првенство на минување – Kurir.mk

Полицијата за 5 часа казни 61 возач кои не давале првенство на поминување

Магдалена Андонова — Wed, 19 Oct 2022 10:27:50 +0000

Во текот на вчерашниот ден (18.10.2022) во периодот од 07.00 до 12.00 часот Министерството за внатрешни работи спроведе засилена акциска контрола за санкционирање на возила кои не даваат првенство на минување на крстосница на територијата на Република Северна Македонија, при што санкционирани се 61 возач. Од нив, 16 на територијата на СВР Тетово, 14 на територија на СВР Битола...При контролата санкционирани се и 153 други прекршоци. Засилените акциски контроли продолжуваат и во наредните денови. МВР апелира до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Полицијата казни 48 возачи поради недавање првенство на минување на крстосница

Магдалена Андонова — Mon, 19 Jul 2021 13:40:52 +0000

Денеска (19.07.2021) од 07.00 до 11.00 часот Министерството за внатрешни работи спроведе зајакната акциска контрола на територијата на Република Македонија за санкционирање на возачи кои не даваат првенство на минување на крстосница, при што санкционирани се 48 возачи. Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Тепачка во Скопје поради првенство на минување во сообраќајот

Ивона Петрова — Thu, 18 Oct 2018 14:23:08 +0000

Нарушување на јавниот ред и мир со тепачка вчера регистрирала полицијата на улицата „Љубљанска“ во Скопје. -Тепачката настанала помеѓу Ф.В.(18), С.В.(30) од една страна и Б.Х.(45) и И.Ѓ.(23) од друга страна. Б.Х. се здобил со телесни повреди констатирани од страна на лекар од Градската општа болница “8-ми Септември“, информираат од МВР. До нарушувањето на јавниот ред и мир дошло поради претходна вербална расправија околу давање првенство на минување во сообраќајот. Се работи на расчистување на случајот.

Најмладите од Кавадарци се запознаа со возилата со првенство на минување

Дарко Андоновски — Wed, 09 May 2018 11:53:17 +0000

Претставници на кавадаречката полиција денеска на најмладите им ги презентираа возилата со првенство на минување. Станува збор за превозните средства на полицијата, Итната медицинска помош и Противпожарната служба. Настанот беше во рамки на превентивните активности под мотото „Да ги заштитиме децата во сообраќајот“, како и одбележувањето на деновите на полицијата. - Целта е најмладите учесници во сообраќајот, дечињата од градинките, да се запознаат со работата на овие служби и да ги утврдат своите знаења од оваа област. Многу е важно што тие уште од најмала возраст ги знаат телефонските броеви на кои можат да побараат помош во несакани ситуации, нагласи Димитар Каракулев, самостоен инспектор за превенција. Дечињата имаа можност и да влезат во возилата со првенство на минување, за и практично да видат како тие функционираат.