прв – Kurir.mk

Колку е важен првиот впечаток и дали може да се поправи?

Ристе Здравков — Mon, 11 Oct 2021 08:18:33 +0000

Многу е важно да оставите добар прв впечаток при запознавање со луѓе, особено во професионален контекст. Меѓутоа, некои луѓе се чувствуваат под притисок во вакви ситуации, па не можат да се покажат во најдобро светло. Веројатно ве интересира дали постои решение за овој проблем, т.е. можеме ли лесно и брзо да го поправиме впечатокот што го имаат нашите нови познаници за нас? Психолозите веруваат дека ова е можно, но дека е важно да се обрне внимание на тоа како луѓето нe перцепираат и на свесно и на потсвесно ниво. Ако, на пример, на првата средба со некои луѓе, нашите соговорници добијат впечаток дека сме нељубезни, тие не само што ќе мислат дека имаме лоши манири, туку ќе изградат во нивната глава визија дека сме и физички грди. Истото важи и во спротивниот случај. Ако покажеме срдечност и помош во општеството, луѓето автоматски ќе бидат убедени дека изгледаме добро, иако тоа можеби не е вистина. Затоа, нашата потсвест е буквална. Постојат и други примери за овој феномен. Имено, во еден експеримент, откриено е дека кога ни сервираат топол пијалок како гостин, се чувствуваме потопло кон домаќинот. Една група истражувачи дури откри дека луѓето реагираат поемотивно на тажните приказни, кога го држат прстот на шмиргла додека ги читаат. Сето ова треба да се земе предвид во случај да сакаме да поправиме лош прв впечаток. Мора да сме свесни за невообичаените начини на кои работи човечката психологија и да го искористиме ова знаење за да го усовршиме нашиот јавен изглед. Затоа, одговорот на прашањето во насловот гласи: ДА!

Пронаоѓањето на втората половина не е лесно: Овие прашања треба да ги поставите на првиот состанок

Ристе Здравков — Thu, 07 Oct 2021 07:06:20 +0000

Додека во неколку наврати пишувавме за тоа што не треба никако да се разговара на првиот состанок и кои прашања треба строго да ги избегнувате, овој пат ви споделуваме кои прашања ите како треба да ги поставите на првиот ссотанок. Можеби ќе помислите дека го имате целото време пред себе за да се запознаете подобро, но ако некој не ви одговара уште од самиот старт лесно можете да препознаете со помош на овие јасни прашања чисто да не губите време на него. Кои квалитети ги цениш кај личноста со која сакаш врска? Ако личноста со која сте на состанок тврди дека од својот партнер очекува да биде позитивен, активен, вреден, трпелив, внимателен, љубезен, и сл.. ќе ви биде јасно дали се вклопувате во неговата визија на идеалниот однос. Секако никој не може да ги исполни сите услови но ако абсолутно не можете да се пронајдете себеси на листата тогаш тоа е јасен знак во кој правец треба да одите. Како изгледа твојата работна недела? А викендот? Одговорот на ова прашање ќе ви даде јасна претстава околу тоа дали предметот на вашиот интерес е активна или пасивна личност. Дали сака излегувања, или повеќе сака ноќите да ги поминува во својот дом, гледајќи пренос на фудбал на тв? Какво е твоето семејство? Ставот околу односите во семејството е доста важен. Ако личноста со која сте на состанок има позитивно мислење за своите членови на семејството, значи дека веројатно и вие ќе се снајдете во нивна близина. Лошите односи и негативниот став наговестуваат проблеми уште од самиот старт. Што за тебе претставува предизвик? Во склоп на ова прашање може да биде додадено и прашањето „Што возбудливо си направил последно во твојот живот?“ Ова ќе ви даде јасна слика за тоа со каква личност имате работа. Ако вашиот потенцијален љубовник бега од предизвици и води мирен живот а вие имате авантуристички дух многу тешко дека ќе пронајдете златна средина. Каков е твојот однос со твоите поранешни девојки? Никој не сака да разговара за своите поранешни врски, тоа е сигурно. Но откривањето дали е во пријателски или непријателски односи може доста да ви користи. Нема да се изненадите кога бившата девојка додека шетате заедно низ град кога ќе го сретне ќе го прегрне и бакне а исто така ќе ви биде јасно ако одбие да се задржи на одредено место каде што ја видел својата бивша со нејзиното друштво, со која имал лоша разделба.

Претставен првиот електричен авион во светот

Тале Кристо — Sun, 28 Mar 2021 20:57:42 +0000

Русија ќе го претстави првиот авион со електричен мотор на саемот МАКС 2021, што ќе се одржи од 20 до 25 јули во Жуковски во московскиот регион. Оваа информација ја потврди вицепремиерот Јуриј Борисов. -Овој проект беше направен со Фондот за напредни студии. Електричниот авион што ќе го претставиме се заснова на принципите на суперспроводливост, додаде Борисов. Електричниот мотор е дел од хибридниот погонски систем, развиен од Рускиот централен институт за мотори на авиони (CIAM). Овој иновативен електричен мотор се базира на суперпроводници со висока температура со моќност од 500 kW, а тестовите на него започнаа на 5 февруари. Според извршниот директор на CIAM, Михаил Гордин, ова е еден од најважните проекти во модерната авијација. Тој додаде дека употребата на високотемпературната платформа за суперспроводливост (HTSP) е дизајнирана да реши голем број технолошки проблеми со кои веќе се соочува воздушниот сообраќај. Андреј Вавилов, претседател на Управниот одбор на „Суперокс“, посочи дека руските научници се првите во светот што започнале со тестирање на мотор на електричен авион базиран на HTSP. -Развојот на таков проект е резултат на долгогодишно истражување и тестирање. Зад нас се стотици произведени прототипови и десетина тестирани и произведени примероци на мотори со различна моќност, истакна Вавилов. Планирано е оваа нова технологија да се искористи за дизајнирање мотори и енергетски комплекси за целосно електрични авиони и хеликоптери, пишува „Русија денес“.

Помина првиот полициски час, санкции за оние кои нема да ја почитуваат мерката

Тале Кристо — Thu, 11 Mar 2021 06:22:57 +0000

Помина првиот седумчасовен полициски час кој се воведува како рестриктивна мерка за спречување на ширењето на коронавирусот. Од синоќа од 22 часот до 05 часот утринава беше ограничено движењето на граѓаните, а на терен беа полициските службеници кои вршеа контрола. Министерот за внатрешни работи Оливер Спасовски, кој синоќа направи обиколка на неколку пунктови, порача дека мерката мора да се спроведе во целост и оти нема да има отстапки за никого. – Оваа е мерка која никој не ја посакува, но е неопходна ако сакаме да го прекинеме ланецот на ширење на вирусот и токму заради тоа мораме сите да се придржуваме кон неа. Очекувам, како што започнавме оваа вечер, преку почитување на оваа мерка за забрана за движење, заеднички да придонесеме во наредните 14 дена да имаме намалување на ширењето на вирусот, стабилизација на состојбата и зачувување на здравствениот систем. Убеден сум дека заедно ќе ја добиеме и оваа битка против Ковид-19, изјави Спасовски. Тој апелираше до граѓаните да ја почитуваат мерката, а за оние кои нема да го сторат тоа најави прекршочни и кривични санкции. Одлуката за полициски час ја донесе Владата завчера на предлог на Комисијата за заразни болести, која очекува дека со оваа мерка ќе се спречи натамошниот пораст на бројот на заболени и хоспитализирани лица. Полицискиот час ќе трае до 22 март, а отстапки од забраната за движење ќе има за оние граѓани кои имаат потреба од итна медицинска помош. Одлуката за забрана за движење нема да важи и за патниците кои доаѓаат или заминуваат од меѓународните аеродроми, на кои како дозвола за движење ќе им се признаваат авионските карти. Оваа отстапка е иста и за патниците во меѓународниот превоз на патници. За транспортерите на лица и на стока како дозвола ќе се прифаќа патниот налог, додека транспортерите што транзитираат ќе имаат обврска најмногу за 3 часа да ја напуштат земјата од еден на друг граничен премин. За останатите граѓани, движењето во периодот од 22 часот до 05 часот ќе биде дозволено само со дозволи. Ќе важат истите дозволи кои важеа и минатата година кога беше воведен полициски час. На оние кои ги изгубиле дозволите, Министерството за информатичко општество и администрација (МИОА) ќе им издаде нови. Одлуката за полициски час беше донесена по зголемениот број на заразени и хоспитализирани лица. Владини претставници во изминатите денови во изјави за медиумите посочија дека полицискиот час е неопходна мерка и апелираа до граѓаните да ги почитуваат мерките за заштита. Вицепремиерот за економски прашања Фатмир Битиќи вчера изјави дека не било лесно да се донесе одлуката за полициски час, но оти тоа се прави за да не дојде до порестриктивни мерки. Од Владата најавија дека ќе ја следат епидемиолошката состојба и оти следните мерки ќе бидат носени согласно тоа како таа ќе се развива. Првите мерки за заштита од коронавирусот беа донесени пред една година.

Во Словачка прв смртен случај од Ковид-19 од мај

Тале Кристо — Fri, 31 Jul 2020 11:55:38 +0000

Во Словачка во последните 24 часа е регистриран првиот нов смртен случај од Ковид-19 по 15 мај, а заразени се уште 27 лица. Од почетокот на пандемијата, коронавирусот во Словачка е потврден кај 2.292 лица, од кои 29 пациенти ја изгубиле битката со болеста. Во моментов во болниците има 15 лица за кои е потврдено дека имаат Ковид-19 и уште 16 кај кои тоа не е случај, при што двајца пациенти се сместени на одделенија за интензивна нега. Во моментов има 568 активни случаи на заразата.

Прв смртен случај од Ковид-19 во Етиопија

Тале Кристо — Sun, 05 Apr 2020 16:18:14 +0000

Етиопија денеска го потврди првиот смртен случај на пациент со Ковид-19, изјави министерката за здравство во земјата, Лиа Тадесе. Станува збор за 60-годишна жена, која од 31 март се наоѓа на лекување во главниот град Адис Абеба. Во Етиопија има регистрирано вкупно 43 случаи на инфицирани со новиот коронавирус и четири пациенти кои оздравеле.

Прв смртен случај од коронавирус во Кувајт, заразени вкупно 479 лица

Тале Кристо — Sat, 04 Apr 2020 12:53:33 +0000

Кувајт денеска го потврди првиот смртен случај од коронавирусот. Бројот на заразени во изминатите 24 часа е зголемен за 62, на вкупно 479, соопштија локалните власти.

Прв смртен случај од коронавирус во Велика Британија

Тале Кристо — Thu, 05 Mar 2020 19:37:22 +0000

Во Велика Британија денеска е регистриран првиот смртен случај од коронавирус, објави весникот „Мирор“. Еден повозрасен пациент со лоша здравствена состојба почина откако беше позитивен на тестот на коронавирус, а се претпоставува дека се заразил во Велика Британија. Ова е прв смртен случај во Британија од коронавирус, по смртта на британскиот државјанин на 28 февруари на бродот „Дајмон Принцес“, кој се наоѓаше во карантин во близина на јапонското пристаниште Јокохама.