психијатриска болница демир хисар – Kurir.mk

Народниот правобранител најави постапка, а инепкторатот надзор во „Демир Хисар“ по случајот со 17-годишното момче со аутизам

Дарко Андоновски — Tue, 03 Oct 2023 15:10:52 +0000

Институцијата народен правобранител ќе поведе постапка за случајот со 17-годишно момче со аутизам, за кое претходно во медиумите беше објавено дека било врзувано и со рани по телото во Психијатриската болница во Демир Хисар. Васка Бајрамовска Мустафа, државниот советник на Народниот правобранител изјави дека случајот ќе го отворат самоиницијативно и ќе ги преземат сите мерки за негово расветлување. „Бараме од надлежните органи да вршат надзор над работата на институциите и секако да побараат соодветни информации за сознанијата изнесени до родителите преку медиумите за начинот на кој се однесувало со детето додека било сместено“, рече Бајрамовска. Претходно денес и Државниот санитарен и здрвствен инспекторат најави дека ќе изврши надзор во психијатриската болница „Демир Хисар“. Министерот за здравство Фатмир Меџити и Директорката на болницат вчера кажаа дека детето со аутизам, било лекувано согласно протоколите и било врзувано само кога било опасно за себе и за другите.

Испаднала од возило: Повредена пациентка од Психијатриска болница Демир Хисар

Ивана Ефремовски — Tue, 21 Jun 2022 14:42:11 +0000

На 21.06.2022 во 00:05 часот во СВР Битола било пријавено дека на патен правец Демир Хисар – Битола, во близина на крстосница за с.Кутретино, 43-годишна пациентка на ЈЗУ Психијатриска болница Демир Хисар испаднала од патничко моторно возило „рено“ со битолски регистарски ознаки, сопственост на болницата. Возилото го управувал И.Д.(34) од Демир Хисар, а сопатник била медицинска сестра во установата. Притоа, пациентката се здобила со тешки телесни повреди констатирани во Клиничка болница Битола. Увид на местото извршила екипа на Полициската станица Демир Хисар.

Администрацијата во здравството и болничарите од Демир Хисар вријат, а Филипче тера кампања

Дарко Андоновски — Mon, 13 Jan 2020 13:52:10 +0000

И додека врие ситуацијата со администрацијата во здравството, болничарите од Психијатриската болница Демир Хисар го потсетуваат министерот за здравство дека тие не се помошен, туку медицински персонал, објавува Здравство.мк -На средбата кон крајот на ноември кога министерот за здравство Венко Филипче беше во посета на Болницата имаше средба со нас и ние јасно му ги кажавме нашата барања. Прво, дека ние не сме помошен персонал, второ дека нашиот статус треба да биде како на колегите од Психијатриската болница Бардовци. Колегите болничари во Бардовци не се дискредитирани како нас, вели нашиот извор. Нашиот извор објаснува дека работата на болничарите во Психиртрсиката болница Бардовци е ист како и на болничарите во Демир Хисар. -Зошто лица кои работат на исти места со ист опис на работни задачи во една институција имаат едни права, други во друга институција со исти работни задачи ги немаат, прашува вработен во Психијатриската болница во Демр Хисар. Дополнително, вели нашиот извор, револтот расте. -Тој се сретна со нас и сега по скоро два месеци никаде го нема, а има толку многу проблеми во здрвството. Барем еден да реши, да почне од некаде, вели вработен во Психијатриската болница во Демир Хисар.

Психијатриската болница во Демир Хисар работи без електрична енергија

Дарко Андоновски — Tue, 18 Jun 2019 14:13:02 +0000

Околу 300 пациенти во Психијатриската болница во Демир Хисар ја поминаа вечерта во мрак и не можеа да ги добијат потребните медицински интервенции како резултат на прекинот на електричната енергија, пренесува Алсат-М. Дождливото време и грмотевиците предизвикаа сериозни дефекти во електраната. Извори на Алсат од болницата велат дека прекинот на струја трае десет часа, додека лекарите не можеле на пациентите да им стават ниту инфузија. - Јас сум пациент, тука доаѓам по трет пат по ред. Нема струја 5-6 часа. Ако на некој му е потребен лек или инфузија, тоа не може да го добие, бидејќи нема услови, вели еден пациент за Алсат. Надлежните во болницата признаваат дека дефектот предизвикал компликации, притоа објаснувајќи дека агрегатот на болницата е премногу стар, и досега не биле во можност да купат нов бидејќи за негово купување потребни се околу 2 милиони денари. Сепак, тие додаваат дека службите започнале да ги поправаат штетите. - Проблемот е во една од двете електрани бидејќи се стари 20 години. Јас сум во комуникација со Телеком за да пуштат екипа за оваа централа да се подобри, ако може, во спротивно да се снабдиме со друга опрема што поминува низ јавна набавка, истакна Татјана Лозановска, директор на Психијатриската болница во Демир Хисар. Дефектите во компјутерскиот систем се оние кои уште повеќе ја влошија состојбата, но директорката на болницата вели дека таков дефект би бил непростлив ако во оваа болница се извршувале хируршки интервенции. - Кај нас не се вршат хируршки операции, но осветлувањето во објектите мора да има. Од компјутерите, некои сервери прегореа од невремето, денес се право само евиденција за тоа кои делови изгореле. Знаете дека болничкото осигурување, болничките инструкции, системот „Мој термин“ сето ова е поврзано со компјутерската мрежа. Овие дефекти се поправаат, ќе бидат набавени нови делови, додава Татјана Лозановска, директор на Психијатриската болница во Демир Хисар. Психијатриската болница во Демир Хисар се соочува и со други проблеми. Неговите објекти се многу стари и оштетени, како и многу други болници, медицинскиот персонал во оваа здравствена установа не е доволен. Засега има околу 250 лица во болницата, додека установата пружа рехабилитација на лица со проблеми со ментално здравје, каде што најмладиот пациент е 16 години.