први април – Kurir.mk

Како настанал Денот на шегата?

Тале Кристо — Sat, 01 Apr 2023 07:49:51 +0000

Општопознато е која е целта на Први април- среќа и смеење, но не е познато од каде потекнува. Како настанал Денот на шегата и каква е неговата историја? Она што е уште поинтересно е фактот дека не постои точно дефиниран одговор на поставеното прашање, постојат само теории. Еве и пет најинтересни факти за овој весел празник. Библијата Потеклото на овој интернационално признат ден датира уште од библиски денови, кога историјата на човештвото првпат почнала да се запишува. Оваа теорија истакнува дека празникот на шегата се слави кога Ное, по првпат пуштил гулабица да провери дали водата од големата поплава се повлекла. Дека тоа било на први април потврдено е и во Хебрејската Библија, како и во 71 сури на Куранот. Уште една теорија зборува дека Исус бил пратен од страна на Понтие Пилат до Ирод и назад токму на овој ден. Овој пат често е нарекуван и како залудна работа, т.е. како шега. Па токму поради тоа се смета дека тој ден од тогаш се смета и како Ден на шегата. Рим Шегите кои се одвивале на 1 април исто така датираат од времето на древниот Рим. Се смета дека Римјаните и Келтите празнувале фестивал на шегите во време на пролетната рамнодневница која се случува близу до Денот на шегата. Исто така, постои и древен римски мит кој зборува за богот Плутон и неговото киднапирање на Просерпина, божица на житото и жетвата. Мајката на Просерпина можела само да го слушне гласот на својата ќерка и залудно ја барала по огромните пространства на подземниот свет. Ова исто така, како и кај случајот со Исус, се сметало за залудна работа. Префрлање од Јулијанскиот на Грегоријанскиот календар Римјаните и Хиндусите Новата година ја славеле веднаш по пролетната рамнодневница, која паѓа на 20 или на 21 март. Во средниот век, поголемиот дел од Европа на 25 март го славел празникот Благовести, како почеток на празнувањето на Новата година. Славењето траело една недела, се до 1 април. Папата Грегор 12 во 1582 година наредил почитување на грегоријанскиот календар, според кој Новата година се прославува на 1 јануари. Бидејќи народот никогаш не бил склон на прифаќање на нови правила во секојдневниот живот, многумина одбиле да се покорат на календарот на папата Грегор и продолжиле да ја слават Новата година околу 1 април. Тие кои го прифатиле новиот календар, тој ден правеле шеги на сметка на неинформираните, исмевајќи ги нивните застарени слави. Британска култура Една од теориите е поврзана за британскиот крал од 13 век. Имено, овој крал секој пат кој го поминувал, го прогласувал за јавно добро. Еднаш на 1 април, планирал да помине низ дел од градот Нотингемшир. Кога ги слушнале плановите на кралот, граѓаните се одлучиле да не му дозволат да влезе во градот. Кралот поради тоа испратил војска, за да ги казни непослушните граѓани, но кога војската стигнала, цел град се впуштил во будалести активности, како што е давење риби на суво. Кога слушнал како се однесуваат жителите на овој град, кралот го прогласил градот за премногу глупав за казна. Завршува во 12 часот, на пладне Иако е еден од најпопуларните интернационални празници, малку луѓе знаат дека времето за шеги е дозволено само до 12 на пладне.

Утре е Први април: Како настанал Денот на шегата?

Катерина Бојаџиева — Fri, 31 Mar 2023 17:57:17 +0000

Доаѓа Први април: Како настанал Денот на шегата?

Катерина Бојаџиева — Thu, 30 Mar 2023 19:29:36 +0000

Денес ни пристигна младата месечина во Овен – за овие 4 хороскопски знаци веќе ништо нема да биде исто!

Дарко Андоновски — Fri, 01 Apr 2022 14:44:01 +0000

Денес на 1 април, симболичен датум, во точно 8:25 часот ни пристигна важен астролошки настан, а тоа е младата Месечина во Овен. Младата месечина во Овен ќе биде поттик за донесување нови одлуки, така што ова е излив на позитивна енергија што треба да ја искористиме за да бидеме претприемнички. Бидејќи Овенот е знак кој е борбен и храбар и тврдоглаво ги брани своите грешки, позицијата на младата Месечина во овој знак ќе биде поттик за луѓето конечно да направат нешто што ќе им обезбеди подобра позиција во иднина. Младата Месечина во Овен ќе има најголемо влијание врз Овенот, Ракот, Вагата и Јарецот. ОВЕН – Младата месечина ќе се одвива во вашето прво поле на личноста, што ви носи позитивна трансформација. Ова е излив на позитивна енергија што треба да ја искористите за да реализирате важни работи што се однесуваат на вашиот личен живот. Ова е можност за позитивни промени кога се во прашање изгледот и стилот на облекување, па ќе бидете многу модерни. РАК – Младата месечина во Овен се одвива и на вашето десетто поле, што ќе биде вистински деловен предизвик. Тоа е тест да се направи нешто конкретно и смело! Не бидете мрзливи, туку напредувајте кон вашите соништа за кариера. Ова е време за будење и потсетник дека е време да се оди напред. Деловните промени доаѓаат од 1 април, затоа подгответе се за подинамичен период на работното место. ВАГА – Овој аспект укажува на промени во партнерствата. Тоа подразбира можна криза во партнерството и потреба да се промени нешто итно. Доколку сте во брак, партнерот ќе ве изненади со неговите барања. ЈАРЕЦ – Младата месечина се фокусира на прашања за домување и семејство. Реновирање, преселување, кредити за стан… сето тоа се можни ситуации со младата Месечина во Овен. Можеби размислувате да се преселите или да преземете чекор кој е важен за вашето семејство. Не е исклучена промена на живеалиштето. Позицијата на младата месечина може да ја користат Стрелецот и Лавот. Тие ќе уживаат во оваа енергија, па може да очекуваат позитивен пресврт. Стрелците можат да се надеваат на покана за состанок, а Лавовите ќе добијат добри вести од патот.

Утре е Први април: Како настанал Денот на шегата?

Катерина Бојаџиева — Thu, 31 Mar 2022 11:36:43 +0000

Првата дама на САД се маскираше како стјуардеса, а ова што им го направи на новинарите ги шокираше сите

Магдалена Андонова — Fri, 02 Apr 2021 10:57:37 +0000

Првата дама на САД, Џил Бајден, по повод вчерашниот Ден на шегата, се облече како стјуардеса и ги почести новинарите по еден сладолед, како дел од својата шега. Во своите мемоари објавени пред две години, г-ѓа Бајден пишува: „Секогаш велам – укради си радосен миг, секогаш кога можеш.“ Таа вели и дека сака да се шегува… Така, вчера покани група новинари на лет со неа од Калифорнија до главниот град Вашингтон. Среде летот, стјуардесата Џазмин со маска преку долната половина на лицето и црна перика, ги почести новинарите со сладолед и се повлече во својот простор. Кусо потоа, „стјуардесата“ се врати меѓу патниците, без маска на себе и сите сфатија дека таа е, всушност, г-ѓа Бајден. Како што велат, освен новинарите, и соработниците на првата дама биле исто толку изненадени од шегата. (МИА)