прва македонска лига – Kurir.mk

Комплетирано деветтото коло во ПМФЛ

Дарко Андоновски — Sun, 02 Oct 2022 15:54:30 +0000

Со три натпревари одиграно попладнево во Прилеп, Скопје и Кавадарци, заокружено е деветтото коло од Првата македонска фудбалска лига. По една победа забележаа домаќините и гостинските фудбалери, а не Чаир дербито заврши нерешено. Резултати: Победа – Шкендија 1:3 Шкупи – Силекс 0:0 Тиквеш – Скопкје 2:0. Вчера, лидерот Струга одигра 1:1 на гостински терен против Македонија Ѓорче Петров, додека Работнички во Штип ја победи Брегалница со 3:1. Табела: Струга 25 бода, Силекс и Шкендија по 15, Тиквеш 13, Шкупи 12, Брегалница 11, Работнички 10, Македонија ЃП 9, Академија Пандев 7, Победа и Скопје по 4.

ПМФЛ: Прво реми на лидерот Струга

Дарко Андоновски — Sat, 01 Oct 2022 14:56:03 +0000

Фудбалерите на Струга ја прекинаа победничката серија во Првата македонска фудбалска лига (ПМФЛ), откако попладнево во воведниот натпревар од 9. коло лидерот на табелата одигра нерешено 1-1 (0-0) на гостински терен против Македонија Ѓорче Петров. Струга беше блиску да ја забележи и деветтата прволигашка победа и до самиот финиш на натпреварот имаше водство со голот на Шабани во 64 минута. Десетина минути подоцна Македонија ЃП остана со играч помалку на теренот поради исклучувањето на Матеус, но домаќините успеаја да стават крај на победничката низа на Струга, освојувајќи бод со погодокот на Алексовски во 86 минута. Струга сега на лидерското место има 25 бодови, додека Македонија ЃП остана на осмото место со девет бодови.

Клубовите од ПМФЛ: Нема услови да се доиграат преостанатите натпревари од тековната сезона

Дарко Андоновски — Mon, 18 May 2020 13:47:00 +0000

Раководството на Фудбалската федерација на Македонија (ФФМ) денска одржа состанок со раководните луѓе на десетте клубови од Првата македонска фудбалска лига. Претставниците на Вардар, Силекс, Шкендија, Ренова, Македонија Ѓ.П., Шкупи, Академија Пандев, Работнички, Борец и Струга Трим Љум биле присутни на состанокот со претседателот на ФФМ, Муамед Сејдини, потпретседателот Лазар Ракиџиев, генералниот секретар Филип Поповски, заменик генералниот секретар, Дрилон Ганиу и претседателот на натпреварувачката комисија, Игор Франговски. Состанокот имал консултативен карактер во однос на начинот и предлозите за завршување на прекинатата натпреварувачка 2019/2020 сезона од Прва МФЛ. Конечна одлука за натпреварувачката сезона ФФМ заедно со клубовите ќе донесе на нов состанок во најскоро можно време откако ќе ги добие препораките и мерките од протоколот за одржување тренинзи и одигрување натпревари од координативниот кризен штаб за обезбедување целосна координација во врска со спречување на внесување и ширење на Корона вирус КОВИД-19. На денешната средба претставниците на прволигашите се согласиле дека поради органичената временска рамка нема услови да се одиграат сите преостанати натпревари до крајот од тековната сезона (13. натпреварувачки кола и ½ финале и финале од Купот на Македонија). По добивањето на протоколот за заштита од коронавирус, федерацијата и клубовите ќе излезат со заеднички став околу евентуалното продолжување на првенството во скратен формат или целосен прекин на натпреварувачката сезона 2019/2020. ФФМ веќе е во процес на изготвување на протокол за одржување на тренинзи и одигрување на натпревари во услови на коронавирус и истиот ќе го презентира пред надлежните здравствени институции, се вели во соопштението.

Вардар подобар од Работнички, Шкендија убедлива во Кратово

Дарко Андоновски — Thu, 28 Mar 2019 16:20:56 +0000

Попладнево се одиграа четири натпревари од 24.коло во Првата македонска фудбалска лига по кое Шкендија е чекор поблиску кон нова шампионска титула. Тетовци славеа убедлив триумф на гостувањето кај Силекс, додека во градското дерби Вардар го победи Работнички. Постигнати резултати: Работнички – Вардар 0:2 Ренова – Беласица 3:2 Шкупи – Македонија ЃП 0:1 Силекс – Шкендија 0:3. Натпреварот Победа – Академија Пандев е одложен. Табела: Шкендија 53 бода, Вардар 45, Академија Пандев 42 (натпревар помалку), Ренова 33, Шкупи 3, Работнички 31, Македонија ЃП 29, Силекс 24, Беласица 19, Победа 18 (натпревар помалку).

ФК Осогово покренува иницијатива: Мултипренос од македонска Прва и Втора фудбалска лига на ТВ од следната сезона

Ивона Петрова — Tue, 25 Dec 2018 14:01:59 +0000

Фудбалскиот клуб Осогово од Кочани преку социјалните медиуми од вчера покрена кампања за воведување на мултипренос од македонската Прва и Втора фудбалска лига на телевизиските станици. Како што наведуваат од клубот, очекуваат поддршка од останатите фудбалски клуботи во земјава.