прваче – Kurir.mk

Нема поубава, ја знаеме сите: Прочитајте им ја оваа песничка на сите првачиња

Ивана Ефремовски — Sun, 27 Aug 2023 20:53:13 +0000

За неколку дена започнува учебната година.Сите првачиња треба да ја слушнат оваа прекрасна стихотворба која сите возрасни ја знаеме. Брзај брзај прваче кон школскиот двор, те чека учителка со мајчински збор. Букви, сказни, песнички на секој нов час, таа ќе ти кажува со милослив глас. Брзај брзај прваче ѕвонче шири глас, децата се собрале за првиот час.

Стефковски: Доделуваме 3000 денари за секое прваче

Ивона Петрова — Thu, 17 Aug 2023 08:55:59 +0000

Градоначалникот на општина Гази Баба Бобан Стефковски во објава на својата официјална страна на фејсбук, информира дека општина Гази Баба доделува 3000 денари за секое прваче. -Општина Гази Баба ја реализира мерката за доделување на еднократна финансиска поддршка од 3000 денари за секое семејство кое ќе има запишано прваче. Во услови на економска криза и сериозна инфлација како локална самоуправа преку доделување на директна финансиска помош даваме поддршка на семејствата кои имаат запишано прваче. Оваа мерка во учебната 2023/2024 година се реализира по втор пат и доаѓа како исполнето ветување од мојата програма за градоначалник на општина Гази Баба. Ги повикувам сите семејства од територија на општина Гази Баба кои имаат првоодделенче да ја искористат можноста и да поднесат барање за исплата. Потребни документи: Потврда од основно училиште Извод од матична книга на родени Копија од лична карта на еден од родителите Копија од трансакциска сметка, напиша Стефковски.

Еднократна парична помош за секое прваче во Општина Аеродром

Ивона Петрова — Wed, 16 Aug 2023 08:53:12 +0000

Во време на финансиска неизвесност и дополнителни трошоци за родителите, Општина Аеродром реализира уште една мерка со која директно се помага на семејниот буџет и ги мотивира најмладите за успешен почеток на учебната година. Продолжува успешно воспоставената практика и во тек е пријавувањето за доделување еднократна парична помош во износ од 3500 денари, наменета за секое запишано прваче во училиштата на територија на Општина Аеродром. Рокот за пријавување трае до 29 септември, а родителите на првачињата можат да ги преземат документите на линкот http://aerodrom.gov.mk/dokumenti/formulari или директно во просториите на Општината.

Училишниот прибор поскап за 50 отсто, за прваче во просек потребни до 100 евра

Ивона Петрова — Sun, 14 Aug 2022 07:30:29 +0000

Пред почетокот на учебната година, родителите веќе почнаа да ги подготвуваат своите деца за училиште. Се купуваат тетратки, училишен прибор, ранци и останат училишен материјал, но за разлика од минатите години сега цените се повисоки во просек за 50 до 60 проценти. Така, сега за опремување на едно прваче потребни се во просек од 5.000 до 6.000 денари за разлика од пред пандемијата кога трошоците за прваче се движеа од 3.000 до 4.000 денари. Од книжарниците, кои се најпосетувани дестинации во овој период од годината, информираат дека цените на училишните материјали се зголемени од 50 до 60 отсто за разлика од минатите години односно пред почетокот на пандемијата. Според информациите што МИА ги доби при обиколката на книжарниците, семејствата кои имаат прваче ќе треба да одвојат околу 3.500 денари за моливи, пенкала, боички, ножички и несесер со вклучен прибор, од 500 до 1000 денари за тетратки, а трошоците за ранец се движат од 700 до 3.000 денари во зависност од моделот и квалитетот. За учениците од второ до деветто одделение трошоците се за нијанса помали, велат од книжарниците, затоа што можеби учениците се уште имаат материјали од минатата година и можеби нема да купат нов ранец. Така, нивните трошоци би се намалиле за 1.000 до 2.000 денари или околу 27 отсто помалку. Најголем скок на цените има кај тетратките што, според книжарниците, се должи на поскапувањето на хартијата. Ако цената на една мала тетратка пред пандемијата била 10 денари, сега за истата тетратка се плаќа двојна сума односно 20 денари. Поквалитетните тетратки кои пред пандемијата можеле да се купат по цена од 30 денари, сега се поскапи за 33 до 50 отсто односно нивната сегашна цена се движи од 40 до 45 денари. Истото се случува и со фломастерите за кои пред пандемијата оптималната цена била 65 денари, а сега се продаваат по цена од 95 денари. Поскапен е и останатиот училишен прибор. Од книжарниците велат дека цените зависат од брендот и од квалитетот на материјалите. Може да се најдат и поевтини и поскапи материјали. МИА

Општина Кисела Вода обезбедува ранче за секое прваче

Ивона Петрова — Thu, 09 Jun 2022 10:43:26 +0000

Првачињата од Кисела Вода кои од септември за првпат ќе седнат во училишните клупи, од Општината ќе добијат бесплатна училишна чанта со неопходниот прибор за настава. Овој проект има за цел да им овозможи финасиско олеснување на семејствата кои имаат првоодделенци. Со проектот се опфатени сите 600 запишани првачиња во сите основни училишта на територија на општина Кисела Вода. - Првиот училишен ден значи голема возбуда за сите првачиња и за нивните родители. Сепак, се поскапиот живот во земјава носи големи грижи, посебно кога во семејството има еден или повеќе ученици за кои треба да се обезбеди чанта, училишен прибор, впрочем сето она што на дечињата им е неопходно за да бидат дел од наставниот процес. Токму затоа, Општина Кисела Вода, преку проектот “Ранче за секое прваче”, ќе обезбеди за идните првачиња од сите општински основни училишта бесплатна чанта, тетратки и прибор. Се надевам дека ова олеснување на семејниот буџет ќе им овозможи на родителите и првачињата претстојниот 1 септември да го паметат само по убави нешта. Паралелно, вложувањата во унапредување на наставата ќе продоли со несмален интензитет. Ќе потсетам дека во оваа учебна година го реализиравме проектот “Компјутер за секој наставник”, а обезбедивме и донација од смарт табли, со што сега сите основни училишта се опремени со уреди кои помагаат да се подобрат дигиталните вештини на учениците-изјави градоначалникот Орце Ѓорѓиевски.

Прваче од регионот и одржа лекција на новинарката- таа му се извини бидејќи не ги почитува мерките за заштита од короната (ВИДЕО)

Дарко Андоновски — Thu, 03 Sep 2020 07:51:04 +0000

Во основните и во средните училишта во Сараевскиот кантон во Босна и Херцеговина наставата веќе започна. Една новинарка имала интересен разговор со едно прваче, кое објаснува како треба правилно да се придржува до пропишаните мерки. – Стави ја маската на нос – ја опоменува првачето и потоа се повлекува за да држи дистанца. Погледнете ја снимката почнувајќи од 29 секунда.

Прваче од БиХ ја искара новинарката која го снимаше: „Стави ја маската на нос и оддалечи се малку“ (ВИДЕО)

Магдалена Андонова — Wed, 02 Sep 2020 10:15:13 +0000

Наставата во новата учебна година започна вчера во основните и средните училишта во Сараевскиот кантон во Босна и Херцеговина. Репортерката водеше интересен разговор со првачињата и нивите родители. Токму меѓу нив ѝ објасни како правилно да се придржува до мерките. Видеото може да го погледнете ТУКА.

Трагедија во основно училиште: Дете одеднаш паднало од столче- прваче почина вчера за време на настава

Матеја Петровски — Sat, 13 Oct 2018 12:24:08 +0000

Ученик на шестгодишна возраст (Ф.Ј.) во прво одделение во Основното училиште „Зенеј Хајдини“ во село Рајница кај Прешево, починал вчера за време на настава. Според сведочењето на наставничката Ифета Ибрахими, момчето на почетокот на петтиот час само одеднаш паднало од столчето. -Детето не се пожали дека нешто го боли, а никому не му е познато дека имало здравствени проблеми. Кога падна од столчето го кренав и повикав помош. Брзо го однесовме на лекар , рекла наставничката. Шукри Имери, директор на училиштетот кажал дека докторите 20 минути се обидувале да го реаниимираат, но можеле само да констатираат смрт. Директорот додал дека момчето било покрупно и повисоко од останатите деца и дека во текот на денот не се жалело на тегоби. Обвинителката од Врање, Данијела Трајковиќ поттврдила дека момчето починало поради проблеми со срцето. На телото на момчето немало видливи повреди.