувствителни личности. Врвот на прстот: Долгиот врв укажува на интелектуални способности, па често пати овие личности имаат политичка или правна кариера. За разлика од нив, краткиот врв одговара на практичните, понекогаш и цинични лица свртени кон материјалната страна во животот. Средниот дел на прстите: Доглиот дел значи вешт ум за управување на сите полиња, а краткиот значи лесна флегматичност и незаинтересираност, односно недостаток на упорност. Коренот на прстот: Долгиот корен го имаат луѓето кои се талентирани за спорт и кулинарски вештини, додека краткиот корен е симболика на личностите кои размислуваат логично. Палецот ја претставува волјата, логичката способност и виталноста на човекот Свитканиот палец е одлика на личностите кои лесно се приспособуваат на другите, додека правиот и крут палец укажува на личности кои никогаш не се откажуваат од своите ставови. Врвот на прстот: Долгиот ја опишува личноста како одлучна, додека краткиот укажува на несигурност. Средниот дел на прстите: Доколку средниот дел е пократок од третиот дел укажува на личности кои се водени од инстинктите и чувствата. Ако е со иста должина како третиот дел, се работи за личност која е предводена од разумот и логиката. Но, ако средниот дел е подолг о д третиот, означува големи мислители кои често пати имаат потешкотии во реализирањето на идеите.

Лоша навика: Лекарите објаснуваат зошто ПУКАЊЕТО на зглобовите е многу ШТЕТНО!

Ристе Здравков — Fri, 18 Nov 2022 15:40:32 +0000

Дали оваа навика навистина може да предизвика артритис? Една од работите кои несвесно ги правиме којзнае колку пати на ден е да ги пукаме зглобовите на прстите. Сепак, лекарите предупредуваат дека долгорочно оваа навика може да биде многу штетна. Прстите се изградени од коски, меѓу кои има зглобни тела, лигаменти, фиброзни мембрани и зглобна маст наречена синовијална течност. За полесно да се движат прстите, покрај маста, во зглобовите има и воздух. Кога има поголема концентрација на воздух во зглобот, се слуша карактеристичен звук при нагло свиткување на прстите. Последните радиолошки истражувања покажаа дека како резултат на крцкање на прстите може да се истегнат лигаментите. Докторот Карл Крушелнички предупредува дека оваа навика во младоста може да резултира со ослабена подвижност на рацете и намален стисок во подоцнежниот живот. Луѓето кои редовно ги пукаат зглобовите на прстите може да изгубат до 75 проценти од стисокот или да не можат лесно да отвораат тегли како што стареат. Крушелнички упатува на студија во која учествувале 300 испитаници кои имале навика редовно да ги пукаат зглобовите 35 години. – Иако некогаш се веруваше дека оваа навика може да предизвика артритис, тоа не е научно докажано. Крцкањето на зглобовите може да доведе до нивно мало отекување, но клучниот проблем што се јавува како резултат кај 75 проценти е ослабениот стисок – вели тој. Овој експерт објаснува што се случува кога ќе го повлечете прстот за да го слушнете пукањето на зглобот. – Тогаш се зголемува просторот меѓу коските, што влијае на лигаментите и создава вакуум. Но, ослободената енергија е само седум проценти од она што е потребно за оштетување на ‘рскавицата – вели Крушелнички.

Притиснете ја оваа точка на дланката и почекајте неколку секунди: Поради тоа што ќе следи ќе го правите ова постојано (ВИДЕО)

Магдалена Андонова — Thu, 12 May 2022 14:24:18 +0000

Доколку имате проблем со главоболка, нема потреба веднаш да користите лекови. Прво испијте чаша вода, хидрирајте се, бидејќи може да има проблем со дехидрација. Овде не мислиме на пиење сок, чај или нешто слично, туку само вода. После ова, масирајте ги сопствените југуларни вени. Следниот чекор е да пробате масажа, поточно со стимулирање на една точка на дланката. Тоа е делот помеѓу палецот и показалецот, притиснете го тој дел со палецот и показалецот од другата рака. Задржете ја оваа позиција неколку секунди, додека се обидувате да го смирите дишењето и да ги „испразнете мислите“. После тоа, сами масирајте го пределот на рамото (или уште подобро, ако имате средства, замолете некој во близина да го стори тоа) и ослободете ја напнатоста.

@mondaytnHold up ♬ nhạc nền - 🚢🚙🏍️Vy Hoàng 🚁🏎️🚗

Не го игнорирајте трнењето на рацете или прстите – можеби ќе мора итно да реагирате

Ивана Ефремовски — Mon, 01 Mar 2021 19:05:25 +0000

Будењето со трнење во рацете или прстите може да биде еден од првите знаци на синдромот на карпален тунел, состојбата што настанува кога ќе се стегне еден од најважните нерви блиску до вашиот зглоб. -После тресење или движење на раката, трпнењето најчесто исчезнува, вели неврологот Гереон Нел. Додека е во рана фаза, синдромот на карпален канал може да се лекува без хируршка процедура, па затоа е најдобро да се посети лекар колку што е можно поскоро. Докторот може да ви препорача користење на подлактица, со која ќе се спречи свиткувањето на рачниот зглоб. Доколку нервот е стегнат подолго време време, трнењето и болката може да се прошират од прстите до рамената. Во најлошото можно сценарио, кога прстите се здрвени подолго време, операцијата најверојатно е неопходна.

„Ова треба да го наплаќаш“: Цел свет се мајтапи со Бритни Спирс која сподели фотографија од прстите на нозете и стана вирален хит (ФОТО)

Дарко Андоновски — Sun, 30 Jun 2019 12:00:48 +0000

Славната пејачка Бритни Спирс овие денови е вистински хит низ целиот свет откако сподели најобична фотографија на која позира со нејзините нозе. За време нејзиниот одмор пејачката сподели секојдневна фотографија каде во кадар се гледаа нејзините нозе и чисто бистрата вода со дивата плажа. Сепак нејзините фанови на Инстаграм нејзините прсти на нозете ги видоа како тема за дискусија па три илјади луѓе започнаа да се шегуваат со пејачката.

View this post on Instagram

I’m calling your name Turks .... take me back !!!!!! ?

A post shared by Britney Spears (@britneyspears) on Jun 28, 2019 at 10:04am PDT

„Сите што сакаат фетиш на нозете ќе го обожуваат ова!“, напиша познатиот блогер Перез Хилтон. „Ова требаше да го наплаќаш“, се пофали друг фан.

View this post on Instagram

Throwing it back to last week ☘️☘️☘️

A post shared by Britney Spears (@britneyspears) on Jun 28, 2019 at 3:09pm PDT

Формата на вашите стапала зборува за тоа каква сте личност

Ивана Ефремовски — Mon, 18 Feb 2019 17:23:46 +0000

Читањето на личноста од стапалата е пракса која во Кина и Индија се практикува илјадници години, а корените ги влече од верувањата дека нашите стапала се огледало на душата и телото. Формата на прстите на нозете и карактерот на човекот. Пример бр. 1 Укажува на креативна личност. Лицата со ваква форма на прстите се многу паметни и косегаш пронаоѓаа креативни решенија за било кој проблем. Сепак, понекогаш поради несигурноста во себе, ги оставаат започнатите дела на половина. Пример бр. 2 Лицата со ваква форма на прстите се енергични и имаат создавачки потенцијал. Секогаш можат да застанат зад она во што навистина веруваат. Пример бр. 3 Показател на лидерски особини. Главната цел на овие луѓе е успехот во кариерата. И само една работа може да ги извади од колосек. Тоа е неверојатниот перфекционизам. И уште еден интересен податок – некои индиски легенди велат за тоа дека мајките не дозволувале на синовите да се женат со жени кај кои вториот прст на нозете бил подолг од останатите. Тоа го сметале за знак за заповеднички карактер. Пример бр.4 За ваквите луѓе најголема вредност е семејството и блиските пријатели. Сопствениците на ваква форма на прстите ги одликува способноста да слушаат други и скоро се идентификуваат со соговорникот. Понекогаш се примаат кон срце, така да ваквата емпатија често не е од корист. Пример бр. 5 Зборува за амбициозноста, но не и желбата за преземање одговорност. Човекот со такви прсти на нозете е забавен и привлечен, но многу често и наивен како мало дете.

Со циркулар си ги пресекол прстите

Ристе Здравков — Fri, 01 Feb 2019 09:20:59 +0000

На 31.01.2019 околу 16 часот, пријавено е дека 28-годишниот гостиварец Н.Н. се повредил работејќи на циркулар во фабрика за мебел во гостиварска Горна Бањица. Сечејќи со машината, тој ги повредил прстите од десната рака и пренесен е во клинички центар во Скопје. Извршен е увид и се работи на целосно расчистување на случајот.

Што кажуваат вашите прсти за вас?

Матеја Петровски — Thu, 20 Sep 2018 20:36:07 +0000

А. Велат дека луѓето на кои прстот на кој се носи прстенот им е подолг од показалецот се многу убави. Тие зрачат со шарм што другите луѓе го сметаат за неодолив. Покрај тоа, тие се агресивни и одлучни, и за нив не е проблем преземањето ризик. Нивните професии најчесто се: војник, инженер, шахист, а се и многу успешни во решавањето крстозборки. Наводно тие заработуваат и повеќе од останатите. B. Луѓето со пократoк четврт прст од показалецот имаат голема самодоверба, полни се со себеси и арогантни. Тие уживаат во осаменоста и не сакаат да ги вознемирувате во нивното слободно време. Тие не се личност која ќе го направи првиот чекор кога станува збор за врска, но секогаш го прифаќаат и ценат вниманието што го добиваат. C. Лицата со исто ниво на должината на домалиот прст и на показалецот се мирољубиви и се чувствуваат непријатно кога ќе се најдат во конфликт. Тие се добро организирани и се обидуваат да бидат во добри односи со сите. Карактеристично за нив е дека се многу верни и полни со нежност и со грижа за нивните партнери.

ФОТО: Отишла на рибен педикир, но не ни помислила дека може да остане без прсти на стапалото

Дарко Андоновски — Sat, 15 Sep 2018 12:15:13 +0000

На Викторија Кархојз од Австралија докторите морале да ѝ ги ампутираат сите пет прсти на ногата поради бактерија со која се заразила во рибен спа центар во Тајланд. Имено, Викторија првата незгода со стапалата ја имала во 2006 година, кога стапнала на стакло и го исекла ножниот палец. Не чувствувала болка па не ни ја забележала повредата. Кога конечно ја воочила, веќе било многу доцна, инфекцијата ја зафатила коската, па докторите морале да ѝ ампутираат дел од палецот. Четири години подоцна Викторија отишла на одмор во Тајланд и посетила еден рибен спа центар во кој риби ја отстрануваат мртвата кожа од стапалата и ја подобруваат циркулацијата. Меѓутоа, наместо убави стапала Викторија добила уште една инфекција, од бактеријата која од водата се провлекла низ раната од операцијата. „Никогаш не би помислила дека вакво нешто може да се случи. Гледав како сопственикот на салонот го подготвува аквариумот со риби, сè изгледаше чисто“, раскажала Викторија. „Година дена движењето без ножен палец предизвика плускавци на другиот прст. Имав голема плускавица на врвот, но немав поим дека под него се раширила нова инфекција“. Овој пат докторите ѝ го одсекле прстот и останала со три прсти на стапалото. „Следните две години бев сосема здрава, мислев дека добро поминав бидејќи сè уште ја имам ногата и продолжив со животот. Но, потоа повторно почнаа мачнините“, вели Викторија. Кон крајот на 2016 година ампутирани ѝ биле и третиот и четвртиот прст, но ѝ го оставиле малиот прст. „Со оглед на тоа дека ми остана само најмалиот прст, додека се движев постојано го удирав. Минатата година забележав дека и тој прст изгледа сè полошо. После нови истражувања дијагностицирана ми е нова инфекција и го отстранија и тој прст“, се потсетува Викторија.

Ноќе ви трнат прстите? Одете на доктор што поскоро

Катерина Бојаџиева — Thu, 13 Sep 2018 10:08:20 +0000

Будењето со трнење во рацете или прстите може да биде еден од првите знаци на синдромот на карпален тунел, состојбата што настанува кога ќе се стегне еден од најважните нерви блиску до вашиот зглоб. После тресење или движење на раката, трпнењето најчесто исчезнува, вели неврологот Гереон Нел. Додека е во рана фаза, синдромот на карпален канал може да се лекува без хируршка процедура, па затоа е најдобро да се посети лекар колку што е можно поскоро. Докторот може да ви препорача користење на подлактица, со која ќе се спречи свиткувањето на рачниот зглоб. Доколку нервот е стегнат подолго време време, трнењето и болката може да се прошират од прстите до рамената. Во најлошото можно сценарио, кога прстите се здрвени подолго време, операцијата најверојатно е неопходна.