Првиот човек на „Скопскиот џез фестивал“ – Оливер Белопета: „Најдобро би било да добиеме нова Универзална сала со стариот амфитеатрален облик со приближно истиот капацитет, на истата локација“

Магдалена Андонова — Thu, 06 Aug 2020 09:53:47 +0000

Нов ден – нова реакција не само од народот на социјалните мрежи, туку и од многумина познати и признати културни дејци, творци и културни работници кои остро се спротиставуваат на скопските чиновници од градската власт предводена од СДСМ и градоначалникот на македонската престолнина, Петре Шилегов, за распишаниот конкурс за градење на парк со летна сцена на местото на „Универзална сала“ која во тој случај би морала да се урне. Една од најстарите културни манифестации, со традиција од безмалку 40 години и квалитет со каков што не может да се пофалат ниту многу поголеми градови, побогати држави и пореномирани институции е секако „Скопскиот џез фестивал“ ( SJF), кој со години се одржуваше токму во „Универзална сала“. На нејзината сцена во рамките на фестивалските денови настапиле дефинитивно најголемите светски имиња во оваа област. Плеада од најпознатите светски великани на џезот и блузот. Неговиот основач и човекот кој светската џез музика и нејзините великани со децении наназад ги носи во Скопје, Оливер Белопета со свој став за ступидната бесмисленост за уривање на „Универзална сала“, но и песимизам дека таа ќе биде реновирана и променета во ново руво на истото ова место каде што е сега, како и апсолутна недоверба во „евтините приказни“ на градскиот татко за изградба на некаков нов, далеку поскап „мултимедијален центар“ на нова локација. -Ова е мојата омилена фотографија од Скопскиот џез фестивал и Универзалната сала. Направена во 2006 година од Žiga Koritnik , непосредно пред настапот на Ornette Coleman. Поглед од зад сцената. Вообичаено џез фестивалот го посетуваа драги колеги од Европа и светот кои постојано говореа дека истите концерти во Скопје биле подобри отколку на нивните фестивали.Зошто? Најпрецизниот одговор постојано доаѓаше од самите музичари. “Бевме посебно инспирирани од амбиентот, велеа, од акустиката на салата и блискиот контакт со публиката“. Акустиката, со оние висечки “печурки“, мошне занимлива приказна од средината на седумдесетите години, е дело на австриски експерти. А “интимниот“ контакт помеѓу музичарите и публиката го обезбедува амфитеатралниот карактер на гледалиштето. Не случајно античките Грци граделе амфитеатри, подоцна ги правеле и Римјаните, но во целосна кружна форма и за друга намена. Скопје нема концертна сала (Универзална предолго се распаѓаше). МОБ и Филхармонија тоа не се, Тие, иако служат за се и сешто, имаат прецизна функционална намена. Скопје нема ниту вистинска летна сцена. Да, најдобро би било да добиеме нова Универзална сала, која проектно ќе води сметка за стариот амфитеатрален облик (и одвнатре и однадвор), со приближно истиот капацитет и на истата локација. Само, многугодишното искуство со сега воскреснатиот “случај Универзална“ барем мене ми укажува дека тоа нема никогаш да се случи. Како и некаков фантазиран, далеку поскап “Мултимедијален центар– напиша Белопета на Фејсбук.

Лудиот Хабиб му се закани на првиот човек на УФЦ: Ќе ти ја скршам колата (ФОТО)

Дарко Андоновски — Wed, 10 Oct 2018 07:10:21 +0000

Хабиб Нурмагомедов се пофали дека го добил шампионскиот појас во ММА по триумфот над Мекгрегор. Како што е познато, тој не го доби појасот во октагонот поради нередите во кои учествуваше, односно тепачката со навивачи и членови на стручниот штаб на противникот. Ноќеска, на својот профил на Инстаграм објави фотографија на која е со шампионскиот трофеј. Покрај тоа, Хабиб испрати и порака кон првиот човек на УФЦ, Дејна Вајт. „Дејна, имаш среќа што ми го даде појасот, инаку ќе ти ја скршев колата. Знам каде паркираш”, напиша Хабиб, се разбира, на шега.

View this post on Instagram

@danawhite you lucky that you give my belt, or I would smash your car, I know your parking location ? #SendmeLocaition

A post shared by Khabib Nurmagomedov (@khabib_nurmagomedov) on Oct 9, 2018 at 1:02pm PDT

прв човек – Kurir.mk

Лудиот Хабиб му се закани на првиот човек на УФЦ: Ќе ти ја скршам колата (ФОТО)