Шинејд О’Конор се лекува од зависности и психички проблеми

Ивона Петрова — Thu, 12 Nov 2020 09:55:10 +0000

Ирската поп-пејачка Шинејд О’Конор се пријавила на лекување на зависност од дрога и психички проблеми. На својот профил на Твитер, пејачката напиша дека за првпат во животот е подготвена да побара стручна помош за да ги реши своите психички проблеми и да се ослободи од зависноста од дрога – проблеми што ја мачат веќе шест години. -Оваа година изгубив некој што го сакав и тоа многу влијаеше на мене… Лекувањето ќе трае една година, па затоа ги одложив сите планирани концерти за 2021 година, рече О’Конор. Таа пред неколку години призна дека како дете била подложена на вербално и физичко насилство од нејзината мајка. Потоа, таа имала и нагони за самоубиство. Шинејд додава и дека, сепак, објавувањето на нејзината автобиографија, што ќе се случи налето, не е откажано.

Студија: Новиот коронавирус зголемува психички проблеми во Австрија

Ивона Петрова — Thu, 07 May 2020 07:01:35 +0000

Пандемијата со новиот коронавирус има негативни последици по менталното здравје на Австријците, а зачестеноста на симптомите на депресија во Австрија, според репрезентативна студија на Универзитетот во Кремс, значително е зголемена. Нарушувањата на сонот и симптомите на страв се исто така почести, според Универзитетот. Симптомите на депресија се зголемиле од околу четири проценти на повеќе од 20 отсто, додека симптомите на страв кај населението се зголемиле од пет на 19 отсто. Околу 16 проценти од населението изјавиле дека страдаат од несоница. „Резултатот од истрагата е вознемирувачки“, рече авторот на студијата Кристох Пих, шеф на оддел за психотерапија и биопсихосоцијално здравје. Возрасните под 35 години, жени и невработени се особено оптоварени со сегашната состојба, додека оние на возраст над 65 години се помалку оптоварени со состојбата.

психички проблеми – Kurir.mk

Шинејд О’Конор се лекува од зависности и психички проблеми

Студија: Новиот коронавирус зголемува психички проблеми во Австрија