првенство – Kurir.mk

ПСЖ го има најлошиот старт на сезоната во ерата на катарските сопственици

Тале Кристо — Sat, 16 Sep 2023 08:00:54 +0000

Пари Сен-Жермен синоќа загуби од Ница (2:3) во 5. коло од францускиот шампионат. Парискиот тим има осум бода (две победи и две нерешени) од пет натпревари и се наоѓа на 3. место во поредокот. Осумте бодови на ПСЖ од првите пет кола се најслабиот резултат во ерата на катарските сопственици на клубот. На 31 мај 2011 година, „Qatar Sports Investments“ (QSI) купи 70 отсто од акциите на ПСЖ, а една година подоцна стана единствен сопственик на клубот.

Фотографија која ги скара автошколите и судот, а го подели и мислењето на јавноста: Кој има првенство на минување во оваа ситуација?

Ристе Здравков — Mon, 04 Jul 2022 12:01:25 +0000

Фотографија од една крстосница предизвикала полемика на социјалните мрежи, а ниту судскиот вештак ниту инструктор по возење не се согласиле во тоа кој има првенство на минување. Правилата во сообраќајот предизвикале голема полемика на социјалните мрежи, а мислењата се многу поделени, додека пак постојат и разлики меѓу судскиот вештак и инструктор во автошкола. На објавената фотографија од крстосницата може да се воочи црвен и бел автомобил. Покрај црвениот автомобил има знак СТОП, додека пак покрај белиот има означен триаголник. Црвениот автомобил оди право, додека пак белиот врти. Прашањето е – кој има првенство на минување? Многумина тврделе дека белиот автомобил има првенство на минување, иако врти. „Белиот има предност, се гледа од авион. Ниту возам, ниту имам возачка, но како совозач учиш“, напишал некој под фотографијата. „Мајко мила, со оглед на овие одговори тука се чудам дека низ годиниве не ме удрил некој автомобил. Оние кои мислат дека СТОП е помоќен, подобро веднаш нека ја вратат возачката дозвола. СТОП има еднаква тежина како и знакот за споредна улица. Тој на СТОП мора да застане, а мора и овој белиот поради тоа што црвениот има предност. Се надевам дека сите кои ќе кажат дека белиот автомобил има предност на минување еден ден ќе останат без возачка“, вели друг корисник. Ситуацијата дополнително се комплицирала откако судски вештаци тврделе едно, а инструктори во автошкола друго. Хрватски „24sata“ го повикал експертот Горан Хусинец којшто го изјавил следното: „Секако дека белиот има предност. Црвениот има знак СТОП и тој мора да застане на знакот. Меѓутоа, и едниот и другиот возач мора да внимаваат еден на друг, за да не дојде до забуна. Автомобилите кои имаат знак СТОП секогаш мора да ги препуштат останатите автомобили на крстосница. Значи, доколку белиот автомобил на крстосницата врти лево, црвениот мора да го пропушти. Правилото со задржување на насока на движење во овој случај не важи“, истакнал тој. Од друга страна, од автошколата изјавиле: „Мислите дека белиот има предност на минување затоа што пред црвениот има знак СТОП? Возилото со црвена боја мора да запре, но само за да го пропушти возилото кое доаѓа од патот со првенство на минување, но не и белиот автомобил“, велат оттаму. Што мислите вие?

Македонските кошаркари бараат да почне првенството

Тале Кристо — Tue, 13 Oct 2020 14:32:59 +0000

Асоцијација на Кошаркарски Играчи денес преку соопштение побара од надлежните да донесат одлука за почеток на првенството со запазување на здравствени протоколи. Во продолжение во целост го пренесуваме соопштението: Асоцијацијата на Кошаркарските Играчи бара да се дефинираат здравствените протоколи поврзани со КОВИД-19 пандемијата, а се однесуваат на одржување на спортски натпревари. Сведоци сме на различно толкување на протоколите од страна на различни екипни спортови, а најголеми губитници сме ние Кошаркарските играчи и оние кои го следат и сакаат овој спорт, бидејќи единствено кошаркарското првенство не е започнато. Првенствата за сите други екипни спортови се започнати, а истовремено и заболените со КОВИД-19 се третираат на различен начин отколку што се постапува со нас кошаркарите. Нашето првенство неколкупати се одлага поради позитивни случаи со КОВИД-19, целите тимови (дури и оние кои се негативни и без никакви симптоми) се ставаат во изолација поради еден позитивен случај и поради тоа нема услови за започнување со натпреварување. Додека во другите спортови само позитивните случаи се изолираат и натпреварувањата и тренинзите продолжуваат. Ние како спортисти се залагаме за здрав живот и безбедност за сите и апсолутно ќе го почитуваме сите мерки кои ќе бидат наложени, но истовремено во духот на спортот е да има правичност, неселективност и еднаков пристап кон сите, така што бараме протоколите да бидат исти за нас како и за сите. Сите се обидуваме да се навикнеме на „новата реалност“ и важно е да не дозволиме и оваа сезона да пропадне. За нас спортистите да не тренираме и да не се натпреваруваме има големи последици по нашата физичка подготвеност, врз нашата работа и егзистенција, а може да ни се случи и одлив на младите сили и кадри. Да бидеме безбедни и разумни истовремено и да оствариме и спортски живот со највисоко ниво на безбедност на нашите спортисти! Внимавајте на себе, држете дистанца, спортувајте! Сезоната 2020/21 во Македонската кошаркарска Прва лига требаше да почне на 3 октомври, потоа беше одложена за една недела, но одново поради коронавирус почетокот беше одложен.

Две сценарија за крај на сезоната во пинг-понгарското првенство

Тале Кристо — Mon, 25 May 2020 09:41:59 +0000

Во очекување на олабавување на рестриктивните мерки донесени од владата, Македонската пинг-понгарска федерација изготви план на кој начин да се заврши сезоната 2019/20. Според првото сценарио доколку условите овозможат одигрување на откажаните натпревари заклучно со 5 јули, планирано е во три натпреварувачи циклуси да заврши лига првенството за сезоната 2019/20. Во првиот и во вториот циклус планирано е да се заврши регуларниот дел од лига првенството, додека третиот циклус е предвиден за плеј-оф натпреварите кои поради ситуацијата би имале скратен формат. Во плеј-офот учествуваат четири најдобро пласирани екипи од супер лигата по завршувањето на регуларниот дел од првенството. Во истиот, трет циклус планирано е одигрување и на бараж натпреварите за пласман во повисок степен на натпреварување и опстанок во лигите. Доколку сепак условите не дозволат звршување на првенството до 5 јули, федерацијата изготви план според кој нема да има испаѓање од лигите. За да нема оштетени екипи според моменталната ситуација на табелите во лигите од првенството Супер лигата ќе се прошири од осум на десет екипи, од првата лига во супер лига ќе се пласираат првопласираните три екипи. Првата лига ќе се пополни со трите првопласирани екипи од регионалните втори лиги. Доколку првенството нема можност да се одигра до крај, пинг понгарската федерација нема да прогласи шампион за сезоната 2019/20. Последните натпревари во македонското пинг-понгарското првенство се одиграа на 8 март по што настана прекин поради пандемијата на коронавирус.

Втор ден од Европското карате шотокан првенство во Скопје (ФОТО)

Тале Кристо — Sat, 02 Nov 2019 10:08:06 +0000

Во Скопје во арената “Борис Трајковски“ втор ден се одржува Европското карате шотокан првенство на кое учествуваат повеќе од 1500 натпреварувачи од 20-тина земји од Европа. Во Скопје пристигна и претседателот на Светската отокан организација Есад Делихасан кој воедно е и претседател на Турската и на Балканската ВКФ федерација. Најмногу натпреварувачи пријавиле Романците – 390, Македонија – 146, Турција – 86, Бугарија -72 итн. Инаку, Европското карате шотокан првенство ќе трае три дена и тоа од 1 до 3 ноември.