прв смртен случај – Kurir.mk

Во САД регистриран прв смртен случај од мајмунски сипаници

Магдалена Андонова — Wed, 14 Sep 2022 09:03:21 +0000

Жител на округот Лос Анџелес со сериозно компромитиран имунолошки систем починал од мајмунски сипаници, објави Одделот за јавно здравје во Лос Анџелес. Американскиот центар за контрола и превенција на болести (ЦДЦ) исто така го анализирале случајот и потврдиле дека смртта е последица на инфекција со мајмунски сипаници. Одделот за јавно здравје во Тексас кон крајот на август објави сличен случај на тешко имунокомпромитирана личност која починала откако му била дијагностицирана мајмунска сипаница, но сè уште не е познато дали инфекцијата била директна причина за смртта. Оние со ослабен имунолошки систем се изложени на поголем ризик да развијат тешка инфекција со мајмунски сипаници, како и децата помлади од 8 години, луѓето со историја на егзема и бремените или доилките, пишува CNN. Бројот на случаи на мајмунски сипаници опаѓа во последните недели, но неодамнешната смрт во Лос Анџелес е трагичен потсетник дека епидемијата сè уште трае и претставува ризик за некои групи. Смртните случаи од мајмунски сипаници се исклучително ретки; најчесто се работи за бебиња, трудници и лица со ослабен имунолошки систем, како што е поради ХИВ. Светската здравствена организација (СЗО) објави 22 смртни случаи од околу 58.000 заболени оваа година.

Во Шкотска први смртни случаи од Ковид-19 од 16 јули

Дарко Андоновски — Wed, 26 Aug 2020 14:20:57 +0000

Премиерката на Шкотска, Никола Старџон, потврди дека во последните 24 часа починале двајца пациенти кои биле позитивни на коронавирусот. Ова се првите смртни случаи поврзани со коронавирусот во Шкотска од 16 јули, пренесува Би-Би-Си. Во Шкотска досега од Ковид-19 починале 2.494 лица, а потврдени се 19.988 случаи на зараза.

Прв смртен случај од коронавирус во Унгарија

Дарко Андоновски — Sun, 15 Mar 2020 15:40:51 +0000

Унгарската Влада го потврди денеска првиот смртен случај од коронавирус во земјата. Во владиното соопштение се наведува дека станува збор за 75-годишен унгарски државјанин, кој починал веднаш откако е пренесен в болница со силна пневмонија и инфекција со коронавирус. Според официјалните податоци, во Унгарија има 32 потврдени случаја на заразени со Ковид-19 и 159 лица кои се ставени во карантин. Од оваа недела во земјата се затворени сите училишта и се воведени ограничувања за собирања на луѓе.