први случаи – Kurir.mk

Откако ги потврди првите случаи на коронавирусот, Северна Кореја воведува локдаун!

Магдалена Андонова — Thu, 12 May 2022 09:25:49 +0000

Северна Кореја воведе блокада низ целата земја откако ги потврди првите случаи на Ковид -19 од почетокот на пандемијата. Инфекциите предизвикани од подваријантата БА.2 на високо преносливиот вид Омикрон се откриени во главниот град Пјонгјанг на 8 мај, објавија денеска државните медиуми. Според Корејската централна новинска агенција (КЦНА), властите не го прецизираа бројот на случаи, но ја опишаа епидемијата како „тешка ситуација“. На состанокот на владата, со кој претседаваше севернокорејскиот лидер Ким Џонг Ун, се препорачани „најитни“ контролни мерки „за справување со кризата за да се спречи епидемијата“. Епидемијата предизвикува загриженост за земјата, една од ретките што нема пријавено ниту еден случај на инфекција од почетокот на пандемијата. Превентивната стратегија на Северна Кореја се потпира на целосно затворање на границите од јануари 2020 година. Светската здравствена организација нема податоци за вакцини против Ковид-19 во земјата со 25 милиони жители, откако Пјонгјанг постојано одбиваше снабдување со вакцини од меѓународната заедница. (МИА)

На Антарктик регистрирани првите случаи на Ковид-19

Магдалена Андонова — Wed, 23 Dec 2020 10:09:25 +0000

На Антарктикот, единствениот континент што не беше погоден од пандемијата со Ковид-19, пријавени се првите 36 инфицирани лица, кои биле стационирани во чилеанската истражувачка база. По тестирањето позитивни на новиот коронавирус биле 26 се припадници на чилеанската армија и 10 вработени во базата. Тие се префрлени изолација во чилеанскиот град Пунта Аренас и се во добра здравствена состојба. Вирусот бил откриен и кај тројца членови на екипажот од бродот што е поддршка на базата откако се вратиле од Антарктикот.(МИА)

Регистрирани првите случаи на вирусот Западен Нил во Грција

Тале Кристо — Sun, 19 Jul 2020 10:33:44 +0000

Во две различни периферии во Грција, потврдени се два случаи на вирусот Западен Нил, што воедно се и први годинава, јави дописничката на МИА од Атина. Од Националната организација за јавно здравје на Грција соопштуваат дека случаите, со оглед на тоа дека речиси секоја година во текот на летото и есенските месеци „се појавуваат случаи во разни области (и) во Грција“, се очекувани во актуелниот период. Според официјалните податоци од Националната организација за јавно здравје, вирусот во Грција е присутен од 2010 година, а заклучно со лани, во периодот 2010-2019 година биле регистрирани вкупно 1.216 случаи и починале 170 лица. Во 2015 и 2016 година не бил регистриран ниту еден случај, а најмногу заразени и смртни случаи имало во 2018 година – 317 случаи и 51 починат. Минатата година биле регистрирани 227 случаи, а починале 35 лица.

Први 15 случаи на коронавирус во Таџикистан

Тале Кристо — Thu, 30 Apr 2020 12:30:03 +0000

Таџикистан ги потврди првите 15 случаи на заразени со новиот коронавирус во земјата, соопшти денеска Министерството за здравство. Петмина од заразените се во главниот град Душанбе, а останатите 10 се во регионот Согд, кој граничи со Узбекистан и Киргистан, соопшти Министерството.