психијатриска болница – Kurir.mk

Руските сили нападнаа психијатриска болница во украинскиот град Изум

Ивона Петрова — Fri, 11 Mar 2022 09:44:20 +0000

Руските сили денеска извршија напад врз психијатриска болница во близина на источниот украински град Изум, јавија западните медиуми, повикувајќи се на регионалните власти. Гувернерот на регионот Харков, Олех Синегубов изјави дека 330 лица се наоѓале во болницата, а 73 се евакуирани. Тој истакна дека се утврдува бројот на жртви, опишувајќи го како „брутален напад врз цивили“. Во текот на неделава беше извршен напад и врз детска болница и родилиште во градот Мариупол, при што загинале три лица.

Обид за внесување на марихуана во Психијатриска болница во Демир Хисар

Тале Кристо — Wed, 22 Dec 2021 16:02:28 +0000

На 21.12.2021 во СВР Битола било пријавено дека во Јавната здравствена установа - Психијатриска болница Демир Хисар, при проверка на пратка наменета за пациент во болницата, била пронајдена марихуана. Се преземаат мерки за расчистување на случајот.

Шокантна исповед на Дру Баримор: Мајка ми на 13 години ме однесе во психијатриска болница

Ивона Петрова — Sun, 28 Feb 2021 09:14:52 +0000

Холивудската актерка Дру Баримор за време на едно радиско гостување кажала непознати детали за својот живот во младоста. Славната актерка открила дека нејзината мајка Џејд, кога таа имала 13 години ја однела во психијатриска болница во која поминала 18 месеци. -Првите шест до осум месеци бев полна со бес. Не ми беше јасно зошто сум толку страшно казнета. Мислевдека одгледала чудовиште и дека повеќе не знаела што да прави со тоа чудовиште, изјавила Дру. Актерката додава дека имало ужасни моменти во установата. -Денес дури знам и да се насмеам кога ги слушам приказните за холивудските ѕвезди и 30 дневниот програм во Малибу. Тоа е ништо во споредба со она што јас го поминав и во таа институции во ’80 години немаше шега. Не можете да шетате наоколу, а ако тоа го правите ќе ве однесат во изолирана соба или ќе ве стават на носилка и ќе ве заврзат. Ја сфаќам донекаде постапката на мојата мајка, но мислам дека е виновна за многу работи кои подоцна ми се случуваа во животот и кои ме обликуваа како личност, истакнува Баримор. Таа тврди дека мајка и ја одгледала како да и е пријателка, а не ќерка што довело до тоа во тинејџерските да биде надвор од контрола. Баримор истакнала дека и простила на мајка си, но дури после долготрајна терапија и сега во контакт.

Вработени од Психијатриската болница од Демир Хисар оставени без плата, власта и Филипче молчат

Магдалена Андонова — Tue, 23 Feb 2021 15:34:41 +0000

Неажурноста на владата на СДСМ продолжува и понатаму. Вчера се појави информација каде власта и министерот за здравство, Венко Филипче веќе неколку месеци оставиле 37 вработени во Психијатриската болница во Демир Хисар без плата. Поради сето тоа од вчера вработените од болницата најавија штрајк. Станува збор за болничари, хигиеничари и возачи на кои не им се продолжени договорите за работа и два месеци се оставени без плата. Имено тие велат дека во период на пандемија се соочуваат со сите ризици, ги извршуваат најтешките работни задачи и работат со лица позитивни на КОВИД-19, а се оставени без плата и без решен работен статус. -Работиме во ковид пандемија, во такви услови, без ништо, без решен статус. Ние бараме да ни се реши статусот на неопределено работно време, ни никако не ни го решаваат. Скоро два месеци немаме земено плата, изјави хигиеничар во психијатриска болница Демир Хисар. Персоналот од болницата најави дека нема да се вратат на работат додека не им се реши овој проблем кој веќе неколку години се соочуваат. Сето ова уште докажа дека власта не само што не е способна да се справи со целата пандемија и без никаков срам ги остава без надоместок лицата кои се во првата борбена линија со вирусот.

Хорор во психијатриска болница: Пациент убил 2 лица и повредил тројца

Катерина Бојаџиева — Fri, 19 Feb 2021 14:54:27 +0000

Две лица се убиени, а тројца повредени во напад во психијатриска болница во германскиот град Линебург, соопшти денеска полицијата. Како што пренесуваат германските медиуми, осомничен е 21-годишен маж кој вчера бил примен во болницата и кој, како што има сомневање, нападнал и убил двајца постари пациенти во текот на ноќта. Тој повредил и две медицински сестри, од кои едната тешко и еден полицаец. Полицијата во Линебург соопшти дека мажот е уапсен.

Лајм: Директорот Ќамил Ковачи додели 23 решенија за работа, застапеноста надминува 25%

Предраг Кукиќ — Fri, 28 Dec 2018 15:41:05 +0000

Директорот на психијатриската болница во Скопје, Ќамил Ковачи, денеска додели 23 решенија за работа за вработените со договор на дело. Од вкупниот број од 23 вработувања, 16 се Албанци и 7 од другите заедници, пишува Лајм. Застапеноста на Албанците во оваа здравствена установа надминува 25 проценти и ја почитува уставната норма за соодветна застапеност. Како што пишува Лајм директорот Ковачи, од почетокот на мандатот како директор, максимално се залагал за вработувањето на албанци како медицински кадри и технички персонал. Тој во континуитет вработува персонал секоја година, и сега ја исполнил потребната квота. Во психијатриската болница во Скопје директорот Ќамил Ковачи вели дека се прават капитални инвестиции во инфраструктурата на објектите и се создаваат што попогодни услови за пациентите, споменувајќи го реновирањето на некои од објектите, купувањето на кревети и уредувањето на просториите во оваа болница.