ВИДЕО: Прво место за хорот и оркестарот на ООУ ,,Кузман Јосифовски – Питу“ од Скопје на Интернационален фестивал во Италија

Ивона Петрова — Mon, 31 Oct 2022 10:20:06 +0000

Хорот и оркестарот на ООУ ,,Кузман Јосифовски - Питу“ од Скопје настапи на Интернационалниот фестивал во Ричоне, Римини, Италија, под името ,,Сите бои на уметноста" и го освои првото место. На фестивалот настапија 18 натпреварувачи од: Литванија, Шри Ланка, Иран, Хрватска, Израел, Ерменија и Бугарија, во различни категории. Македонскиот хор и оркестар под менторство на професорката по музичко во ООУ ,,Кузман Јосифовски - Питу, Вера Ангеловска, се покажа во право светло и ги освои симпатиите и гласовите на жирито. Со 31 глас од хористите и 9 те членови на оркестарот, настапот на македонската музичка експедиција ги изнуди аплаузите и овациите од преполната сала во ,,PALAZZO DEL TURISMO" во Ричоне, Римини Италија. Македонскиот училишен хор и оркестар, за разлика од натпреварувачите на другите учесници, го немаше епитетот професионалци, но сепак покажа дека има квалитет еднаков и подобар од професионалните музичари, што беше пресудно за победа и успех. Пехарот за 1 -то место ќе остане во трајна сопственост на училиштето, како и оригиналната статуетка од Интернационалниот фестивал, и златните медали на градите на учениците ќе останат да сведочат за овој огромен успех на хорот и оркестарот на ООУ ,,К.Ј. Питу", како прв и единствен претставник од Македонија на еден ваков Светски музички настан. Покрај хорот и оркестарот, на Фестивалот во категорија ,,вокални солисти", македонски преставници беа Лана Алексовска (која го освои 2. место) и Ева Балканова (која беше третопласирана). Овие две ученички, се воедно дел и од победничкиот хор. Од училиштето изразуваат благодарност и до наставник Наташа Петровска Дургутов која е со нив на овој настан, и до сите чинители кои овозможија учениците на ООУ Кузман Јосифовски Питу Скопје да покажат и докажат дека се најдобри.

Балетското студио „АРТ Балет“ од Македонија се закити со 3 први места, едно 2 место и едно 3 место на Светското првенство во танц

Дарко Андоновски — Wed, 27 Mar 2019 20:35:49 +0000

Балетското Студио АРТ БАЛЕТ од Скопје Општина Карпош под раководство на балерината Тамара Ѓурчиновска, заедно со деца претставници од Арт Балет Антонија Атанасова, Зорица Тасевска и Нина Димитриоска, изминатиов викенд од 15 до 17 март 2019 година беше претставник на Македонија на Европското Првенство по Танц во Москва, Русија во организација и лиценцирано од Светската Артистичка Танцова Федерација. Арт Балет издвои голема победа на Светското Првенство и се закити со 3 први места злато, едно 2 ро место сребро и едно 3 то место бронза во класичен балет, модерен балет, џез балет и акробатика.За нивната победа на ова првенство се свиреше Македонската Химна и беше објавено и македонското знаме. Македонија за прв пат имаше свој претставник Арт Балет учесник на овој Европски Шампионат во Москва, Русија. Гордоста е голема бидејќи Арт Балет и децата заминаа со сопствени средства и гордо и достоинствено со огромен труд, посветеност се подготвуваше и достоинствено со висок квалитет на подготвеност ги одбрани боите на Македонското знаме и гордо ги примија наградите проследени со нашата Химна. На Европското Првенство учество земаа над 22 држави а во сите 3 дена се одвиваше на 3 сцени истовремено и децата учесници беа отценувани од врвни професионалци од областа на танцот од сите танцови стилови судии од Филипините, Германија, Белгија, Италија, Грција, Хрватска, Србија, Романија, Словенија, Ерменија, Белорусија, Русија, Црна Гора, Словенија, Холандија Полска, Чешка, Австрија Швајцарија, Шведска, Македонија итн. Заслугата за оваа победа ја носат: Балетско Студио Арт Балет, Тамара Ѓурчиновска балетски педагог и кореограф, Антонија Атанасова ученик во Арт Балет (Јан Амос Коменски), Зорица Тасевска од арт балет (Војдан Чернодрински и Нина Димитриоска од арт балет (Коле Неделковски).

прво место – Kurir.mk

ВИДЕО: Прво место за хорот и оркестарот на ООУ ,,Кузман Јосифовски – Питу“ од Скопје на Интернационален фестивал во Италија

Балетското студио „АРТ Балет“ од Македонија се закити со 3 први места, едно 2 место и едно 3 место на Светското првенство во танц