прв ден – Kurir.mk

ТРАГЕДИЈА НА ПРВИОТ ДЕН ОД ГОДИНАТА ВО МАКЕДОНИЈА: Младо момче загина откако во него удрил автомобил!

Тале Кристо — Sun, 01 Jan 2023 16:15:13 +0000

Денеска (01.01.2022) околу 05.20 часот во СВР Штип било пријавено дека на магистрален пат Штип – Кочани, на место викано „Брилијант“, патничко возило „опел астра“ со скопски регистарски ознаки, управувано од К.Т. од Скопје, удрило во А.Ѓ.(21) од с.Кадино, скопско и во А.П. од с.Трубарево, скопско, кои претходно патувале во истото возило. Д вајцата се здобиле со повреди и биле пренесени во Клиничка болница Штип, каде што во 07.15 часот А.Ѓ. починал , а кај А.П. биле констатирани телесни повреди. Увид извршила екипа од СВР Штип.

Кина со најмногу медали по првиот олимписки ден

Тале Кристо — Sat, 24 Jul 2021 18:20:01 +0000

Со три златни и еден бронзен медал, Кина поведе на листата со освоени одличја по првиот ден на Олимписките игри во Токио, на кој настапија македонските репрезентативци Бојан Бранковски во стрелаштво и пливачот Филип Деркоски, а следна утре рано наутро на олимписката арена ќе се натпреварува џудистката Арбреша Реџепи. Златни медали на Кина денеска и донесоа Јанг Кијан во стрелаштво, Хоу Џихуи во кревање тегови и Сун Јивен во мечување. Со златни медали се закитија и олимпијци од Италија, Јапонија, Јужна Кореја, Еквадор, Унгарија, Иран, Косово и Тајланд, додека медали по првиот натпреварувачки ден во Токио освоија спортисти од вкупно 28 држави. Македонскиот олимписки тим денеска се претстави со двајца натпреварувачи. Борјан Бранковски со нов државен рекорд го освои 21 место во стрелаштво во дисциплината воздушен пиштол на 10 метри, додека пливачот Филип Деркоски заврши последнопласиран, 36-ти, во трката на 400 метри слободен стил. Џудистката Арбреша Реџепи утре рано наутро во 4 часот по средноевропско време ќе биде третиот македонски спортист на олимписката арена во категоријата до 52 килограми.

Провокација уште на првиот ден од емитувањето: Еве што се пренесуваше на бугарската национална телевизија во Македонија (ВИДЕО)

Тале Кристо — Thu, 04 Mar 2021 12:58:55 +0000

За прв пат денеска во Република Македонија се емитуваше програмата на бугарската национална телевизија, како резултат на постигнатиот договор меѓу двете земји. Бугарската национална телевизија и официјално од денеска зрачи територија на Република Македонија, а на самиот старт со емитувањето на програмата не изостана ниту провокацијата каде што сите македонски дејци се претставени како бугарски. Договорот за емитување на бугарската БНТ беше постигнат кон почетокот на месец февруари, а истиот го договорија специјалниот пратеник во преговорите со Бугарија, Владо Бучковски, на средба со бугарскиот амбасадор Ангел Ангелов, директорот на АВМУ, Зоран Трајчевски, како и првиот човек на Телеком, Никола Љушев. Со договорот предвидува бугарскиот национален канал да се емитува на најгледаната платформа во земјава MAX TV, а во исто време, првиот канал на МТВ треба да стане и дел од пакетите на бугарските оператори. Интересно е да се слушне она што точно се емитуваше на првиот ден од емитувањето на бугарската БНТ во Македонија, во продолжение погледнете еден дел од од истото, односно македонските ревулоционери беа претставени како бугарски:

Мизрахи првиот ден во МТСП: Министерството на проблеми да го направиме да биде министерство на решенија

Тале Кристо — Sat, 04 Jan 2020 10:28:39 +0000

Првиот работен ден во Министерството за труд и социјална политика. Министерството на проблеми мора да стане Министерство на решенија. На секој човек да му се понуди шанса и надеж дека може и мора подобро, напиша на Фејсбук новата министерка за Труд и социјална политика Рашела Мизрахи. -Мораме да бидеме свесни дека станавме општество со нерамномерен развој на нерамноправни поединци. Сиромаштијата е галопирачка, ранливите категории граѓани се на маргините. Достоинството на пензионерите е разнишано. Мобингот кој е широко распространет се става под тепих и за жал не е тема за која се зборува. Улогата на жената мора да се почитува. Центрите за социјална заштита не смеат да бидат алатка за партиска политика, туку алатка за заштита на оние на кои им е потребна социјална заштита, вели во својата објава Мизрахи. Доаѓа време на одлуки и промени. Чекор по чекор кон обнова за подобра иднина, порачува новата министерка за Труд и социјална политика Рашела Мизрахи.