првомајска – Kurir.mk

ТЕШКА СООБРАЌАЈКА НА ПРВОМАЈСКА: Автомобил удрил во малолетник, детето пренесено во болница

Магдалена Андонова — Tue, 24 Aug 2021 10:05:34 +0000

На 23.08.2021 во 17.40 часот на ул.„Борис Трајковски“ во Скопје, патничко возило „сеат алтеа“, со скопски регистарски ознаки, управувано од И.Ц.(38) од Скопје, удрило во малолетен пешак од Скопје. Во незгодата пешакот се здобил со тешки телесни повреди, констатирани во Градската општа болница „Св.Наум Охридски“. Увид на местото на незгодата извршила екипа од СВР Скопје.

ОЈО со детали: Ова е причината за страшната сообраќајка на Првомајска

Ивона Петрова — Thu, 10 Jun 2021 08:35:43 +0000

Јавен обвинител од Основното јавно обвинителство Скопје заедно со екипа од МВР, изврши увид на самото место каде на 8 јуни 2021 година, во 23:05 часот, во Скопје, на ул. „Борис Трајковски“ се случи сообраќајна несреќа во која животот го загубија две лица. По наредба на обвинителството обезбедени се и подигнати траги од лице место, обезбедена е фото документацијата од местото на настанот, издадени се наредби за сообраќајно техничко вештачење, како и за вршење обдукција на телата на починатите. Извршени се и други проверки со цел прибирање на материјални и вербални докази за натамошно расветлување на настанот. -Според првичните сознанија на обвинителството, сега осомничениот, 25-годишен жител на с. Батинци, скопско, управувал со патничко моторно возило Хундаи Акцент по левата сообраќајна лента од улицата „Борис Трајковски“. Кога пристигнал пред крстосница, непочитувајќи ги надолжните ознаки на коловозот ( удвоена бела полна линија), започнал да врши престигнување од левата страна на патничко моторно возило Фиат Пунто кое се движело пред него. Осомничениот со престигнувањето го попречил сообраќајот од спротивната насока и при тоа се судрил со патничко моторно возило Мерцедес Е-200. Од ударот, возилото на осомничениот се придвижило кон десно и удрило во патничкото моторно возило Фиат Пунто кое се обидел претходно да го престигнува. Возилото Мерцедес Е-200 од ударот се придвижило и отишло на коловозна лента наменета за сообраќај на возилата од спротивната насока, по што бил удрен од патничко моторно возило Фолсфаген Пасат и возило Фолсфаген Шаран и завршило со движењето удирајќи во метална ограда на блискиот тротоар, информираат од Обвинителството. Од незгодата со телесни повреди се здобиле шест лица, а со тешки телесни повреди се здобило едногодишно дете. Во сообраќајната незгода, поради тежината на здобиените повреди, на самото место животот го загубиле две лица, 28-годишен скопјанец – возачот на Мерцедес Е-200 и жител на с. Студеничани на возраст од 50 години кои управувал со возилото Фолсваген Пасат. Јавниот обвинител од Основното јавно обвинителство Скопје поведе постапка против осомничениот возач поради основано сомнение дека го сторил кривичното дело – Тешки дела против безбедноста на луѓето и имотот во сообраќајот од член 300 став 4 во врска со член 297 став 3 во врска со став 1 од Кривичниот законик. До надлежниот суд обвинителството поднесе предлог за определување мерки на претпазливост против осомничениот и тоа: забрана за напуштање на живеалиштето односно престојувалиштето, обврска на осомничениот да се јавува повремено на определено службено лице, привремено одземање на патна или друга исправа за преминување на државната граница и забрана за нејзино издавање и привремено одземање на возачката дозвола и забрана за издавање на нова возачка дозвола. Основниот кривичен суд Скопје со Решение ги определи предложените мерки на претпазливост на осомничениот.

ОФИЦИЈАЛНО: Познат идентитетот на загинатите во тешката сообраќајка на Првомајска, седуммина повредени, уапсен возач

Ивона Петрова — Wed, 09 Jun 2021 07:15:53 +0000

Двајца загинати и седум повредени е билансот од тешката сообраќајна несреќа која синоќа околу 23 часот се случи на крстосница од бул.„Србија“ и бул.„Борис Трајковски“, дознава Курир. Од МВР за Курир велат дека во несреќата учествувале пет автомобили сите со скопски регистерски ознаки. Возилата кои учествувале во несреќата се „фолксваген пасат“ управуван од Р.А.(50) од Студеничани, „мерцедес“ управуван од Х.С.(28) од Скопје, „фолксваген шаран“ управуван од З.И.(30) од с.Студеничани, „хјундаи аксент“ управуван од О.А.(25) од с.Батинци, скопско и патничко возило „фиат пунто“ со скопски регистарски ознаки, управувано од Е.Б.(39) од Скопје. -Во незгодата, на местото починале возачите Р.А. и Х.С.. Со тешки телесни повреди се здобил малолетник во возилото „фолксваген пасат“, а со телесни повреди се здобиле сопатниците во истото возило Ф.А.(49), Н.А.(23) и две малолетни лица, констатирани во Комплексот клиники „Мајка Тереза“. Со телесни повреди, констатирани во Градската општа болница „Св.Наум Охридски“ се здобиле и возачите О.А. и Е.Б.., велат за Курир од МВР. По укажаната лекарска помош, О.А. бил лишен од слобода и задржан во полициска станица. Увид на место извршила екипа на СВР Скопје.

ФОТО: Мотор и автомобил се судрија на Првомајска

Ивона Петрова — Fri, 13 Apr 2018 11:44:05 +0000

Нова сообраќајна несреќа во која учествувале автомобил и мотор се случила денес на булеварот „Борис Трајковски“ во Пинтија. Од МВР за Курир ја потврдуваат сообраќајка и додаваат дека истата кај нив е пријавена од случаен минувач околу 12:50 часот. Повеќе детали не се познати за несреќата. ФОТО: Ѕид на сообраќајниот срам

Фотографии од тешката сообраќајка на „Првомајска“

Ивона Петрова — Sat, 31 Mar 2018 23:04:53 +0000

Тешка сообраќајна несреќа се случи вечерва околу полноќ во населбата Кисела Вода на булеварот „Борис Трајковски“. Како што претходно објавивме, според информациите на Курир од терен, автомобил „Мерцедес“ со штипски регистерски ознаки, најверојатно прво удрил во автобуската постојка, по што продолжил да се движи во паркот зад неа удирајќи во бандера и на крај се превртел на кров. Повеќе информации за сообраќајката прочитајте ТУКА.